വിംബിള്ഡണ്: വനിതാ സിംഗിള്സ് സെമി ലൈനപ്പായി
- ജൂലിയ ജോര്ജസിനെ സെറീന വില്ല്യംസ് നേരിടും
വിംബിള്ഡണ്: വിംബിള്ഡൺ ടെന്നിസ് വനിതാ സിംഗിള്സ് സെമിഫൈനല് ലൈനപ്പായി. ആദ്യ സെമിയിൽ മുന് ചാംപ്യനും 25-ാം സീഡുമായ സെറീന വില്ല്യംസ് 13-ാം സീഡ് ജര്മന് താരം ജൂലിയ ജോര്ജസിനെ നേരിടും. ക്വാര്ട്ടറിൽ കാമിലാ ജിയോര്ജിക്കെതിരെ ആദ്യ സെറ്റ് നഷ്ടമായ ശേഷം തിരിച്ചടിച്ചാണ് 23 വട്ടം ഗ്രാന്സ്ലാം ചാംപ്യനായ സെറീന സെമിയിലെത്തിയത്. സ്കോര്- 3..6, 6..3, 6..4.
കിക്കി ബെര്ട്ടെന്സിനെ തോൽപ്പിച്ചാണ് ജൂലിയ ജോര്ജസിന്റെ സെമി പ്രവേശം. പതിനാലാം സീഡ് കസാത്കിനയെ തോൽപ്പിച്ച 11-ാം സീഡ് ഏഞ്ചലിക്ക് കെർബറും, ഡൊമിനിക്ക സിബുൽക്കോവയെ വീഴ്ത്തിയ ലത്വിയന് താരം യെലേന ഒസ്റ്റാപ്പെന്കോയും തമ്മിലാണ് അവസാന സെമി. 12-ാം സീഡാണ് ഒസറ്റാപെന്കോ. സീഡിംഗില് ആദ്യ 10ലുള്ള എല്ലാവരും നേരത്തേ പുറത്തായിരുന്നു.
Last Updated Oct 4, 2018, 3:06 PM IST