കൂടുതൽ ബാറ്ററിയിൽ പ്രവർത്തിക്കുന്ന വാഹനങ്ങൾ വാങ്ങാൻ പൗരന്മാരെ പ്രോത്സാഹിപ്പിക്കുന്നതിനായിട്ടാണ് പുതിയ ഇലക്ട്രിക് വാഹന നയം രാജസ്ഥാന് സര്ക്കാര് ആരംഭിച്ചത് എന്നാണ് റിപ്പോര്ട്ടുകള്.
പുതിയ ഇലക്ട്രിക്ക് വാഹന നയം പുറത്തിറക്കി രാജസ്ഥാൻ സർക്കാർ. കൂടുതൽ ബാറ്ററിയിൽ പ്രവർത്തിക്കുന്ന വാഹനങ്ങൾ വാങ്ങാൻ പൗരന്മാരെ പ്രോത്സാഹിപ്പിക്കുന്നതിനായിട്ടാണ് പുതിയ ഇലക്ട്രിക് വാഹന നയം രാജസ്ഥാന് സര്ക്കാര് ആരംഭിച്ചത് എന്നാണ് റിപ്പോര്ട്ടുകള്. വൈasദ്യുത വാഹനങ്ങൾ വാങ്ങുന്നതിനായി സംസ്ഥാന അതോറിറ്റി മൊത്തം 40 കോടി രൂപ അനുവദിച്ചു.
സംസ്ഥാനം പുറത്തിറക്കിയ വിജ്ഞാപനം അനുസരിച്ച്, സെപ്റ്റംബർ ഒന്നു മുതൽ അഞ്ച് വർഷത്തേക്ക് നയം നിലവിലുണ്ടാകും. 2019-20 ബജറ്റിൽ മുഖ്യമന്ത്രി അശോക് ഗെഹ്ലോട്ടാണ് രാജസ്ഥാൻ ഇവി പോളിസി ആദ്യമായി പ്രഖ്യാപിച്ചത്. പിന്നാലെ ഈ വർഷം മെയ് 24 ന് നയത്തിന്റെ കരട് രൂപം അംഗീകരിച്ചു.
"യാ മോനേ.." വില്പ്പനയില് വമ്പന് വളര്ച്ചയുമായി മാരുതി!
പുതിയ ഇവി നയത്തിന് കീഴിൽ, ഇലക്ട്രിക് വാഹനങ്ങൾ വാങ്ങുന്നതിനുള്ള ഒറ്റത്തവണ സംഭാവനയ്ക്കും സംസ്ഥാന ചരക്ക് സേവന നികുതി (എസ്ജിഎസ്ടി) റീഇംബേഴ്സ്മെന്റിനായി 40 കോടി രൂപയുടെ അധിക ബജറ്റ് വിഹിതത്തിനും സംസ്ഥാന സർക്കാർ അംഗീകാരം നൽകി. ഇരുചക്ര വാഹനങ്ങൾക്ക് 5,000 രൂപ മുതൽ 10,000 രൂപ വരെ എസ്ജിഎസ്ടി തുകയും മുച്ചക്ര വാഹനങ്ങൾ വാങ്ങുന്നതിന് 10,000 രൂപ മുതൽ 20,000 രൂപ വരെ ബാറ്ററി ശേഷി അനുസരിച്ച് സർക്കാർ തിരികെ നൽകും .
ഗതാഗത വകുപ്പിന് ലഭിക്കുന്ന 40 കോടി ഗ്രാൻഡ് ഇലക്ട്രിക് വാഹനങ്ങൾ വാങ്ങുന്നതിനുള്ള ഗ്രാൻഡിന്റെ തീർപ്പാക്കാത്ത കുടിശിക തീർപ്പാക്കാൻ ഉപയോഗിക്കും. തങ്ങൾക്ക് സംസ്ഥാന സർക്കാരിൽ നിന്ന് ഫണ്ട് ലഭിച്ചിട്ടുണ്ടെന്നും ഈ സാമ്പത്തിക വർഷത്തെ ഇലക്ട്രിക് വാഹനങ്ങൾ വാങ്ങുന്നതുമായി ബന്ധപ്പെട്ട എല്ലാ കുടിശ്ശികകളും ഉടൻ തീർപ്പാക്കുമെന്നും ട്രാൻസ്പോർട്ട് കമ്മീഷണർ കെ എൽ സ്വാമി പിടിഐയോട് പറഞ്ഞു. ഈ തുകയിൽ നിന്ന് ഈ സാമ്പത്തിക വർഷം വാഹനങ്ങൾ വാങ്ങിയ 3,000 വാഹന ഉടമകൾക്ക് ഗ്രാന്റ് തുകയായി അഞ്ച് കോടി രൂപ വിതരണം ചെയ്യും.
കഴിഞ്ഞ സാമ്പത്തിക വർഷം, സംസ്ഥാനത്തെ 12 റീജിയണൽ ട്രാൻസ്പോർട്ട് ഓഫീസ് (ആർടിഒ) മേഖലകളിൽ ഇലക്ട്രിക് വാഹനങ്ങൾ വാങ്ങിയ ആളുകൾക്ക് ഗ്രാന്റായി 18 കോടി രൂപ സംസ്ഥാനം അനുവദിച്ചു.
ഇലക്ട്രിക് വാഹനങ്ങൾ വാങ്ങുന്നത് വർധിക്കുന്നതോടെ സംസ്ഥാനത്ത് ഡീസൽ, പെട്രോൾ വാഹനങ്ങൾ മൂലമുണ്ടാകുന്ന മലിനീകരണം കുറയുമെന്നാണ് സംസ്ഥാന സർക്കാർ കരുതുന്നത്.
