ഐഫോണ് 7 വിവിധ രാജ്യങ്ങളില് വില്പ്പന തുടങ്ങി. മികച്ച റിപ്പോര്ട്ടുകള് ഫോണിനെക്കുറിച്ച് വരുമ്പോഴും. വിമര്ശനങ്ങള്ക്കും വലിയ കുറവില്ല. പ്രമുഖ യൂട്യൂബ് റിവ്യൂറായ ജെറി റിംഗ് ആണ് ഐഫോണിന്റെ ചില പ്രശ്നങ്ങള് കണ്ടുപിടിച്ച് സ്വന്തം യൂട്യൂബ് അക്കൗണ്ടില് ഇട്ടത്.
ഐഫോണ് 7 ന്റെ ഈട് നില്പിനെ പരീക്ഷിക്കുന്ന ദൃശ്യങ്ങള് യൂട്യൂബില് തരംഗമാവുകയാണ്. പുതുതായി ബോക്സില് നിന്നും എടുക്കുന്ന ഐഫോണ് 7 നെ, പേനകത്തി കൊണ്ടും മറ്റും പരീക്ഷിക്കുന്ന ദൃശ്യങ്ങളാണ് ജെറി റിംഗ് സ്വന്തം യൂട്യൂബില് ഇടുന്നത്.
കടുത്ത താക്കോല് പ്രയോഗങ്ങളെ മികച്ച രീതിയിലാണ് ഐഫോണ് 7 പ്രതിരോധിക്കുന്നത്. എന്നാല് പേന കത്തിയുടെ പ്രയോഗത്തില് ഐഫോണിന്റെ പലഭാഗങ്ങളിലും പരുക്കുകള് ഏല്ക്കുന്നുണ്ട്. ഏറ്റവും പുതിയ ഗോറില്ല ഗ്ലാസ് സാങ്കേതികത ഐഫോണ് 7 ല് ആപ്പിള് നല്കിയിട്ടുണ്ട്.
എന്നാല് സ്ക്രാച്ച് ടെസ്റ്റില് സ്ക്രീനില് പാടുകള് വീഴുന്നുണ്ട്. കൂടാതെ, സ്ക്രാച്ച് ടെസ്റ്റില് ക്യാമറ ലെന്സിന്റെ കവറിലും പരുക്കുകള് ഏല്ക്കുന്നുണ്ട്. മുന് മോഡലായ ഐഫോണ് 6s ല് ആപ്പിള് ഉള്ക്കൊള്ളിച്ചതായ ആലൂമിനിയം 7000 ശ്രേണിയാണ് ഐഫോണ് 7 ലും ആപ്പിള് നല്കിയിരിക്കുന്നത്. എന്നാല് ബെന്ഡ് ടെസ്റ്റില് ഐഫോണ് 7 ന് ചെറുതായി വളയുന്നതായും ദൃശ്യങ്ങള് വ്യക്തമാണ്.
ഐഫോണ് 5 പ്ലസ് ഇറങ്ങിയ കാലത്ത് വലിയ പരാതിയായിരുന്നു ഐഫോണ് വളയുന്നതിനെക്കുറിച്ച് ഉയര്ന്നത്. എന്നാല് ഐഫോണ്6 ല് എത്തിയതോടെ ഈ പരാതി ആപ്പിള് പരിഹരിച്ചിരുന്നു.
