സ്‌ക്രീനില്‍ ഞെട്ടിക്കാന്‍ നിവിന്‍ പോളി; 'മൂത്തോന്‍' ട്രെയ്ലര്
രാജീവ് രവിയാണ് ചിത്രത്തിന്റെ ഛായാഗ്രഹണം. എഡിറ്റിംഗ് അജിത്കുമാര്‍, കിരണ്‍ദാസ് എന്നിവര്‍ ചേര്‍ന്ന്.
ഗീതു മോഹന്‍ദാസിന്റെ സംവിധാനത്തില്‍ നിവിന്‍ പോളി നായകനാവുന്ന ചിത്രം 'മൂത്തോന്റെ' ട്രെയ്ലര് പുറത്തെത്തി. നേരത്തേ ടോറന്റോ മേളയില്‍ ചിത്രം പ്രദര്‍ശിപ്പിച്ചിരുന്നു. നിവിന്‍ പോളി ഇതുവരെ അവതരിപ്പിക്കാത്ത തരം കഥാപാത്രവും പ്രകടനവുമാണ് ചിത്രത്തിലേതെന്ന് ട്രെയ്ലര് കാട്ടിത്തരുന്നു. ഒന്നര മിനിറ്റ് ദൈര്‍ഘ്യമുള്ള ട്രെയ്‌ലറാണ് പുറത്തെത്തിയിരിക്കുന്നത്.
ലക്ഷദ്വീപുകാരനായ പതിനാലുകാരന്‍ തന്റെ മുതിര്‍ന്ന സഹോദരനെ തേടി യാത്ര തിരിക്കുന്നതാണ് ചിത്രത്തിന്റെ പ്ലോട്ട് എന്നാണ് പുറത്തുവന്ന വിവരം. ലക്ഷദ്വീപും മുംബൈയുമായിരുന്നു ചിത്രത്തിന്റെ പ്രധാന ലൊക്കേഷനുകള്‍. മിനി സ്റ്റുഡിയോ, ജാര്‍ പിക്‌ചേഴ്‌സ് എന്നീ ബാനറുകള്‍ക്കൊപ്പം ബോളിവുഡ് സംവിധായകന്‍ അനുരാജ് കാശ്യപും ചേര്‍ന്നാണ് നിര്‍മ്മാണം.
നിവിന്‍ പോളിക്കൊപ്പം റോഷന്‍ മാത്യു, ശശാങ്ക് അറോറ, ശോഭിത് ധൂലിപാല, ദിലീഷ് പോത്തന്‍, ഹരീഷ് ഖന്ന, സുജിത്ത് ശങ്കര്‍, മെലിസ രാജു തോമസ് എന്നിവര്‍ അഭിനയിച്ചിരിക്കുന്നു. ഇത്തവണത്തെ മുംബൈ ഫിലിം ഫെസ്റ്റിവലിന്റെ ഉദ്ഘാടന ചിത്രവുമാണ് മൂത്തോന്‍.
