ഒരേസമയം മൂന്ന് കാമുകിമാരുള്ള ഒരാൾക്ക് 25,000 ഡോളർ ബാങ്കിൽ നിക്ഷേപിക്കുക അസാധ്യമായിരിക്കുമെന്നാണ് മറ്റൊരാള് കുറിച്ചത്.
മൊബൈൽ ഫോണുകൾ നഷ്ടപ്പെടുന്നത് സാധാരണമാണ്. എന്നാൽ ഇതാദ്യമായിരിക്കും നഷ്ടപ്പെട്ട് പോയ ഒരു മൊബൈൽ ഫോണിന്റെ ലോക്ക് സ്ക്രീൻ ചിത്രങ്ങൾ സാമൂഹിക മാധ്യമങ്ങളില് ഇതുപോലെ പ്രചരിക്കുന്നത്. ഏതായാലും ചിത്രങ്ങൾ സാമൂഹിക മാധ്യമങ്ങളില് വൈറലായതോടെ ഇനി തന്റെ ഫോൺ എവിടെയുണ്ടെന്ന് അറിഞ്ഞാൽ തന്നെ തിരികെ വാങ്ങണമോ വേണ്ടയോയെന്ന് ഫോണിന്റെ ഉടമസ്ഥൻ രണ്ടാമത് ഒന്നാലോചിക്കും എന്നാണ് നെറ്റിസൺസിന്റെ നിരീക്ഷണം. കാരണം അത്രയേറെ വിചിത്രവും രസകരവുമാണ് ഈ ഫോണിന്റെ ലോക്ക് സ്ക്രീൻ.
ഓസ്ട്രേലിയൻ നാഷണൽ പാർക്കിൽ നിന്നാണ് സാംസങ് ഗാലക്സി എസ് 20 ഫോൺ നഷ്ടപ്പെട്ട നിലയിൽ കണ്ടെത്തിയത്. ഫോൺ കിട്ടിയ ആൾ ഉടൻ തന്നെ അത് കോസ്സിയൂസ്കോ നാഷണൽ പാർക്കിലെ പെരിഷർ സ്കീ റിസോർട്ടിന്റെ ഫ്രണ്ട് വാലിയിലെ ഡെസ്കിന് കൈമാറുകയായിരുന്നെന്ന് ഡെയ്ലി സ്റ്റാർ വെബ്സൈറ്റ് റിപ്പോർട്ട് ചെയ്തു. തുടർന്ന് റിസോർട്ട് ജീവനക്കാർ ഫോൺ ഓൺ ചെയ്തു നോക്കാൻ ശ്രമിച്ചപ്പോഴാണ് രസകരമായ ലോക്ക് സ്ക്രീൻ അവരുടെ ശ്രദ്ധയിൽപ്പെട്ടത്. ഫോണിന്റെ ഉടമസ്ഥൻ തന്റെ ജീവിതലക്ഷ്യങ്ങൾ തന്നെയായിരുന്നു ലോക്ക് സ്ക്രീനായി സൂക്ഷിച്ചിരുന്നത്. തന്റെ ജീവിതത്തിലെ എട്ട് ലക്ഷ്യങ്ങൾ അദ്ദേഹം അക്കമിട്ട് എഴുതി അതിന്റെ ചിത്രമെടുത്ത്, അത് ലോക്ക് സ്ക്രീനായി ചേര്ക്കുകയായിരുന്നു.
പ്രായമില്ലാത്ത പ്രണയം; ഈ പ്രണയത്തിന് ആരും കണ്ണ് വയ്ക്കാതിരിക്കട്ടെ എന്ന് നെറ്റിസണ്സ്
ആ ഫോണ് ഉടമയുടെ ജീവിത ലക്ഷ്യങ്ങളിയാണ് : 1) കൃത്യമായി വ്യായാമം ചെയ്ത് ഭാരം 87 കിലോയായി കുറയ്ക്കണം. 2) എല്ലാത്തരം നിക്കോട്ടിനും ഉപേക്ഷിക്കണം. 3) ബാങ്ക് അക്കൗണ്ടിൽ 25,000 ഡോളര് ഉണ്ടായിരിക്കണം. 4) ഒരു മോട്ടോർ ബൈക്ക് വാങ്ങണം. 5) ബോക്സിങ്ങിൽ കൂടുതൽ ശ്രദ്ധിക്കണം. 6) യൂണിവേഴ്സിറ്റിയിൽ നല്ല മാർക്ക് നേടണം. 7) ഒരേസമയം മൂന്ന് പെൺകുട്ടികളെ പ്രണയിക്കണം. 8) മൂന്ന് മാസത്തേക്ക് മുടി മുറിക്കരുത്. ആദ്യ വായനയില് തന്നെ തമാശയെന്ന് കരുതുന്ന ഈ ആഗ്രഹങ്ങളായിരുന്നു ആ ഫോണ് ഉടമ എപ്പോഴും ഓര്ക്കാനായി തന്റെ ഫോണിന്റെ ലോക്ക് സ്ക്രീനായി ചേര്ത്തത്.
ലോക്ക് സ്ക്രീൻ സോഷ്യൽ മീഡിയയിലൂടെ ലോകം മുഴുവൻ കണ്ടതോടെ നിരവധിയാളുകളാണ് രസകരമായ കമന്റുകൾ എഴുതാനായി പോസ്റ്റില് എത്തിയത്. ഒരേസമയം മൂന്ന് കാമുകിമാരുള്ള ഒരാൾക്ക് 25,000 ഡോളർ ബാങ്കിൽ നിക്ഷേപിക്കുക അസാധ്യമായിരിക്കുമെന്നാണ് മറ്റൊരാള് കുറിച്ചത്. നിക്കോട്ടിന് ഉപേക്ഷിക്കുന്നതും യൂണിവേഴ്സിറ്റിയിൽ നല്ല മാർക്ക് നേടുന്നതും വളരെ നല്ല തീരുമാനങ്ങളാണെന്ന് ചിലർ അഭിപ്രായപ്പെട്ടു. ഏതായാലും ലോക്ക് സ്ക്രീൻ ഇത്രമാത്രം പ്രചരിക്കപ്പെട്ട സ്ഥിതിക്ക് ഇനി ആ ഫോണിന്റെ ഉടമസ്ഥൻ അത് മടക്കി വാങ്ങാൻ വരാൻ സാധ്യത കുറവാണെന്ന് ചിലര് അഭിപ്രായപ്പെട്ടു.
