മൂന്ന് നിലകളിലുമുള്ള വിശാലമായ ജനാലകള് വീടിനകത്തേക്ക് സമൃദ്ധമായി വെളിച്ചമെത്തിക്കുന്നു. വീടിന്റെ പിൻഭാഗത്തായി, ഒന്നും രണ്ടും നിലകളില് മരത്തിന്റെ തണല് ലഭിക്കുന്ന മുറ്റത്തേക്ക് തുറക്കുന്ന ഫ്രഞ്ച് വാതിലുകൾ ഉണ്ട് എന്നും പട്ടികയിൽ പറയുന്നു.
ന്യൂയോർക്കിലെ ഏറ്റവും ഇടുങ്ങിയതും മെലിഞ്ഞതുമായ ഒരു വീട് ഇപ്പോൾ വില്പനയ്ക്കെത്തിയിരിക്കുകയാണ്. വില എത്രയാണ് എന്നറിയുമോ? 4.99 മില്ല്യണ് ഡോളര്. അതായത് നമ്മുടെ 39 കോടിയിലധികം. വെറും 9.5 അടി വീതിയുള്ള ഈ വീട്, ഗ്രീൻവിച്ച് വില്ലേജിലെ ബെഡ്ഫോർഡ് സ്ട്രീറ്റിലാണ്. ഇതിന് മൂന്ന് നിലകളാണുള്ളത്. വീടിന് മൂന്ന് ബെഡ്റൂമുകളും രണ്ട് ബാത്ത്റൂമുകളും പൂർണമായി പൂർത്തിയാക്കിയ ഒരു ബേസ്മെന്റും ഉണ്ട്.
നരവംശശാസ്ത്രജ്ഞയായ മാർഗരറ്റ് മീഡ്, കാർട്ടൂണിസ്റ്റ് വില്യം സ്റ്റെയ്ഗ്, ശ്രേക് എന്ന കഥാപാത്രത്തിന്റെ സ്രഷ്ടാവും എഴുത്തുകാരിയുമായ എഡ്ന സെന്റ് വിൻസന്റ് മില്ലേ എന്നിവരുൾപ്പെടെയുള്ള പ്രശസ്തരായ താമസക്കാര് ഇവിടെ ഉണ്ടായിരുന്നു. ഈ വീട് 'മില്ലേ ഹൗസ്' എന്നറിയപ്പെടുന്നു, അവിടെയാണ് അവർ 'ദി ബല്ലാഡ് ഓഫ് ദി ഹാർപ്പ്-വീവർ' എഴുതിയത്, അതിന് അവര് 1923 -ൽ പുലിറ്റ്സർ സമ്മാനം നേടി -ന്യൂയോർക്ക് ലാൻഡ്മാർക്ക് പ്രിസർവേഷൻ ഫൗണ്ടേഷൻ പറയുന്നു.
പ്രോപ്പർട്ടിഷാർക്കിന്റെ രേഖകൾ അനുസരിച്ച്, ഒരു റിയൽ എസ്റ്റേറ്റ് നിക്ഷേപകനും ഫോട്ടോഗ്രാഫറുമായ ജോർജ്ജ് ഗുണ്ട് നാലാമനുമായി ബന്ധിപ്പിച്ചിട്ടുള്ള ഒരു എൽഎൽസിയുടെ ഉടമസ്ഥതയിലുള്ളതാണ് ഈ വീട്. 2013 -ൽ 3.25 മില്യൺ ഡോളറിന് എല്ലാ പണമിടപാടുകളിലും ഗുണ്ട് ഈ വീട് വാങ്ങിയതായി രേഖകൾ സൂചിപ്പിക്കുന്നു.
വീട് 1873 -ല് നിര്മ്മിച്ചതാണ് എന്ന് കരുതുന്നു. ഡച്ച് ശൈലിയിലുള്ള വീടിന് ഓരോ നിലയിലും തുറന്നയിടങ്ങളുണ്ട്. വൈറ്റ് ഓക്ക് ഫ്ലോറിംഗ്, നാല് ഫയർപ്ലേസുകൾ എന്നിവയുണ്ട്. മൂന്ന് നിലകളിലുമുള്ള വിശാലമായ ജനാലകള് വീടിനകത്തേക്ക് സമൃദ്ധമായി വെളിച്ചമെത്തിക്കുന്നു. വീടിന്റെ പിൻഭാഗത്തായി, ഒന്നും രണ്ടും നിലകളില് മരത്തിന്റെ തണല് ലഭിക്കുന്ന മുറ്റത്തേക്ക് തുറക്കുന്ന ഫ്രഞ്ച് വാതിലുകൾ ഉണ്ട് എന്നും പട്ടികയിൽ പറയുന്നു.
ഏതായാലും ഇത്രയും പ്രശസ്തർ താമസിച്ചിരുന്ന ഈ വീട് ഇത്രയധികം വില കൊടുത്ത് തന്നെ വാങ്ങാൻ ആളുകൾ തയ്യാറാവും എന്നാണ് പ്രതീക്ഷിക്കുന്നത്.
