പുത്തന്‍ ബൊലേറോ എത്തുക ഈ പ്ലാറ്റ്ഫോമില്‍, കൊതിയോടെ മഹീന്ദ്ര ഫാന്‍സ്!
രണ്ട് എസ്‌യുവികളും പുതിയ സ്കോർപിയോ എൻ പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും എന്നാണ് പുതിയ റിപ്പോര്‍ട്ടുകള്‍. പഴയ ചേസിസിനെ അപേക്ഷിച്ച് കൂടുതൽ സ്ഥിരതയുള്ളതും സുരക്ഷിതവുമായ പുതിയ സ്കോർപിയോയുടെ ലാഡർ-ഓൺ-ഫ്രെയിം ഷാസിയിലാണ് പുതിയ ബൊലേറോ രൂപകൽപ്പന ചെയ്യുകയും വികസിപ്പിക്കുകയും ചെയ്യുന്നത് എന്നാണ് വിവരം
ചിത്രം - പ്രതീകാത്മകം
മഹീന്ദ്ര ആൻഡ് മഹീന്ദ്ര മികച്ച പ്രകടനമാണ് അടുത്തകാലത്തായി വാഹന വിപണിയില്‍ കാഴ്‍ചവയ്ക്കുന്നത്. കമ്പനി അടുത്തിടെ പുറത്തിറക്കിയ പുതിയ തലമുറ സ്കോർപിയോ എന്നിന് മികച്ച പ്രതികരണമാണ് ലഭിക്കുന്നത്. 30 മിനിറ്റിനുള്ളിൽ എസ്‌യുവിക്ക് ഒരു ലക്ഷത്തിലധികം ബുക്കിംഗുകൾ ലഭിച്ചു. വാഹനത്തിന് ഏകദേശം ഒരു വർഷത്തെ കാത്തിരിപ്പ് കാലയളവുണ്ട്. 2024-2027 കാലയളവിൽ പുറത്തിറക്കുന്ന അഞ്ച് പുതിയ ഇലക്ട്രിക് എസ്‌യുവി കൺസെപ്‌റ്റുകളും കമ്പനി പ്രദർശിപ്പിച്ചിട്ടുണ്ട്. ഇതോടൊപ്പം , XUV300 പ്ലാറ്റ്‌ഫോമിനെ അടിസ്ഥാനമാക്കിയുള്ള XUV400 ഓൾ-ഇലക്ട്രിക് എസ്‌യുവി 2022 സെപ്റ്റംബർ 8-ന് അവതരിപ്പിക്കാൻ മഹീന്ദ്ര തയ്യാറെടുക്കുകയാണ്.
ക്യാമറയില്‍ കുടുങ്ങി ആ ബൊലേറോ, മഹീന്ദ്രയുടെ രഹസ്യമെന്ത്?
2023-24 സാമ്പത്തിക വർഷത്തിൽ ലോഞ്ച് ചെയ്യുന്ന അഞ്ച് ഡോർ ഥാറും അടുത്ത തലമുറ മഹീന്ദ്ര ബൊലേറോയും മഹീന്ദ്ര വികസിപ്പിക്കുന്നുണ്ട്. രണ്ട് എസ്‌യുവികളും പുതിയ സ്കോർപിയോ എൻ പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും എന്നാണ് പുതിയ റിപ്പോര്‍ട്ടുകള്‍. പഴയ ചേസിസിനെ അപേക്ഷിച്ച് കൂടുതൽ സ്ഥിരതയുള്ളതും സുരക്ഷിതവുമായ പുതിയ സ്കോർപിയോയുടെ ലാഡർ-ഓൺ-ഫ്രെയിം ഷാസിയിലാണ് പുതിയ ബൊലേറോ രൂപകൽപ്പന ചെയ്യുകയും വികസിപ്പിക്കുകയും ചെയ്യുന്നത് എന്നാണ് പുറത്തുവരുന്ന വിവരങ്ങള്‍.
