Mercedes-Benz C-Class : മെഴ്സിഡസ് ബെൻസ് 2022 സി-ക്ലാസ് സെഡാൻ പുറത്തിറക്കി
പൂനെയിലെ ചക്കനിലുള്ള കമ്പനിയുടെ അത്യാധുനിക ഉൽപ്പാദന കേന്ദ്രത്തിൽ നിന്നാണ് മെഴ്സിഡസ് ബെൻസ് ഇന്ത്യ വാഹനം പുറത്തിറക്കിയത് എന്ന് ഹിന്ദുസ്ഥാന് ടൈംസ് ഓട്ടോ റിപ്പോര്ട്ട് ചെയ്യുന്നു.
ജര്മ്മന് (German) ആഡംബര വാഹന നിര്മ്മാതാക്കളായ മെഴ്സിഡസ് ബെൻസ് (Mercedes-Benz) 2022 സി-ക്ലാസ് സെഡാൻ പുറത്തിറക്കിയതായി റിപ്പോര്ട്ട്. പൂനെയിലെ ചക്കനിലുള്ള കമ്പനിയുടെ അത്യാധുനിക ഉൽപ്പാദന കേന്ദ്രത്തിൽ നിന്നാണ് മെഴ്സിഡസ് ബെൻസ് ഇന്ത്യ വാഹനം പുറത്തിറക്കിയത് എന്ന് ഹിന്ദുസ്ഥാന് ടൈംസ് ഓട്ടോ റിപ്പോര്ട്ട് ചെയ്യുന്നു. മെയ് 10 ന് അവതരിപ്പിക്കാൻ ഉദ്ദേശിക്കുന്ന അഞ്ചാം തലമുറ മോഡലിനെ 'ബേബി എസ്' എന്നാണ് കമ്പനി വിളിക്കുന്നത്. C 200, C200d, ടോഫ് ഓഫ് ദി ലൈന് C300d എന്നിങ്ങനെ മൂന്ന് വേരിയന്റുകളിൽ വാഹനം ലഭ്യമാക്കും. മെഴ്സിഡസ് ബെൻസ് കാർ ഉടമകൾക്ക് ഏപ്രിൽ 30 വരെ സെഡാൻ ബുക്ക് ചെയ്യാം. ഉപഭോക്താക്കൾക്കുള്ള ബുക്കിംഗ് മെയ് ഒന്നു മുതൽ 50,000 രൂപയ്ക്ക് ആരംഭിക്കും.
Child Car Seat : വീട്ടില് കുട്ടിയും കാറും ഉണ്ടോ? എങ്കില് ചൈല്ഡ് സീറ്റും നിര്ബന്ധം, കാരണം ഇതാണ്!
മെഴ്സിഡസ് ബെൻസ് സി ക്ലാസ് ആദ്യമായി 2001-ൽ ആണഅ രാജ്യത്ത് അവതരിപ്പിച്ചത്. സെഡാന്റെ ഏറ്റവും പുതിയ രൂപം, ഡിസൈൻ, സൗകര്യം, സാങ്കേതികവിദ്യ എന്നിവയിൽ വലിയ മുന്നേറ്റം നടത്തും എന്ന് പ്രതീക്ഷിക്കുന്നു. നിലവിൽ 37,000-ലധികം സി-ക്ലാസ് സെഡാനുകളാണ് ഇന്ത്യൻ നിരത്തുകളില് ഉള്ളത്.
ടെക്നോളജി, കംഫർട്ട് ഫീച്ചറുകളാൽ അഞ്ചാം തലമുറ മെഴ്സിഡസ് ബെൻസ് സി ക്ലാസ് സമ്പന്നമാകാന് സാധ്യതയുണ്ട്. കൂടാതെ ബാഹ്യ അളവുകളിലെ വർദ്ധനവിനും ഒപ്പം ഒരു സ്ട്രിംഗർ റോഡ് സാന്നിധ്യവും ഉണ്ടായിരിക്കാനും സാധ്യതയുണ്ട്. വലിയ, തിരശ്ചീനമായി പ്രവർത്തിക്കുന്ന പ്രധാന ഡിസ്പ്ലേ സ്ക്രീൻ, പുനർരൂപകൽപ്പന ചെയ്ത എയർ വെന്റുകളുള്ള പുനർനിർമ്മിച്ച ഡാഷ്ബോർഡ് ലേഔട്ട്, ചുറ്റും മികച്ച കുഷ്യൻ സീറ്റുകൾ, പുറത്ത് സ്ലീക്കർ ഹെഡ് ലൈറ്റ് യൂണിറ്റുകൾ, പുതിയ അലോയ് ഡിസൈൻ എന്നിവയും മോഡൽ വാഗ്ദാനം ചെയ്യുമെന്ന് പ്രതീക്ഷിക്കുന്നു.
