അനൂപ് മേനോന് സ്റ്റോറീസ് എന്ന ബാനറിലാണ് നിര്മ്മാണം. മഹാദേവന് തമ്പിയാണ് ഛായാഗ്രാഹകന്
അനൂപ് മേനോന് രചനയും സംവിധാനവും നിര്മ്മാണവും നിര്വ്വഹിച്ച് നായകനായി അഭിനയിക്കുന്ന ചിത്രം 'പദ്മ'യുടെ ടീസര് പുറത്തെത്തി. സുരഭി ലക്ഷ്മിയാണ് ചിത്രത്തില് നായികയായി എത്തുന്നത്. അനൂപ് മേനോന് സ്റ്റോറീസ് എന്ന ബാനറിലാണ് നിര്മ്മാണം.
Add Asianetnews as a Preferred Source
മഹാദേവന് തമ്പിയാണ് ഛായാഗ്രാഹകന്. എഡിറ്റിംഗ് സിയാന് ശ്രാകാന്ത്. സംഗീതം നിനോയ് വര്ഗാസ്. ചീഫ് അസോസിയേറ്റ് ഡയറക്റ്റര് വരുണ് ജി പണിക്കര്.
അനൂപ് മേനോന് സംവിധാനം ചെയ്യുന്ന രണ്ടാമത്തെ ചിത്രമാണ് ഇത്. അനൂപിന്റെ തന്നെ തിരക്കഥയില് ഒരുക്കിയ കിംഗ് ഫിഷ് ആണ് ആദ്യ ചിത്രം. ടെക്സാസ് ഫിലിം ഫാക്റ്ററിയുടെ ബാനറില് അംജിത്ത് എസ് കോയ നിര്മ്മിച്ചിരിക്കുന്ന ചിത്രത്തില് രഞ്ജിത്ത് ആണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ചിത്രം ഇനിയും പ്രദര്ശനത്തിനെത്തിയിട്ടില്ല.
