'ജനപ്രിയ നായകന്‍റെ' വില ഇടിക്കാൻ ടാറ്റ, 'കറുത്തമുത്ത്' എത്തുക മോഹവിലയില്‍!
ക്രെറ്റയ്ക്ക് ഒരു യഥാർത്ഥ മത്സരം നൽകാൻ വേണ്ടി മാത്രമാണ് ടാറ്റ ബ്ലാക്ക്ബേർഡ് എസ്യുവി കൊണ്ടുവരുന്നതെന്നാണ് റിപ്പോര്‍ട്ടുകള്‍. അതായത് കൂപ്പെ ശൈലിയിൽ വന്ന് വിപണിയിൽ കടുത്ത മത്സരം നൽകാൻ ഈ എസ്‌യുവിക്ക് കഴിയും.
ഇന്ത്യയിലെ എസ്യുവി വിഭാഗത്തിൽ ടാറ്റ മോട്ടോഴ്‌സ് വളരെ ശക്തമായ ബ്രാൻഡാണ്. കമ്പനി നിരന്തരം പുതിയ മോഡലുകളുമായി വരുന്നു. ഇലക്ട്രിക്ക് വാഹന സെഗ്‌മെന്റിലും കമ്പനി വളരെ ശക്തമാണ്. ഈ വിഭാഗത്തിൽ കൂടുതൽ ഉൽപ്പന്നങ്ങൾ അവതരിപ്പിക്കാൻ ഒരുങ്ങുകയാണ്. തങ്ങളുടെ വരാനിരിക്കുന്ന എസ്യുവി ബ്ലാക്ക് ബേർഡ് ഉടൻ തന്നെ ഇന്ത്യയില്‍ അവതരിപ്പിക്കാൻ ടാറ്റ ഒരുങ്ങുന്നതായിട്ടാണ് പുതിയ റിപ്പോര്‍ട്ടുകള്‍.
കമ്പനിയുടെ ജനപ്രിയ മോഡലായ നെക്‌സോൺ എസ്‌യുവിയെ അടിസ്ഥാനമാക്കിയായിരിക്കും പുതിയ ബ്ലാക്ക്ബേർഡ് എസ്യുവി എന്നാണ് റിപ്പോർട്ടുകൾ. അതുകൊണ്ടുതന്നെ ടാറ്റയുടെ പുതിയ ബ്ലാക്ക്ബേർഡ് എസ്യുവി ടാറ്റ നെക്‌സോണിനും ഹാരിയറിനുമിടയിൽ സ്ഥാപിച്ചേക്കും. ഇന്ത്യയിൽ, ഹ്യുണ്ടായ് ക്രെറ്റ, കിയ സെൽറ്റോസ്, എംജി ആസ്റ്റർ, ഫോക്‌സ്‌വാഗൺ ടൈഗൺ, സ്‌കോഡ കുഷാക്ക് തുടങ്ങിയ എസ്‌യുവികളുമായി ബ്ലാക്ക്ബേർഡ് നേരിട്ട് മത്സരിക്കും. പുതിയ ടാറ്റ ബ്ലാക്ക്ബേർഡിനെക്കുറിച്ചുള്ള ചില പ്രത്യേക സവിശേഷതകൾ അറിയാം
രൂപകൽപ്പനയും ശൈലിയും
ടാറ്റയുടെ പുതിയ ബ്ലാക്ക്ബേർഡ് എസ്‌യുവിയുടെ നീളം നിലവിലുള്ള ടാറ്റ നെക്‌സോണിനേക്കാൾ കൂടുതലായിരിക്കും. കൂപ്പെ ശൈലിയിലായിരിക്കും ഇതിന്റെ ഡിസൈൻ. അതിന്റെ വലിപ്പം 4.3 മീറ്ററിൽ കൂടുതലായിരിക്കും. നീളം കൂടിയതിനാൽ ക്യാബിനിൽ കൂടുതൽ സ്ഥലവും ലെഗ് റൂമും ലഭിക്കും. നിലവിൽ, ഹ്യുണ്ടായ് ക്രെറ്റ വളരെയധികം ജനപ്രിയമാണ്. അതിന്റെ സ്ഥാനം ശക്തമാണ്. ക്രെറ്റയ്ക്ക് ഒരു യഥാർത്ഥ മത്സരം നൽകാൻ വേണ്ടി മാത്രമാണ് ഹ്യുണ്ടായ് ബ്ലാക്ക്ബേർഡ് എസ്യുവി കൊണ്ടുവരുന്നതെന്നാണ് റിപ്പോര്‍ട്ടുകള്‍. അതായത് കൂപ്പെ ശൈലിയിൽ വന്ന് വിപണിയിൽ കടുത്ത മത്സരം നൽകാൻ ഈ എസ്‌യുവിക്ക് കഴിയും. അതിന്റെ ഡിസൈനിൽ പുതുമ കാണാം. കൂപ്പെ ശൈലിയിലുള്ള റൂഫ്‌ലൈൻ ഉപയോഗിച്ച് ഇത് നൽകാം. ബ്ലാക്ക് ബേർഡിന്റെ മുൻഭാഗത്തും വലിപ്പത്തിലും പിൻഭാഗത്തും ഒട്ടേറെ പുതുമകൾ ഉണ്ടാകും. പുതിയ ഡിസൈൻ ഫ്രണ്ട് ആൻഡ് റിയർ എക്സ്റ്റീരിയറിൽ നൽകാം. സുരക്ഷാ ഫീച്ചറുകളെ കുറിച്ച് പറയുകയാണെങ്കിൽ, വരാനിരിക്കുന്ന മോഡലിന് ആന്റി ലോക്ക് ബ്രേക്കിംഗ് സിസ്റ്റം, എയർ ബാഗുകൾ, ഇലക്ട്രോണിക് ബ്രേക്ക് ഫോഴ്സ് ഡിസ്ട്രിബ്യൂഷൻ, എന്നിവ ലഭിക്കും.
