കൂടുതൽ യാത്രക്കാർ തർക്കത്തിൽ പങ്കുചേർന്നതോടെ വാക്കേറ്റം രൂക്ഷമായി. യാത്ര ചെയ്യാനാണ് തങ്ങൾ എത്തിയതെന്നും സുരക്ഷയെക്കുറിച്ച് ഉന്നയിക്കുന്ന ചോദ്യങ്ങൾക്ക് വ്യക്തമായ മറുപടി നൽകണമെന്നും യാത്രക്കാർ ആവശ്യപ്പെട്ടു.
വിമാനത്തിന്റെ ജനലിനരികിലെ കവറിങ് ഇളകിയ നിലയിൽ കണ്ടതിനെത്തുടർന്ന് സ്‌പൈസ്‌ജെറ്റ് ജീവനക്കാരും യാത്രക്കാരും തമ്മിൽ തർക്കം. വിമാനം യാത്രയ്ക്ക് സുരക്ഷിതമാണോ എന്ന കാര്യത്തിൽ യാത്രക്കാർ ആശങ്ക പ്രകടിപ്പിച്ചതോടെയാണ് തർക്കം ആരംഭിച്ചത്. എന്നാൽ, വിമാനത്തിന് സുരക്ഷാപ്രശ്നങ്ങളൊന്നുമില്ലെന്ന് ജീവനക്കാരൻ ഉറപ്പുനൽകി.
സംഭവത്തിന്റെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്. യാത്ര ചെയ്യുന്നതിൽ ആശങ്കയുണ്ടെങ്കിൽ വിമാനത്തിൽ കയറേണ്ടെന്ന് ഒരു വനിതാ യാത്രക്കാരിയോട് ജീവനക്കാരൻ പറയുന്നതും വീഡിയോയിലുണ്ട്. എന്നാൽ, തങ്ങളുടെ ആശങ്കകൾ അവഗണിക്കുകയല്ല, വ്യക്തമായ വിശദീകരണം നൽകുകയാണ് വേണ്ടതെന്ന് യാത്രക്കാർ പ്രതികരിച്ചു.
ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക
വിമാനത്തിന്റെ ജനലിനരികിലെ കവറിങ് ഇളകിയിരിക്കുന്നത് ചൂണ്ടിക്കാട്ടി യാത്രക്കാർ ജീവനക്കാരനോട് വിശദീകരണം ആവശ്യപ്പെടുന്നതാണ് വീഡിയോയിൽ. വിമാനത്തിന്റെ സുരക്ഷയെക്കുറിച്ച് ആശങ്ക പ്രകടിപ്പിച്ച അവർ, എല്ലാം സുരക്ഷിതമാണെന്ന ജീവനക്കാരന്റെ ഉറപ്പിനെയും ചോദ്യം ചെയ്തു.
കൂടുതൽ യാത്രക്കാർ തർക്കത്തിൽ പങ്കുചേർന്നതോടെ വാക്കേറ്റം രൂക്ഷമായി. യാത്ര ചെയ്യാനാണ് തങ്ങൾ എത്തിയതെന്നും സുരക്ഷയെക്കുറിച്ച് ഉന്നയിക്കുന്ന ചോദ്യങ്ങൾക്ക് വ്യക്തമായ മറുപടി നൽകണമെന്നും യാത്രക്കാർ ആവശ്യപ്പെട്ടു. യാത്ര ചെയ്യാൻ താൽപര്യമില്ലെങ്കിൽ ഇറങ്ങിപ്പോകാമെന്ന് പറയുന്നത് പ്രശ്നത്തിന് പരിഹാരമല്ലെന്നും അവർ ചൂണ്ടിക്കാട്ടി.
എന്നാൽ, ഇളകിയ നിലയിൽ കണ്ട ഭാഗം കൃത്യമായി എന്താണെന്നോ അത് വിമാനത്തിന്റെ സുരക്ഷയെ ബാധിക്കുന്നുണ്ടോയെന്നോ വീഡിയോ മാത്രം പരിശോധിച്ച് സ്ഥിരീകരിക്കാനാകില്ല. സംഭവത്തെത്തുടർന്ന് ഔദ്യോഗിക സുരക്ഷാപരിശോധന നടത്തിയിരുന്നോ എന്ന കാര്യത്തിലും വ്യക്തതയില്ല.
വീഡിയോ പ്രചരിച്ചതോടെ സാമൂഹിക മാധ്യമങ്ങളിൽ വ്യത്യസ്ത അഭിപ്രായങ്ങളാണ് ഉയർന്നത്. ചിലർ വിമാനസുരക്ഷയെക്കുറിച്ച് ആശങ്ക പ്രകടിപ്പിച്ചപ്പോൾ മറ്റുചിലർ ജീവനക്കാരന്റെ നിലപാടിനെ പിന്തുണച്ചു.
അതേസമയം, തങ്ങളുടെ സുരക്ഷയെ ബാധിച്ചേക്കാമെന്ന് കരുതുന്ന കാര്യങ്ങളെക്കുറിച്ച് ചോദിക്കാൻ യാത്രക്കാർക്ക് പൂർണ അവകാശമുണ്ടെന്ന് മറ്റുചിലർ ചൂണ്ടിക്കാട്ടി. ആശങ്കയുള്ളവർ യാത്ര ചെയ്യേണ്ടതില്ലെന്ന് പറയുന്നതിനുപകരം, പ്രശ്നം എന്താണെന്നും വിമാനം എങ്ങനെ സുരക്ഷിതമാണെന്നും ജീവനക്കാർ വ്യക്തമായി വിശദീകരിക്കണമായിരുന്നുവെന്നാണ് ഇവരുടെ അഭിപ്രായം.
