ചിത്രം കഴിഞ്ഞ ദിവസം നൂറുദിവസം പൂർത്തിയാക്കിയിരുന്നു. ഈ അവസരം ആഘോഷമാക്കാൻ ചിത്രത്തിന്റെ അണിയറപ്രവർത്തകർക്ക് ബൈക്കുകൾ സമ്മാനിച്ചിരിക്കുകയാണ് താരം.
മലയാളത്തിലെ ജനപ്രിയ യുവതാരം ഉണ്ണി മുകുന്ദനെ (Unni Mukundan) നായകനാക്കി നവാഗതനായ വിഷ്ണു മോഹന് സംവിധാനം ചെയ്ത ചിത്രമാണ് 'മേപ്പടിയാന്' (Meppadiyan). ആക്ഷന് ഹീറോ പരിവേഷങ്ങളില് നിന്ന് വേറിട്ട് ഉണ്ണി മുകുന്ദനെ കുടുംബനായകനായി അവതരിപ്പിച്ച സിനിമ കൂടിയായിരുന്നു 'മേപ്പടിയാന്'. ഉണ്ണി മുകുന്ദൻ തന്നെ നിർമ്മിച്ച ചിത്രം കഴിഞ്ഞ ദിവസം നൂറുദിവസം പൂർത്തിയാക്കിയിരുന്നു. ഈ അവസരം ആഘോഷമാക്കാൻ ചിത്രത്തിന്റെ അണിയറപ്രവർത്തകർക്ക് ബൈക്കുകൾ സമ്മാനിച്ചിരിക്കുകയാണ് താരം. 100–ാം ദിനം ആഘോഷിക്കുന്ന ചടങ്ങിൽ വച്ചാണ് സഹപ്രവർത്തകർക്ക് അപ്രതീക്ഷിതമായി വാഹനങ്ങളുടെ താക്കോൽ കൈമാറിയത്.
ഗിന്നസ് വേള്ഡ് റെക്കോഡ് പട്ടികയില് ഇടം പിടിച്ച് റോയല് എന്ഫീല്ഡ്
മേക്കപ്പ് മാൻ അരുൺ ആയൂരിന് റോയൽ എൻഫീൽഡ് ബുള്ളറ്റും ഉണ്ണി മുകുന്ദന്റെ പിഎ രഞ്ജിത്ത് എംവിക്ക് കെടിഎം ആർസി ബൈക്കുമാണ് സമ്മാനിച്ചത്. അപ്രതീക്ഷിതമായി സമ്മാനം ലഭിച്ചതിൽ വളരെ സന്തോഷമുണ്ടെന്നാണ് ഇരുവരും പറയുന്നത്. ഏകദേശം 1.87 ലക്ഷം രൂപയാണ് റോയൽ എൻഫീൽഡ് ക്ലാസിക് 350യുടെ എക്സ്ഷോറൂം വില. ബൈക്കും ചിത്രങ്ങളും ഉണ്ണി മുകുന്ദന് തന്നെയാണ് തന്റെ ഫേസ്ബുക്ക് പേജിലൂടെ പങ്കുവച്ചത്.
'ഷെഫീക്കിന്റെ സന്തോഷം' എന്ന ചിത്രമാണ് ഉണ്ണി മുകുന്ദൻ അടുത്തതായി നിർമ്മിക്കുന്നത്. ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ടിട്ടുണ്ട്. 'ഈ ചില്ല് കൂട്ടിൽ ഇരിക്കുന്നതെല്ലാം സവർണ പലഹാരങ്ങളാണോ' എന്ന ടാഗ് ലൈനോടെയാണ് പോസ്റ്റർ പുറത്തിറക്കിയിരിക്കുന്നത്. നായകവേഷത്തിൽ എത്തുന്നത് ഉണ്ണി മുകുന്ദൻ തന്നെയാണ്.
