കഴിഞ്ഞ ദിവസമാണ് വിവാഹാഭ്യര്‍ത്ഥന നിരസിച്ചതിന്റെ പേരിൽ നടി മാല്‍വി മല്‍ഹോത്രയെ യുവാവ് ആക്രമിച്ചത്. യോഗേഷ് കുമാര്‍ മഹിപാല്‍ സിംഗ് എന്നയാളാണ് താരത്തെ കുത്തിക്കൊല്ലാന്‍ ശ്രമിച്ചത്. ഇപ്പോഴിതാ ആശുപത്രിയില്‍ നിന്ന് ഡിസ്ചാര്‍ജായ മാല്‍വി ആ സംഭവത്തെക്കുറിച്ച് സംസാരിക്കുകയാണ്. 

താന്‍ സ്വയംപ്രതിരോധ മാര്‍ഗങ്ങള്‍ പഠിക്കാന്‍ തീരുമാനിച്ചിട്ടുണ്ടെന്ന് മാല്‍വി പറയുന്നു. ഈ സംഭവത്തിന് ശേഷം മാതാപിതാക്കള്‍ തന്നോട് സ്വയംപ്രതിരോധ മാര്‍ഗങ്ങള്‍ പഠിച്ചിരിക്കേണ്ടതിനെക്കുറിച്ച് പറഞ്ഞുവെന്നും മാല്‍വി പറയുന്നു. 

ജീവിതകാലം മുഴുവന്‍ ആരെയും പേടിച്ച് കഴിയാൻ പറ്റില്ല. ധൈര്യം വീണ്ടെടുക്കണം. എങ്കിലേ ഇത്തരത്തില്‍ എന്തെങ്കിലുള്ള സംഭവങ്ങള്‍ ഉണ്ടായാല്‍ സ്വയംസജ്ജമാകാന്‍ കഴിയൂ- മാല്‍വി ഹിന്ദുസ്ഥാൻ ടെെംസിനോട് പറഞ്ഞു. 

തന്നോട് ഇങ്ങനെ ചെയ്തയാളോട് സഹതാപമാണ് തോന്നുന്നത്. കാരണം ഇത് അയാളുടെ ക്രിമിനല്‍ മാനസികാവസ്ഥയെയാണ് കാണിക്കുന്നത്. -മാല്‍വി പറഞ്ഞു. 

കത്തികൊണ്ട് എന്റെ മുഖത്ത് കുത്താനാണ് അയാള്‍ നോക്കിയത്, എന്നാല്‍ കൈകൊണ്ട് തടഞ്ഞു'; മാല്‍വി മല്‍ഹോത്ര