23 -കാരിക്ക് 62 -കാരന്‍ കാമുകന്‍, കാശ് കണ്ട് പ്രേമിച്ചതെന്ന് നാട്ടുകാർ, പോയി പണി നോക്കെന്ന് യുവതി
വില്ലോ ഒരു മോഡലാണ്. ഡേവിഡ് നോർത്ത് കരോലിന കേന്ദ്രീകരിച്ച് പ്രവർത്തിക്കുന്ന ഒരു റിയൽ എസ്റ്റേറ്റ് ഡെവലപ്പറും. ആദ്യത്തെ ഡേറ്റ് കഴിഞ്ഞപ്പോൾ തന്നെ ഇരുവർക്കും തങ്ങൾക്കിടയിൽ എന്തോ ഒരു പ്രത്യേക അടുപ്പമുണ്ട് എന്ന് തോന്നുകയും ഉടനെ തന്നെ തങ്ങളുടെ ബന്ധം ഔദ്യോഗികമാക്കണമെന്നും തോന്നുകയായിരുന്നു.
മനുഷ്യർ തമ്മിൽ പ്രണയത്തിലാവാൻ ചിലപ്പോൾ ഒന്നും തടസ്സമാകാറില്ല. എന്നാൽ, ജാതിയും മതവും പ്രായവും ജോലിയും സാമ്പത്തികാവസ്ഥയും എല്ലാം നോക്കി പ്രണയിക്കുന്നവരും ഉണ്ട് എന്നതും സത്യമാണ്. ഏതായാലും, ടിൻഡറിലൂടെ കണ്ട് പ്രണയത്തിലായ വില്ലോവിനേയും ഡേവിഡിനെയും സംബന്ധിച്ച് ഒന്നും പ്രണയത്തിന് തടസ്സമായിരുന്നില്ല, ഇരുവരുടേയും പ്രായം പോലും.
വില്ലോവിന് പ്രായം 23 വയസ്സ്. എന്നാൽ, അവളുടെ കാമുകനായ ഡേവിഡിനാകട്ടെ വയസ്സ് 62 ഉം. ഈ 40 വയസ്സിന്റെ വ്യത്യാസമൊന്നും ഒരുതരത്തിലും ഇരുവരേയും ബാധിച്ചിട്ടില്ല എന്നാണ് പറയുന്നത്. ടിൻഡറിലൂടെയാണ് ഇരുവരും കണ്ടുമുട്ടിയത്. പ്രണയത്തിൽ വീഴുമ്പോൾ ഇരുവർക്കും പ്രായവ്യത്യാസം ഒരു തടസ്സമായി അനുഭവപ്പെട്ടേ ഇല്ല എന്നതാണ് സത്യമെന്ന് ഇരുവരും പറയുന്നു.
വില്ലോ ഒരു മോഡലാണ്. ഡേവിഡ് നോർത്ത് കരോലിന കേന്ദ്രീകരിച്ച് പ്രവർത്തിക്കുന്ന ഒരു റിയൽ എസ്റ്റേറ്റ് ഡെവലപ്പറും. ആദ്യത്തെ ഡേറ്റ് കഴിഞ്ഞപ്പോൾ തന്നെ ഇരുവർക്കും തങ്ങൾക്കിടയിൽ എന്തോ ഒരു പ്രത്യേക അടുപ്പമുണ്ട് എന്ന് തോന്നുകയും ഉടനെ തന്നെ തങ്ങളുടെ ബന്ധം ഔദ്യോഗികമാക്കണമെന്നും തോന്നുകയായിരുന്നു. ഇരുവരും ഒരുമിച്ച് യാത്ര ചെയ്യാനും ലോകത്തിലെ തന്നെ പ്രധാന സ്ഥലങ്ങളെല്ലാം സന്ദർശിച്ച് ആഡംബരമായിത്തന്നെ അവധിക്കാലങ്ങളാഘോഷിച്ചു.
പ്രായക്കൂടുതലുണ്ടെങ്കിലും ഡേവിഡ് വളരെ ഊർജ്ജസ്വലനായ ആളാണ് എന്നും താൻ പോലും അത്രയും ലൈവായൊരാളല്ല എന്നുമാണ് വില്ലോ മാധ്യമങ്ങളോട് പറഞ്ഞത്. 'ലവ് ഡോണ്ട് ജഡ്ജ്' എന്ന പരിപാടിയിൽ അടുത്തിടെ ഇരുവരും പ്രത്യക്ഷപ്പെട്ടിരുന്നു. പ്രായത്തിലെ വ്യത്യാസം ഒരു തരത്തിലും തങ്ങളെ ബാധിച്ചിട്ടില്ല എന്നാണ് ഇരുവരും പറഞ്ഞത്. എന്നാൽ, നാട്ടുകാർ പലപ്പോഴും അവരെ കുറ്റപ്പെടുത്താറും പരിഹസിക്കാറും ഒക്കെയുണ്ട്.
പ്രധാന ആരോപണം വില്ലോ ഡേവിഡിന്റെ കാശ് കണ്ട് മാത്രമാണ് ഇങ്ങനെയൊരു ബന്ധത്തിന് മുതിർന്നത്. അതല്ലാതെ അതിൽ യാതൊരു സ്നേഹവും ഇല്ല എന്നാണ്. എന്നാൽ, വില്ലോയും ഡേവിഡും ഇതിനെ ശക്തമായി എതിർത്തു.
വായിക്കാം: അമ്പമ്പോ! 800 വർഷം പഴക്കം, ലോകത്തിലെ തന്നെ സുന്ദരന്‍ മരം? ഇവിടെ ചെന്നാൽ കാണാം
ഏഷ്യാനെറ്റ് ന്യൂസ് ലൈവ് കാണാം:
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