Unni Mukundan : 'മേപ്പടിയാന്റെ' വിജയം; വീണ്ടും നിർമാതാവിന്റെ കുപ്പായമണിഞ്ഞ് ഉണ്ണി മുന്ദൻ
നവാഗതനായ അനൂപ് പന്തളമാണ് ചിത്രം തിരക്കഥയെഴുതി സംവിധാനം ചെയ്യുന്നത്. മനോജ് കെ ജയൻ, ദിവ്യാ പിള്ള, ബാല, ആത്മീയ രാജൻ, ഷഹീൻ സിദ്ദിഖ്, മിഥുൻ രമേശ്, സ്മിനു സിജോ, ജോർഡി പൂഞ്ഞാർ എന്നിവരാണ് മറ്റ് മുഖ്യവേഷങ്ങളിൽ. ഷാൻ റഹ്മാനാണ് സംഗീത സംവിധാനം. എൽദോ ഐസക് ഛായാഗ്രഹണവും നൗഫൽ അബ്ദുള്ള എഡിറ്റിങ്ങും നിർവഹിക്കുന്നു. ജനുവരി 14നാണ് മേപ്പടിയാൻ തിയറ്ററുകളിൽ എത്തിയത്. 2019ല് പ്രഖ്യാപിച്ചിരുന്ന ചിത്രം ചില സാങ്കേതിക കാരണങ്ങളാലും പിന്നീട് കൊവിഡിനെ തുടര്ന്നും വൈകുകയായിരുന്നു. സിനിമയ്ക്കായി ഉണ്ണി മുകുന്ദൻ നടത്തിയ മേക്കോവർ ഏറെ ശ്രദ്ധയാകർഷിച്ചിരുന്നു.
എന്താണ് റോയല് എന്ഫീല്ഡ് ക്ലാസിക്ക് 350?
ഐക്കണിക്ക് ഇന്ത്യന് ഇരുചക്ര വാഹന ബ്രാന്ഡായ റോയൽ എൻഫീൽഡിന്റെ പുതുതലമുറ ക്ലാസിക് 350 നെ 2021 സെപ്റ്റംബറിൽ ആണ് കമ്പനി പുറത്തിറക്കിയത്. ഇന്ത്യയെ കൂടാതെ യൂറോപ്പ്, ദക്ഷിണേഷ്യ, ഓസ്ട്രേലിയ, തെക്കേ അമേരിക്ക തുടങ്ങി നിരവധി പ്രദേശങ്ങളിൽ ഈ ബൈക്ക് വിറ്റഴിക്കപ്പെടുന്നു. കടും ചുവപ്പും കാപ്പി കളറും സംഗമിക്കുന്ന ബർഗണ്ടി നിറമുള്ളതും വിഭജിച്ചതുമായ സീറ്റ് സഹിതമെത്തുന്ന ബൈക്കിൽ പഴമയുടെ സ്പർശമുള്ള സ്വിച്ച് ഗിയർ, ഡിജിറ്റൽ ഇൻസ്ട്രമെന്റേഷൻ, ട്രിപ്പർ നാവിഗേഷൻ പോഡ് എന്നിവയും ക്ലാസിക്കിന്റെ ഹെഡ്ലൈറ്റ് അസംബ്ലിയിൽ ഇടംപിടിക്കുന്നുണ്ട്. ഔദ്യോഗികമായി റോയൽ എൻഫീൽഡ് അവതരിപ്പിക്കുന്ന അക്സസറികൾ സഹിതമായിരുന്നു 2021 ക്ലാസിക് 350 മോട്ടോർ സൈക്കിളിന്റെ വരവ്.
'കൊമ്പന്റെ വമ്പിന് ഇടിവ്'; റോയൽ എൻഫീൽഡിന് പണി കൊടുത്തത് 'ചിപ്പ്'
കൗണ്ടര് ബാലന്സര് ഷാഫ്റ്റ് സംവിധാനമുള്ള 349 സി.സി. സിംഗിള് സിലിണ്ടര് ഫ്യുവല് ഇഞ്ചക്ടഡ് എയര് കൂള്ഡ് എന്ജിനാണ് പുത്തന് ക്ലാസിക്കിന്റെ ഹൃദയം. ഈ എഞ്ചിന് 20.2 ബി.എച്ച്.പി. പവറും 27 എന്.എം. ടോര്ക്കും ഉത്പാദിപ്പിക്കും. അഞ്ച് സ്പീഡാണ് ഇതിലെ ഗിയര്ബോക്സ്. മുന്നില് 19 ഇഞ്ചും പിന്നില് 18 ഇഞ്ചും വലിപ്പമുള്ള ടയറുകളാണ് ഇതിലുള്ളത്. 300 എം.എം., 270 എം.എം. ഡിസ്ക് ബ്രേക്കിനൊപ്പം ഡ്യുവല് ചാനല് എ.ബി.എസും ഇതില് സുരക്ഷയൊരുക്കും. 195 കിലോഗ്രാം ആണ് വാഹനത്തിന്റെ ഭാരം. പുതിയ ക്രാഡില് ഷാസിയില് ഒരുങ്ങിയിട്ടുള്ളതിനാല് തന്നെ വാഹനത്തിന്റെ വിറയല് കുറയുമെന്നും മികച്ച റൈഡിങ്ങ് അനുഭവം ഉറപ്പാക്കുമെന്നുമാണ് റോയല് എന്ഫീല്ഡ് പറയുന്നത്.