എതിരാളികളെ ഞെട്ടിക്കും ടാറ്റയുടെ പദ്ധതികള്‍, വരുന്നത് എട്ട് പുതിയ കാറുകൾ!
എഞ്ചിനും ശക്തിയും
1.5 ലിറ്റർ, നാല് സിലിണ്ടർ പെട്രോൾ എഞ്ചിൻ ടാറ്റ ബ്ലാക്ക്ബേർഡ് എസ്‌യുവിയിൽ കാണാം. റിപ്പോർട്ടുകൾ പ്രകാരം, കമ്പനി ഈ എഞ്ചിനിൽ കുറച്ചുകാലമായി പ്രവർത്തിക്കുന്നു. ഈ എഞ്ചിൻ 160 എച്ച്‌പി കരുത്ത് ഉൽപ്പാദിപ്പിക്കുമെന്നാണ് കരുതുന്നത്. നെക്‌സോണിൽ കാണുന്ന 1.2 ലീറ്റർ എഞ്ചിനേക്കാൾ കരുത്തുറ്റതായിരിക്കും ഈ പുതിയ എഞ്ചിൻ. ഈ എസ്‌യുവിക്ക് മാനുവൽ, ഓട്ടോമാറ്റിക് ട്രാൻസ്മിഷൻ ഗിയർബോക്‌സ് ലഭിക്കും.
വില എത്ര?
പുതിയ ടാറ്റ ബ്ലാക്ക്ബേർഡ് എസ്‌യുവിയെക്കുറിച്ച് കമ്പനി ഇതുവരെ ഒരു പ്രസ്‍താവനയും നടത്തിയിട്ടില്ല, എന്നാൽ ഈ വാഹനത്തിന്റെ എക്‌സ്-ഷോറൂം വില ഏകദേശം 11 ലക്ഷം രൂപ മുതൽ ആരംഭിച്ചേക്കാം. ഇതിന്റെ വില ഹാരിയറിനേക്കാൾ കുറവായിരിക്കുമെന്നും റിപ്പോര്‍ട്ടുകള്‍ ഉണ്ട്. ഈ വിലയില്‍ വാഹനം എത്തിയാല്‍ ഹ്യുണ്ടായി ക്രെറ്റ പാടു പെടുമെന്ന് ഉറപ്പാണ്. ടാറ്റ ബ്ലാക്ക്ബേർഡ് എസ്യുവി ഈ വർഷം അവസാനമോ അടുത്ത വർഷമോ ഓട്ടോ എക്‌സ്‌പോയിൽ അവതരിപ്പിച്ചേക്കും.
ഹ്യുണ്ടായ് ക്രെറ്റ
നിലവിൽ അതിന്റെ സെഗ്‌മെന്റിൽ ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവിയാണ് ഹ്യുണ്ടായ് ക്രെറ്റ. മൊത്തത്തിൽ 12,866 യൂണിറ്റുകളാണ് കഴിഞ്ഞ മാസം വിറ്റഴിച്ചത്. കഴിഞ്ഞ വർഷം ഇതേ സെപ്റ്റംബറിൽ കമ്പനി 8,193 യൂണിറ്റുകൾ വിറ്റഴിച്ചു, ഇത് പ്രതിവർഷം 57 ശതമാനം കൂടുതലാണ്, ക്രെറ്റയുടെ ഡിസൈൻ സ്റ്റൈലിഷും വളരെ പ്രീമിയവുമാണ്. ക്രെറ്റയുടെ എഞ്ചിൻ മികച്ച പ്രകടനം നൽകാൻ കഴിവുള്ളതാണ്. 10.44 ലക്ഷം രൂപ മുതലാണ് ഇതിന്റെ എക്‌സ് ഷോറൂം വില.
"തീര്‍ന്നെന്ന് കരുതി, പക്ഷേ.."കണ്ണീരോടെ ആ കഥ പറഞ്ഞ് ടിയാഗോ ഉടമ, ടാറ്റയ്ക്ക് കയ്യടിച്ച് ജനം!