'റീട്ടെയിൽ ഓഫ് ദി ഫ്യൂച്ചർ' പ്രോഗ്രാമിന് കീഴിൽ മെഴ്സിഡസിന്റെ ഫ്രാഞ്ചൈസി പങ്കാളികളില് ഉടനീളം മോഡൽ ലഭ്യമാക്കും. കൂടാതെ അതിന്റെ ഡിജിറ്റൽ ചാനലുകൾ വഴിയും വിൽക്കും. സമീപകാലത്ത്, ഈ സെഡാൻ വില്പ്പനയില് മികച്ച പ്രകടനം കാഴ്ചവച്ചു.
'ബേബി എസ്' സി-ക്ലാസിനെ ഇ-ക്ലാസ്സിലേക്കും ടോപ്പ്-ഓഫ്-ലൈനിലെ എസ്- ക്ലാസിലേക്കും അടുപ്പിക്കുമെന്ന് പ്രതീക്ഷിക്കുന്നു . ബിഎംഡബ്ല്യു 3 സീരീസ് ഗ്രാൻ ലിമോസിന്റെ ലോഞ്ച് സെഡാനെ അതിന്റെ സഹോദര മോഡലായ 5 സീരീസിലേക്ക് അടുപ്പിച്ചതുപോലെ , ആഡംബര സെഡാൻ സെഗ്മെന്റിലെ വിലയേറിയ കുടുംബാംഗങ്ങളുമായി സി-ക്ലാസിനെ അടുപ്പിക്കുക എന്നതാണ് പുതിയ മോഡലിലൂടെ കമ്പനി പ്രധാനമായും ലക്ഷ്യമിടുന്നത് എന്നാണ് റിപ്പോര്ട്ടുകള്.
മെഴ്സിഡസ് ബെന്സ് ഇലക്ട്രിക് 7-സീറ്റർ എസ്യുവി അവതരിപ്പിച്ചു
ജർമ്മൻ (German) ആഡംബര കാർ നിർമ്മാതാക്കളായ മെഴ്സിഡസ് ബെൻസ് അതിന്റെ ഏറ്റവും പുതിയ ഇലക്ട്രിക് സ്പോർട് യൂട്ടിലിറ്റി വാഹനം പുറത്തിറക്കി. പുതിയ മെഴ്സിഡസ് ബെന്സ് ഇക്യുഎസ് ഇലക്ട്രിക് എസ്യുവി ഔദ്യോഗികമായി വെളിപ്പെടുത്തിയതായും ഇത് ഇപ്പോൾ കമ്പനിയുടെ ആഗോള പോർട്ട്ഫോളിയോയിലെ മുൻനിര ഇവി ആണ് എന്നും ഫിനാന്ഷ്യല് എക്സ്പ്രസ് ഡ്രൈവ് റിപ്പോര്ട്ട് ചെയ്യുന്നു.
ഇന്ത്യയില് 130 ശതമാനം വളര്ച്ചയുമായി ജീപ്പ്, അമ്പരന്ന് വാഹനലോകം!
ഇക്യുഎസ് ഇലക്ട്രിക് എസ്യുവി മെഴ്സിഡസ്-ബെൻസിന്റെ സമർപ്പിത ഇലക്ട്രിക് വെഹിക്കിൾ ആർക്കിടെക്ചർ (EVA) പ്ലാറ്റ്ഫോമിനെ അടിസ്ഥാനമാക്കിയുള്ളതാണ്. അത് ഇക്യുഎസ്, ഇക്യുഇ സെഡാനുകൾക്ക് അടിസ്ഥാനമേകുന്നു. പുതിയ മെഴ്സിഡസ് ബെന്സ് EQS ഇലക്ട്രിക് എസ്യുവി ബിഎംഡബ്ല്യു iX, ഔഡി ഇ ട്രോണ്, ജഗ്വാര് ഐ പേസ് മുതലായവയ്ക്ക് എതിരാളിയാകും.
ഡിസൈനിന്റെ കാര്യത്തിൽ, മെഴ്സിഡസ്-ബെൻസ് ഇക്യുഎസ് എസ്യുവിക്ക് പരിചിതമായ മെഴ്സിഡസ്-ഇക്യു സ്വഭാവങ്ങളുണ്ട്. മാത്രമല്ല ഇക്യുഎസ് ലക്ഷ്വറി സെഡാനിൽ നിന്ന് സ്റ്റൈലിംഗ് ഘടകങ്ങൾ കടമെടുക്കുകയും ചെയ്യുന്നു. മുൻവശത്ത്, കോണീയ എൽഇഡി ഹെഡ്ലാമ്പുകളാൽ ചുറ്റപ്പെട്ട ഒരു അടഞ്ഞ യൂണിറ്റായ ബ്ലാക്ക്ഡ്-ഔട്ട് ഗ്രിൽ ലഭിക്കുന്നു. ഹെഡ്ലാമ്പുകൾ ഒരു തിരശ്ചീന എൽഇഡി ലൈറ്റ് ബാർ ഉപയോഗിച്ച് ബന്ധിപ്പിച്ചിരിക്കുന്നു. ഇതിന് ഒരു ചരിഞ്ഞ സിലൗറ്റ് ഉണ്ട്, മൾട്ടി-സ്പോക്ക് അലോയ് വീലുകൾ, ഫ്ലഷ് ഡോർ ഹാൻഡിലുകൾ, ഓപ്ഷണൽ പനോരമിക് സൺറൂഫ് എന്നിവയും ലഭിക്കുന്നു.