2021 ക്ലാസിക് 350 അതിന്റെ മുൻഗാമിയോട് ഏതാണ്ട് സമാനമാണെന്ന് തോന്നാമെങ്കിലും വാസ്തവത്തിൽ, പുതുക്കിയ ബൈക്കിലെ മിക്കവാറും എല്ലാ ഘടകങ്ങളും പുതിയതാണ്. ഇതിന്റെ ഫലമായി, ക്ലാസിക് 350 വാങ്ങുന്നതിന് മുമ്പത്തേക്കാൾ അൽപ്പം ചെലവേറിയതായി മാറി. റെഡ്ഡിച്ച്, ഹാല്സിയോണ്, സിഗ്നല്, ഡാര്ക്ക്, ക്രോം എന്നീ അഞ്ച് വേരിയന്റുകളില് എത്തുന്ന ക്ലാസിക്ക് 350-ക്ക് 1.84 ലക്ഷം രൂപ മുതല് 2.51 ലക്ഷം രൂപ വരെയാണ് ഇന്ത്യയിലെ എക്സ്ഷോറും വില.
പുതിയ മീറ്റിയോർ 350ൽ നിന്ന് പ്രചോദനം ഉൾക്കൊണ്ടതാണ് പുതിയ ക്ലാസിക്ക് മോഡല്. ഈ വര്ഷം പുറത്തിറക്കിയ മീറ്റിയോര് 350-ക്ക് അടിസ്ഥാനമൊരുക്കുന്ന ജെ പ്ലാറ്റ്ഫോമിലാണ് ഈ വാഹനവും ഒരുങ്ങിയിട്ടുള്ളത്. ഡിസൈന്, ഫീച്ചര്, എന്ജിന്, പ്ലാറ്റ്ഫോം തുടങ്ങി അടിമുടി മാറ്റങ്ങളുമായാണ് പുതിയ മോഡല് അവതരിച്ചിരിക്കുന്നത്. റെട്രോ ക്ലാസിക് രൂപം നിലനിര്ത്തുന്നതിനൊപ്പം മോടിപിടിപ്പിക്കുന്നതിനായി പുതുമയുള്ള ഡിസൈനുകളും ഈ വാഹനത്തില് നല്കിയിട്ടുണ്ട്. ക്രോമിയം ബെസല് നല്കിയുള്ള റൗണ്ട് ഹെഡ്ലാമ്പ്, വൃത്താകൃതിയിലുള്ള ഇന്റിക്കേറ്റര്, ക്രോം ആവരണം നല്കിയിട്ടുള്ള എക്സ്ഹോസ്റ്റ്, റൗണ്ട് റിയര്വ്യൂ മിറര്, ടിയര്ഡ്രോപ്പ് ഡിസൈനില് ഒരുങ്ങിയിട്ടുള്ള പെട്രോള് ടാങ്ക്, മുന്നിലും പിന്നിലുമുള്ള ഫെന്ഡറുകള് തുടങ്ങിയവയാണ് ഡിസൈനിങ്ങില് സ്റ്റൈലിഷാക്കുന്നത്.
വർഷങ്ങളായി റോയൽ എൻഫീൽഡിന്റെ ഏറ്റവും കൂടുതൽ വിറ്റഴിക്കപ്പെടുന്ന മോഡലാണ് ക്ലാസിക് 350. ഒരു വ്യാഴവട്ടം മുമ്പ് 2009ൽ പുറത്തിറങ്ങിയശേഷം, ഇന്ത്യയിൽ 30 ലക്ഷം ക്ലാസിക് 350 ബൈക്കുകളാണ് വിറ്റത്. റോയൽ എൻഫീൽഡിന്റെ വിൽപ്പനയുടെ 60 മുതല് 70 ശതമാനെ വരെയും കയ്യാളുന്നത് ഈ ബൈക്ക് തന്നെയാണ്.
