കിരീടഘോഷത്തിനിടെ ക്ലബിന്‍റെ തുറന്ന ബസിന് തീപിടിച്ചു
സെര്ബിയ: ഫുട്ബോള് മൈതാനങ്ങളില് അപകടങ്ങള് പുതുമയല്ല. എന്നാല് ടീമിന്റെ ആഹ്ലാദപ്രകടനത്തിനിടെ അപകടം നടന്ന സംഭവങ്ങള് ഫുട്ബോള് ലോകത്ത് അത്യപൂര്വ്വമായിരിക്കും. സെര്ബിയന് സൂപ്പര് ലിഗയില് കിരീടമുയര്ത്തിയ റെഡ് സ്റ്റാര് ബെല്ഗ്രേഡിന്റെ വിക്ടറി പരേഡിനിടെ ടീമിന്റെ തുറന്ന ബസ് പൂര്ണമായും കത്തിനശിച്ചത് ഫുട്ബോള് ലോകത്തെ ഞെട്ടിച്ചു.
വോസ്ഡോവാക്കിനെ 5-1ന് തോല്പിച്ച് കിരീടമുയര്ത്തി ആരാധകര്ക്കൊപ്പം റെഡ് സ്റ്റാര് ആഹ്ലാദം പങ്കിടുന്നതിനിടെ തുറന്ന ബസിന് തീപിടിക്കുകയായിരുന്നു. ബസില് നിന്ന് ചോര്ന്ന ഓയിലിലേക്ക് താരത്തിന്റെ കൈയില് നിന്ന് അബദ്ധത്തില് തീ പടരുകയായിരുന്നു. എന്നാല് സംഭവത്തില് ആര്ക്കും പരിക്കില്ല എന്നാണ് റിപ്പോര്ട്ടുകള്. സെര്ബിയന് സൂപ്പര് ലിഗയില് തങ്ങളുടെ 28-ാം കിരീടമാണ് റെഡ് സ്റ്റാര് ബെല്ഗ്രേഡ് സ്വന്തമാക്കിയത്.
Scroll to load tweet…
Scroll to load tweet…
