Asianet News MalayalamAsianet News Malayalam

ഓസ്ട്രേലിയന്‍ ഓപ്പണ്‍; യുവതാരത്തിന് മുന്നില്‍ അടിപതറി ഫെഡറര്‍ പുറത്ത്

ക്വാര്‍ട്ടറില്‍ 22-ാം സീഡ് റോബര്‍ട്ടോ ബൗറ്റിസ്റ്റയാണ് സ്റ്റെഫാനോസിന്‍റെ എതിരാളി. ഈ ഭൂമിയിലെ ഏറ്റവും സന്തോഷവാനായ മനുഷ്യന്‍ ഇപ്പോള്‍ താനാകുമെന്നാണ് വിജയത്തിന് ശേഷം സ്റ്റെഫാനോസ് പ്രതികരിച്ചത്

roger federrer out from australian open
Author
Melbourne VIC, First Published Jan 20, 2019, 6:31 PM IST

മെല്‍ബണ്‍: ഓസ്ട്രേലിയന്‍ ഓപ്പണില്‍ നിന്ന് നിലവിലെ ചാമ്പ്യനും ഇതിഹാസ താരവുമായ സ്വിറ്റ്സര്‍ലന്‍ഡിന്‍റെ റോജര്‍ ഫെഡറര്‍ പുറത്ത്. ഗ്രീസിന്‍റെ ഇരുപതുകാരന്‍ യുവതാരം സ്റ്റെഫാനോസ് സിറ്റ്സിപാനിസിനോടാണ് ഫെഡറര്‍ പരാജയം സമ്മതിച്ചത്. സ്കോര്‍ 7-6, 6-7, 5-7, 6-7. സ്റ്റെഫാനോസ് ആദ്യമായാണ് ഒരു ഗ്രാന്‍റ്സ്ലാമിന്‍റെ ക്വാര്‍ട്ടറില്‍ എത്തുന്നത്.

മൂന്നാം സീഡായ ഫെഡ‍ററിന് മുന്നില്‍ മികച്ച പ്രകടനമാണ് 14-ാം സീഡ് സ്റ്റെഫാനോസ് പുറത്തെടുത്തത്. ക്വാര്‍ട്ടറില്‍ 22-ാം സീഡ് റോബര്‍ട്ടോ ബൗറ്റിസ്റ്റയാണ് സ്റ്റെഫാനോസിന്‍റെ എതിരാളി.

ഈ ഭൂമിയിലെ ഏറ്റവും സന്തോഷവാനായ മനുഷ്യന്‍ ഇപ്പോള്‍ താനാകുമെന്നാണ് വിജയത്തിന് ശേഷം സ്റ്റെഫാനോസ് പ്രതികരിച്ചത്. ഫെഡററിനെ കോര്‍ട്ടില്‍ നേരിടുക എന്ന സ്വപ്നം യാഥാര്‍ഥ്യമായി. അദ്ദേഹത്തെ തോല്‍പ്പിക്കുക എന്ന സ്വപ്നങ്ങള്‍ക്ക് പോലും അപ്പുറമായിരുന്നെന്നും സ്റ്റെഫാനോസ് പറഞ്ഞു. 

Follow Us:
Download App:
  • android
  • ios