Ankita Lokhande : ഗാരേജില് കോടികളുടെ വണ്ടികള്, ഒരുകോടിയുടെ വണ്ടി വീണ്ടും സ്വന്തമാക്കി ജനപ്രിയ നടി!
പിൻഭാഗത്ത്, ഇക്യുഎസ് ഇലക്ട്രിക് എസ്യുവിക്ക് LED സ്ട്രിപ്പ് ഉപയോഗിച്ച് ബന്ധിപ്പിച്ചിരിക്കുന്ന LED ടെയിൽലൈറ്റുകൾ ലഭിക്കുന്നു. ഇതിന് 5,125 എംഎം നീളവും 1,959 എംഎം വീതിയും 1,718 എംഎം ഉയരവുമുണ്ട്. EQS സെഡാന്റെ അതേ വീൽബേസ് 3,210 എംഎം ആണ്. അകത്ത്, EQS എസ്യുവിക്ക് മൂന്ന് വലിയ ഡിസ്പ്ലേകളുള്ള മെഴ്സിഡസ് ബെൻസിന്റെ MBUX ഹൈപ്പർസ്ക്രീൻ ലഭിക്കുന്നു.
12.3 ഇഞ്ച് ഇൻസ്ട്രുമെന്റ് ക്ലസ്റ്റർ, 17.7 ഇഞ്ച് സെൻട്രൽ ഇൻഫോടെയ്ൻമെന്റ് യൂണിറ്റ്, 12.3 ഇഞ്ച് ഫ്രണ്ട് പാസഞ്ചർ ഡിസ്പ്ലേ എന്നിവയുണ്ട്. മാത്രമല്ല, ഈ ഇലക്ട്രിക് എസ്യുവിയിൽ ഏഴ് യാത്രക്കാർക്ക് ഇരിക്കാനാകും. വാഹനത്തിന്റെ പവർട്രെയിനിനെക്കുറിച്ച് പറയുകയാണെങ്കിൽ, ഇക്യുഎസ് 450+, ഇക്യുഎസ് 450 ഫോര്മാറ്റിക്ക്, ഇക്യുഎസ് 580 ഫോര്മാറ്റിക്ക് എന്നിങ്ങനെ മൂന്ന് വ്യത്യസ്ത പതിപ്പുകളിലാണ് ഇക്യുഎസ് എസ്യുവി വാഗ്ദാനം ചെയ്യുന്നത്. അടിസ്ഥാന ഇക്യുഎസ് 450+ റിയർ-വീൽ-ഡ്രൈവിനൊപ്പം വരുന്നു. കൂടാതെ 355 hp, 568 എന്എം എന്നിവ വികസിപ്പിക്കുന്നു. ഒരു ചാർജിൽ 536 കിലോമീറ്റർ മുതൽ 660 കിലോമീറ്റർ വരെ റേഞ്ച് വാഗ്ദാനം ചെയ്യുമെന്ന് അവകാശപ്പെടുന്നു.
റോഡപകടം, പരിക്കേറ്റയാളെ കോരിയെടുത്ത് കാറിലാക്കി ആശുപത്രിയിലേക്ക് പാഞ്ഞ് താരം, കയ്യടിച്ച് ജനം!
ഇക്യുഎസ് 450 ഫോര്മാറ്റിക്കിന് ഓൾ-വീൽ-ഡ്രൈവ് ലേഔട്ട് ലഭിക്കുന്നു, കൂടാതെ 800 എന്എം ടോർക്കും 355 എച്ച്പി പവറും പുറപ്പെടുവിക്കുന്നു. ഫുൾ ചാർജിൽ 507 കിലോമീറ്റർ മുതൽ 613 കിലോമീറ്റർ വരെ ഡ്രൈവിംഗ് റേഞ്ച് വാഗ്ദാനം ചെയ്യുമെന്ന് അവകാശപ്പെടുന്നു. ടോപ്പ്-സ്പെക്ക് EQS 580 4മാറ്റിക് പതിപ്പ് 536 hp പവറും 858 Nm പീക്ക് ടോർക്കും വികസിപ്പിക്കുന്നു. ഓൾ-വീൽ ഡ്രൈവ് സജ്ജീകരണത്തോടെ വരുന്ന ഇത് WLTP സൈക്കിളിൽ 507 km - 613 km റേഞ്ച് വാഗ്ദാനം ചെയ്യുന്നു. ഇക്യുഎസ് ഇലക്ട്രിക് എസ്യുവി അടുത്ത വർഷം ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു.