കൊളംബോ: ഏകദിന സെഞ്ചുറികളുടെ എണ്ണത്തില് വിരാട് കോലിക്ക് മുന്നില് സച്ചിന് മാത്രം. ശ്രീലങ്കയ്ക്കെതിരായ അഞ്ചാം ഏകദിനത്തില് 30-ാം സെഞ്ചുറി കണ്ടെത്തിയ കോലി ഓസ്ട്രേലിയന് ഇതിഹാസം റിക്കി പോണ്ടിങ്ങിനൊപ്പം രണ്ടാമതെത്തി. 194 മല്സരങ്ങളില് നിന്നാണ് കോലിയുടെ ചരിത്ര നേട്ടം. 463 ഏകദിന മല്സരങ്ങളില് നിന്ന് 49 സെഞ്ചുറികള് നേടിയ സച്ചിന് ടെന്ഡുള്ക്കറാണ് പട്ടികയില് ഒന്നാമത്.
നാലാം ഏകദിനത്തില് സെഞ്ചുറി നേടിയതോടെ 28 സെഞ്ചുറികളുള്ള ശ്രീലങ്കന് താരം സനത് ജയസൂര്യയെ മറികടന്ന് കോലി മൂന്നാമതെത്തിയിരുന്നു. ഈ കലണ്ടര് വര്ഷത്തില് 1000 റണ്സ് പൂര്ത്തിയാക്കിയ കോലി തുടര്ച്ചയായ അഞ്ചാം വര്ഷവും ഈ നേട്ടത്തിലെത്തി. 116 പന്തില് ഒന്പത് ബൗണ്ടറി സഹിതമാണ് കോലി 110 റണ്സെടുത്തത്.
