ആജീവനാന്ത വിലക്കിനെതിരെ വീണ്ടും ശ്രീശാന്ത്; സുപ്രീം കോടതിയില് ഹര്ജി നല്കി
ദില്ലി: ബിസിസിഐ ഏര്പ്പെടുത്തിയ ആജീവനാന്ത വിലക്ക് നീക്കണമെന്നാവശ്യപ്പെട്ട് ക്രിക്കറ്റ് താരം ശ്രീശാന്ത് നല്കിയ ഹര്ജി സുപ്രീംകോടതി തിങ്കളാഴ്ച പരിഗണിക്കും. ചീഫ് ജസ്റ്റീസ് ദീപക് മിശ്ര അധ്യക്ഷനായ ബഞ്ചാണ് ഹര്ജി പരിഗണിക്കുന്നത്.
ഐപിഎല് 2013 സീസണില് രാജസ്ഥാന് റോയല്സിന്റെ കളിയില് ഒത്തുകളി ആരോപിച്ച് ഡല്ഹി പൊലീസ് ശ്രീശാന്തിനെ അറസ്റ്റ് ചെയ്തപ്പോഴാണു ബിസിസിഐ നടപടിയെടുത്തത്. ആജീവനാന്ത വിലക്കിനെതിരെ ശ്രീശാന്ത് ഹൈക്കോടതിയില് ഹര്ജി നല്കിയിരുന്നു. പിന്നീട് ആജീവനാന്ത വിലക്കും ശിക്ഷാ നടപടികളും ഹൈക്കോടതി റദ്ദു ചെയ്യുകയും ചെയ്തു.
എന്നാല്, ആജീവനാന്ത വിലക്ക് നീക്കിയ സിംഗിള് ബഞ്ച് ഉത്തരവ് കഴിഞ്ഞ ഒക്ടോബറില് കേരള ഹൈക്കോടതി ഡിവിഷന് ബഞ്ച് റദ്ദാക്കിയിരുന്നു. 2015 ലാണ് ഐപിഎല് ഒത്തുകളി വിവാദത്തില് ശ്രീശാന്തിന് ബിസിസിഐ ആജീവനാന്ത വിലക്ക് ഏര്പ്പെടുത്തിയത്.