നിലവിലെ മോഡൽ രാജ്യത്തെ ഗ്രാമീണ, അർദ്ധ ഗ്രാമീണ മേഖലകളിൽ വളരെ ജനപ്രിയമാണ്. പരുക്കൻ രൂപകല്പനയും പ്രായോഗിക ക്യാബിനും തന്നെയാണ് ഇതിന്റെ വൻ വിജയത്തിന് പിന്നിലെ പ്രധാന കാരണം. വിൽപ്പനയിലുള്ള ഏറ്റവും പഴയ മോഡലുകളില്‍ ഒന്നാണെങ്കിലും, ആഭ്യന്തര വാഹന നിർമ്മാതാക്കളിൽ നിന്ന് ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവികളിൽ ഒന്നാണിത്. പുതിയ സെവൻ-സ്ലോട്ട് ഗ്രിൽ, പുതിയ ട്വിൻ-പീക്ക് ലോഗോ, പുതുതായി രൂപകൽപ്പന ചെയ്‍ത എൽഇഡി ഹെഡ്‌ലാമ്പുകൾ എന്നിവ പോലുള്ള ആധുനിക സ്റ്റൈലിംഗ് ഘടകങ്ങൾ ഉപയോഗിച്ച് എസ്‌യുവി യഥാർത്ഥ ഡിസൈൻ നിലനിർത്തും. എസ്‌യുവിയുടെ സ്റ്റൈലിംഗ് ഘടകങ്ങൾ പുതിയ സ്കോർപിയോ എന്നിലും പങ്കുവെക്കുമെന്ന് പ്രതീക്ഷിക്കുന്നു.
മഹീന്ദ്ര സ്കോർപ്പിയോ ക്ലാസിക്; എന്തൊക്കെയാണ് പുതിയത്?
പുതിയ ബൊലേറോ പുതിയ സ്കോർപിയോ എൻ, ഥാർ എന്നിവയുമായി എഞ്ചിൻ ഓപ്ഷനുകളും പങ്കിടുമെന്ന് പ്രതീക്ഷിക്കുന്നു. 2.2 ലിറ്റർ ടർബോ ഡീസൽ, 2.0 ലിറ്റർ ടർബോ പെട്രോൾ എഞ്ചിൻ ഓപ്ഷനുകളിൽ ഇത് വാഗ്‍ദാനം ചെയ്യും. മരാസോയുടെ 1.5 ലിറ്റർ ടർബോ ഡീസൽ, പുതിയ 1.5L എംസ്റ്റാലിയന്‍ ടർബോ പെട്രോൾ എഞ്ചിനുകളും കമ്പനി ഉപയോഗിച്ചേക്കാം. മാനുവൽ, ഓട്ടോമാറ്റിക് ഗിയർബോക്‌സ് ഓപ്‌ഷനുകൾ ഓഫറിൽ ലഭിക്കാൻ സാധ്യതയുണ്ട്.
അടുത്ത തലമുറ മഹീന്ദ്ര ബൊലേറോ വലുപ്പം കൂടും എന്നും പ്രതീക്ഷിക്കുന്നു. ഇത് ക്യാബിനിനുള്ളിൽ കൂടുതൽ ഇടം സൃഷ്‍ടിക്കാൻ സഹായിക്കും. 6, 7, 9 സീറ്റുകൾ ഉൾപ്പെടെ ഒന്നിലധികം സീറ്റിംഗ് ലേഔട്ടുകളുമായും ഇത് വരാൻ സാധ്യതയുണ്ട്. കൂടാതെ, ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഉയരം ക്രമീകരിക്കാവുന്ന ഡ്രൈവർ സീറ്റ്, മൾട്ടി-ഫങ്ഷണൽ സ്റ്റിയറിംഗ് വീൽ, ഓട്ടോമാറ്റിക് എസി തുടങ്ങിയ ആധുനിക സവിശേഷതകൾ ടോപ്പ്-സ്പെക്ക് മോഡലിന് ലഭിക്കുമെന്ന് പ്രതീക്ഷിക്കുന്നു.
മഹീന്ദ്ര സ്കോർപ്പിയോ എൻ; വേരിയന്റുകളും ഫീച്ചറുകളും - അറിയേണ്ടതെല്ലാം
(കവര്‍ചിത്രത്തിന് കടപ്പാട്: ഫിനാൻഷ്യല്‍ എക്സ്പ്രസ് ഡ്രൈവ്)
