ഗയാന: വെസ്റ്റ് ഇന്ഡീസുകാരുടെ 'ഐപിഎല്' ആയ കരീബിയന് പ്രീമിയര് ലീഗില് മുന് പാക്കിസ്ഥാന് താരം സൊഹൈല് തന്വീറിന്റെ മാരക ബൌളിംഗ് ചര്ച്ചയാകുന്നു. തീതുപ്പുന്ന പന്തുകളുമായി തന്വീര് നിറഞ്ഞാടിയ മല്സരത്തില് ബാര്ബഡോസ് ട്രൈഡന്റ്സിനെ 99 റണ്സിനു തകര്ത്തെറിഞ്ഞ ഗയാന ആമസോണ് വാരിയേഴ്സ് പ്ലേ ഓഫ് സാധ്യതകള് സജീവമാക്കി.
ഗയാന ആമസോണ് വാരിയേഴ്സിനായി നാല് ഓവറില് മൂന്നു റണ്സ് മാത്രം വഴങ്ങി അഞ്ച് വിക്കറ്റ് വീഴ്ത്തിയ തന്വീര് ട്വന്റി20 ക്രിക്കറ്റിലെ പുതിയ റെക്കോര്ഡിട്ടു. ഇതില് ഒരു ഓവര് മെയ്ഡനാക്കുകയും ചെയ്തു. വിന്ഡീസിന്റെ ഡ്വെയിന് സ്മിത്ത്, ന്യൂസീലന്ഡിന്റെ കെയ്ന് വില്യംസന്,ഇംഗ്ലണ്ടിന്റെ ഒയിന് മോര്ഗന്, കീറോണ് പൊള്ളാര്ഡ് എന്നിവരെയാണ് തന്വീര് പുറത്താക്കിയത്.
