കൂടാതെ, 2023 ജനുവരിയിൽ നടക്കുന്ന ഓട്ടോ എക്സ്പോയിൽ ഹാരിയർ ഫെയ്സ്ലിഫ്റ്റും സഫാരി ഫെയ്സ്ലിഫ്റ്റും കമ്പനി അനാവരണം ചെയ്തേക്കും എന്നാണ് പുതിയ റിപ്പോര്ട്ടുകള്.
2023 ദില്ലി ഓട്ടോ എക്സ്പോയിൽ പുതിയ മോഡലുകള് അനാവരണം ചെയ്തുകൊണ്ട് ടാറ്റ മോട്ടോഴ്സ് ഇന്ത്യൻ വാഹന വിപണിയെ അമ്പരപ്പിക്കാൻ ഒരുങ്ങുകയാണ്. കര്വ്വ്, അവിന്യ എന്നീ ആശയങ്ങൾക്കൊപ്പം അള്ട്രോസ് ഇവി, പഞ്ച് അധിഷ്ഠിത ഇവി എന്നിവയും ടാറ്റാ മോട്ടോഴ്സ് അവതരിപ്പിക്കാൻ സാധ്യതയുണ്ട് . കൂടാതെ, 2023 ജനുവരിയിൽ നടക്കുന്ന ഓട്ടോ എക്സ്പോയിൽ ഹാരിയർ ഫെയ്സ്ലിഫ്റ്റും സഫാരി ഫെയ്സ്ലിഫ്റ്റും കമ്പനി അനാവരണം ചെയ്തേക്കും എന്നാണ് പുതിയ റിപ്പോര്ട്ടുകള്.
ടാറ്റ മോട്ടോഴ്സ് ടാറ്റ ഹാരിയർ ഫെയ്സ്ലിഫ്റ്റിന്റെ പരീക്ഷണം ആരംഭിച്ചു കഴിഞ്ഞു. അടുത്ത വർഷം ഷോറൂമുകളിൽ എത്തുമെന്ന് പ്രതീക്ഷിക്കുന്നു. പരിഷ്കരിച്ച എസ്യുവി ചില സാങ്കേതിക നവീകരണത്തിനൊപ്പം കാര്യമായ ഡിസൈനിലും ഇന്റീരിയർ മാറ്റങ്ങളോടെയും വരും. സാങ്കേതിക നവീകരണത്തിന്റെ കാര്യത്തിൽ ഏറ്റവും വലിയ മാറ്റം അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS) സാങ്കേതികവിദ്യ ആയിരിക്കും.
'ജനപ്രിയ നായകന്റെ' വില ഇടിക്കാൻ ടാറ്റ, 'കറുത്തമുത്ത്' എത്തുക മോഹവിലയില്!
ഓട്ടോണമസ് എമർജൻസി ബ്രേക്കിംഗ്, ബ്ലൈൻഡ് സ്പോട്ട് മോണിറ്ററിംഗ്, ലെയ്ൻ അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് ഹൈ ബീം, കൂട്ടിയിടി ലഘൂകരണ സംവിധാനം തുടങ്ങിയവ അഡാസ് സാങ്കേതികവിദ്യ വാഗ്ദാനം ചെയ്യാൻ സാധ്യതയുണ്ട്. അഡാസ് മാത്രമല്ല, പുതിയ ഹാരിയർ 360 ഡിഗ്രി ക്യാമറയും സജ്ജീകരിച്ചിരിക്കുന്നു. ഇത് ഡ്രൈവിംഗും പാർക്കിംഗും എളുപ്പമാക്കും.
2023 ടാറ്റ ഹാരിയർ ഫെയ്സ്ലിഫ്റ്റ്, ഒരു വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം ഉള്ള സെൻട്രൽ കൺസോളോടുകൂടിയ കനത്ത പരിഷ്ക്കരിച്ച ക്യാബിനോടെയാണ് വരുന്നത്. വോയ്സ് കമാൻഡിനൊപ്പം വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയെ ഇത് പിന്തുണയ്ക്കും. കണക്റ്റഡ് കാർ സാങ്കേതികവിദ്യയും ഈ എസ്യുവിയില് ഉണ്ടാകും. സ്റ്റൈലിംഗിന്റെ കാര്യത്തിൽ, പുതിയ ഹെഡ്ലാമ്പ് സജ്ജീകരണം, തിരശ്ചീന സ്ലാറ്റുകൾ, സംയോജിത റഡാർ എന്നിവയുള്ള പുതുക്കിയ ഗ്രില്ലും എയർ ഡാമും ഉപയോഗിച്ച് പുതിയ ഹാരിയറിന് മുന്നിൽ മാറ്റങ്ങൾ ലഭിക്കും. എസ്യുവിക്ക് പുതിയ സെറ്റ് അലോയി വീലുകളും ലഭിക്കും.
'ജനപ്രിയ നായകന്റെ' വില ഇടിക്കാൻ ടാറ്റ, 'കറുത്തമുത്ത്' എത്തുക മോഹവിലയില്!
പുതിയ ഹാരിയർ ഫെയ്സ്ലിഫ്റ്റിൽ 170 ബിഎച്ച്പിയും 350 എൻഎം ടോർക്കും ഉൽപ്പാദിപ്പിക്കാൻ കഴിയുന്ന 2.0 എൽ ഡീസൽ എഞ്ചിൻ തുടരും. മാനുവൽ, ഓട്ടോമാറ്റിക് ഗിയർബോക്സുകൾ ഓഫറിൽ ലഭിക്കും. സഫാരി ഫെയ്സ്ലിഫ്റ്റിലും ടാറ്റ സമാനമായ മാറ്റങ്ങൾ വരുത്തും.
