നിയമനകാര്യത്തിലും സ്മാര്ട്ടായി ഫെഡറല് ബാങ്ക്; എഐ സാങ്കേതികവിദ്യ ഉപയോഗിക്കുന്ന രാജ്യത്തെ ആദ്യ ബാങ്ക്
ഫെഡറല് ബാങ്ക് അതിന്റെ പരമ്പരാഗത എച്ച്ആര് സമ്പ്രദായങ്ങളെ അടിമുടി പൊളിച്ചെഴുതുന്നു. പൂര്ണ്ണമായും ആര്ട്ടിഫിഷ്യല് ഇന്റലിജന്സില് അധിഷ്ഠിതമായി ഉദ്യോഗാര്ത്ഥികളെ റിക്രൂട്ട് ചെയ്യുന്ന ആഭ്യന്തര ബാങ്കിംഗ് മേഖലയിലെ ആദ്യത്തെ സ്ഥാപനമായി ബാങ്ക് മാറുകയാണ്.
ഫെഡറല് ബാങ്ക് അതിന്റെ പരമ്പരാഗത എച്ച്ആര് സമ്പ്രദായങ്ങളെ അടിമുടി പൊളിച്ചെഴുതുന്നു. പൂര്ണ്ണമായും ആര്ട്ടിഫിഷ്യല് ഇന്റലിജന്സില് അധിഷ്ഠിതമായി ഉദ്യോഗാര്ത്ഥികളെ റിക്രൂട്ട് ചെയ്യുന്ന ആഭ്യന്തര ബാങ്കിംഗ് മേഖലയിലെ ആദ്യത്തെ സ്ഥാപനമായി ബാങ്ക് മാറുകയാണ്. ഫെഡറല് ബാങ്കിന്റെ റിക്രൂട്ടമെന്റ് സംവിധാനമായ ഫെഡ് റിക്രൂട്ട്, എച്ച്ആര് പ്രവര്ത്തനത്തെ സാങ്കേതികവിദ്യ ഉപയോഗിച്ച് മുന്നോട്ടു കൊണ്ടുപോകുന്നു. മള്ട്ടിസ്റ്റേജ് നിയമന പ്രക്രിയയുടെ ഒരേയൊരു മാനുഷ്യ ഇടപെടല് അതിന്റെ അന്തിമ റൗണ്ടില് എച്ച്ആര് എക്സിക്യൂട്ടീവുകള് കൂടിക്കാഴ്ച നടത്തി റിക്രൂട്ട് ചെയ്യുന്നതു മാത്രമാണ്.
എച്ച്ഡിഎഫ്സി ബാങ്കിനെപ്പോലുള്ള വലിയ ബാങ്കുകള് ഇപ്പോള് തന്നെ ധാരാളം സാങ്കേതികവിദ്യകള് റിക്രൂട്ടമെന്റിനായി ഉപയോഗിക്കുന്നുണ്ട്. എന്നാല് അവയെല്ലാം, പ്രാഥമിക സ്ക്രീനിംഗ് തലത്തില് മാത്രമാണ്. ഇത്തരത്തില് എഐ സാങ്കേതികവിദ്യയിലേക്ക് പൂര്ണ്ണമായും മാറുന്ന ആദ്യത്തെ ബാങ്കാണ് ഫെഡറല് ബാങ്ക്.
റോബോട്ടിക് അഭിമുഖങ്ങള്, സൈക്കോമെട്രിക്, ഗെയിം അധിഷ്ഠിത വിലയിരുത്തല് പ്രക്രിയകള് മുതലായവയിലൂടെയാണ് റിക്രൂട്ടമെന്റിന് ആവശ്യമായ ഡാറ്റാ പോയിന്റുകള് ശേഖരിക്കുന്നതെന്ന് ഫെഡറല് ബാങ്ക് എച്ച്ആര് മേധാവി അജിത് കുമാര് കെ കെ പറഞ്ഞു.
