'കിംഗ് ഈസ് ബാക്ക്'; മെസി അര്ജന്റീനന് ടീമിലേക്ക് തിരിച്ചെത്തുന്നു
സൂപ്പര് താരം ലിയോണല് മെസി അര്ജന്റീനന് ടീമിലേക്ക് തിരിച്ചുവരുന്നു. മാര്ച്ച് 22ന് വെനസ്വേലയ്ക്ക് എതിരെ നടക്കുന്ന സൗഹൃദ മത്സരത്തില് കളിക്കും.
ബാഴ്സലോണ: സൂപ്പര് താരം ലിയോണല് മെസി അര്ജന്റീനന് ടീമിലേക്ക് തിരിച്ചുവരുന്നു. മാര്ച്ച് 22ന് വെനസ്വേലയ്ക്ക് എതിരെ നടക്കുന്ന സൗഹൃദ മത്സരത്തില് കളിക്കും. ഒമ്പത് മാസത്തെ ഇടവേളയ്ക്ക് ശേഷമാണ് മെസി ദേശീയ കുപ്പായത്തിലേക്ക് മടങ്ങിയെത്തുന്നത്.
റഷ്യന് ലോകകപ്പ് പ്രീ ക്വാര്ട്ടറില് ഫ്രാന്സിനോട് 3-4ന് പരാജയപ്പെട്ട ശേഷം മെസി അര്ജന്റീനന് ജഴ്സിയില് കളിച്ചിട്ടില്ല. ലോകകപ്പിന് ശേഷം ബാഴ്സലോണയില് കളിക്കുന്നതില് മാത്രമായിരുന്നു മെസിയുടെ ശ്രദ്ധ. ലോകകപ്പ് തോല്വിക്ക് പിന്നാലെ മെസി വിരമിക്കുമെന്ന് അഭ്യൂഹങ്ങളുണ്ടായിരുന്നു. എന്നാല് മെസി വീണ്ടും ദേശീയ ടീമില് തിരിച്ചെത്തുന്നത് ആരാധകരെ ത്രസിപ്പിക്കും.