ന്യൂയോര്‍ക്ക്: നീന്തല്‍ ഇതിഹാസം മൈക്കിള്‍ ഫെല്‍പ്സും സ്രാവും തമ്മിലുള്ള നീന്തല്‍ മത്സരത്തില്‍ ഫെല്‍പ്സിന് തോല്‍വി. ഫെല്‍പ്സ് വെഴ്സസ് ഷാര്‍ക്ക്; ഗ്രേറ്റ് ഗോള്‍ഡ് V ഗ്രേറ്റ് വൈറ്റ് എന്നായിരുന്നു മത്സരത്തിന്‍റെ പേര്. 100 മീറ്ററായിരുന്നു മത്സരം. ഡിസ്കവറി ചാനല്‍ ആണ് ഈ മത്സരം സംഘടിപ്പിച്ചത്.

നേരത്തെ നടത്തിയ മത്സരത്തിന്‍റെ ദൃശ്യങ്ങള്‍ ഇന്നാണ് ഡിസ്കവറി പുറത്തുവിട്ടത്. 2 സെക്കന്‍റിനാണ് ഫെല്‍പ്സിന്‍റെ തോല്‍വി എന്നാണ് ദൃശ്യങ്ങള്‍ തെളിയിക്കുന്നത്. 28 ഒളിംപിക്സ് മെഡലുകള്‍ നേടിയിട്ടുള്ള മൈക്കിള്‍ ഫെല്‍പ്സിന് 32 വയസുണ്ട്. സ്രാവ് 36.10 സെക്കന്‍റ് കൊണ്ട് ദൂരം പിന്നിട്ടപ്പോള്‍, ഫെല്‍പ്സ് എടുത്തത് 38.10 സെക്കന്‍റാണ്.