തൊഴില് അപേക്ഷാ തലം മുതല് അഭിമുഖവുമായി ബന്ധപ്പെട്ട പ്രോസസുകള്, തെരഞ്ഞെടുക്കല്, ഓണ്ബോര്ഡിംഗ് എന്നിവയിലേക്ക് ഒന്നിലധികം ഓണ്ലൈന് പ്രക്രിയകള് ഉപയോഗിച്ച് മികച്ച കാന്ഡിഡേറ്റ് അനുഭവങ്ങള് സൃഷ്ടിച്ചു എച്ച്ആര് പ്രാക്ടീസുകള് നടത്തുക എന്നതാണ് അടിസ്ഥാന ആശയം.
ഒടുവില് തിരഞ്ഞെടുക്കുന്നതിനെക്കുറിച്ച് അവരുടെ മാതാപിതാക്കളെ അറിയിക്കുന്നതു പോലും ഓട്ടോമാറ്റിക്കായി തന്നെ. ഒരിടത്തും മനുഷ്യ ഇടപെടലുകളൊന്നുമില്ലാതെ റിക്രൂട്ട്മെന്റ് നടത്തുകയാണ് ബാങ്ക് ചെയ്യുന്നതെന്നും കുമാര് പറയുന്നു. റോബോട്ടിക് ഇന്റര്വ്യൂ പ്രോസസ്സ് സ്ഥാനാര്ത്ഥികളുടെ വ്യക്തിത്വ സവിശേഷതകള് സ്കാന് ചെയ്യുന്നു.
വെര്ച്വല് മുഖാമുഖ അഭിമുഖങ്ങള്ക്കായി സംയോജിത വീഡിയോകള് ഉപയോഗിക്കുന്നു. കൂടാതെ തത്സമയ ഇടപെടലിനായി ലൈവ് വീഡിയോകളും മികച്ച കാന്ഡിഡേറ്റ് മാനേജുമെന്റിനായി അറിയിപ്പും ഉപയോഗിക്കുന്നു. എഐ പ്രാപ്തമാക്കിയ ചാറ്റ്ബോട്ട് സ്ക്രീനുകളില് നിന്ന് ആരംഭിക്കുന്ന പ്രോസസ്സ് തത്സമയ അടിസ്ഥാനത്തില് അപ്ഡേറ്റുചെയ്യുകയും അന്തിമ നിയമനത്തിന് മുമ്പായി അപേക്ഷകനെ ഒരു കൂട്ടം ഘട്ടങ്ങളിലൂടെ കൊണ്ടുപോകുകയും ചെയ്യുന്നു.
തിരഞ്ഞെടുത്ത വ്യക്തിയുടെ മാതാപിതാക്കള്ക്ക് വിവരങ്ങള് എസ്എംഎസ് ഉപയോഗിച്ച് അറിയിക്കുന്നതിലൂടെ നിയമനത്തില് ചാറ്റ്ബോട്ടിന്റെ പങ്ക് അവസാനിക്കുന്നു. ഒക്ടോബര് മുതല് ബാങ്ക് ഇതിനകം 350 പ്രൊബേഷണറി ഓഫീസര്മാരെ കാമ്പസുകളില് നിന്ന് നിയമിച്ചിട്ടുണ്ടെന്നും ബാക്കി 350 പേരെ വാര്ഷിക ലക്ഷ്യം പൂര്ത്തിയാക്കാന് ഡിസംബര് വരെ നിയമിക്കുമെന്നും കൂട്ടിച്ചേര്ത്തു.
പുതിയ സംവിധാനത്തിന്റെ പൈലറ്റ് ഘട്ടത്തില് ഇത്തരത്തില് 350 പേരില് 150 പേരെ ആദ്യ മാസത്തില് തന്നെ തെരഞ്ഞെടുത്തു. രാജ്യത്തെ ആറാമത്തെ വലിയ സ്വകാര്യബാങ്കായ ഫെഡറല് ബാങ്ക് സാങ്കേതികവിദ്യയിലൂടെ ഉദ്യോഗാര്ത്ഥിയുടെ കഴിവുകള്, സംഘടനാ ഘടന, നിയമന പ്രക്രിയകള് എന്നിവ സമന്വയിപ്പിക്കുന്ന ഒരു റിക്രൂട്ട്മെന്റ് ചട്ടക്കൂട് സൃഷ്ടിക്കുന്നതും ഇതാദ്യമാണ്.