ഇപ്പോഴിതാ ഉത്സവ സീസണിൽ വിൽപ്പന മെച്ചപ്പെടുത്തുന്നതിനായി, C3 ഹാച്ച്ബാക്കിനും C3 എയർക്രോസിനും ഒരു ലക്ഷം രൂപ വരെ വിലക്കിഴിവുകൾ സിട്രോൺ വാഗ്ദാനം ചെയ്യുന്നു.
ഫ്രഞ്ച് വാഹന ബ്രാൻഡായ സിട്രോണ് സി3 എയർക്രോസ് ക്രോസ്ഓവർ 2023 സെപ്റ്റംബറിൽ 9.99 ലക്ഷം രൂപ പ്രാരംഭ വിലയിൽ പുറത്തിറക്കിയിരുന്നു. ഈ എസ്യുവി യു, പ്ലസ്, മാക്സ് എന്നിങ്ങനെ മൂന്ന് വേരിയന്റുകളിലും അഞ്ച്, ഏഴ് സീറ്റ് കോൺഫിഗറേഷനുകളിലും വാഗ്ദാനം ചെയ്യുന്നു. സിട്രോണിന്റെ എൻട്രി ലെവൽ ഹാച്ച്ബാക്ക് - C3 6.16 ലക്ഷം മുതൽ 8.80 ലക്ഷം രൂപ വരെ വിലയില് ലഭ്യമാണ്.
ഇപ്പോഴിതാ ഉത്സവ സീസണിൽ വിൽപ്പന മെച്ചപ്പെടുത്തുന്നതിനായി, C3 ഹാച്ച്ബാക്കിനും C3 എയർക്രോസിനും ഒരു ലക്ഷം രൂപ വരെ വിലക്കിഴിവുകൾ സിട്രോൺ വാഗ്ദാനം ചെയ്യുന്നു. കൂടാതെ, C5 എയർക്രോസ് പ്രീമിയം എസ്യുവിയിൽ സിട്രോൺ രണ്ടുലക്ഷം രൂപ വരെ വിലക്കിഴിവ് നൽകുന്നു. സിട്രോണ് C3 എയർക്രോസ് എസ്യുവിയുടെ ആനുകൂല്യങ്ങളിൽ 30,000 രൂപ ക്യാഷ് കിഴിവ്, 25,000 അല്ലെങ്കിൽ 60,000 കിലോമീറ്റർ വിലയുള്ള അഞ്ച് വർഷത്തെ വിപുലീകൃത വാറന്റി, 50,000 കിലോമീറ്റർ അല്ലെങ്കിൽ അഞ്ച് വർഷത്തേക്ക് 45,000 രൂപയുടെ വാർഷിക മെയിന്റനൻസ് സിസ്റ്റം എന്നിവ ഉൾപ്പെടുന്നു. ഉപഭോക്താവിന് 90,000 രൂപയുടെ ക്യാഷ് ഡിസ്കൗണ്ടും തിരഞ്ഞെടുക്കാം.
C3 ഹാച്ച്ബാക്കിൽ 99,000 രൂപ വരെ ആനുകൂല്യങ്ങൾ സിട്രോൺ നൽകുന്നു. കൂടാതെ, ഉപഭോക്താക്കൾക്ക് ഹാച്ച്ബാക്കിൽ "ഇന്ന് വാങ്ങൂ, 2024 മുതൽ ഇഎംഐകൾ അടയ്ക്കുക" എന്ന ഓപ്ഷൻ തിരഞ്ഞെടുക്കാനും കഴിയും. ആനുകൂല്യങ്ങൾ വേരിയന്റുകള്ക്ക് അനുസരിച്ച് വ്യത്യാസപ്പെടാം. ഈ ഓഫറുകൾക്ക് 2023 ഒക്ടോബർ 31 വരെ മാത്രമേ സാധുതയുള്ളൂ. കമ്പനി അഞ്ച് വർഷത്തേക്ക് അല്ലെങ്കിൽ 1,00,000 കിലോമീറ്റർ വരെ വിപുലീകൃത വാറന്റിയും 50,000 കിലോമീറ്ററിന് അഞ്ച് വർഷത്തേക്ക് മെയിന്റനൻസ് പ്രോഗ്രാമും വാഗ്ദാനം ചെയ്യുന്നു.
C3 ഹാച്ച്ബാക്കിനും കരുത്തേകുന്ന 1.2 ലിറ്റർ 3-സിലിണ്ടർ ടർബോ പെട്രോൾ എഞ്ചിനാണ് സിട്രോൺ C3 എയർക്രോസിന് കരുത്തേകുന്നത്. 6-സ്പീഡ് ഗിയർബോക്സുമായി ബന്ധിപ്പിച്ചിരിക്കുന്ന ഈ എഞ്ചിൻ 109 ബിഎച്ച്പിയും 190 എൻഎം ടോർക്കും ഉത്പാദിപ്പിക്കും. C3 ഹാച്ച്ബാക്ക് 1.2 ലിറ്റർ 3-സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനിലും ലഭ്യമാണ്, അത് 82PS പവറും 115Nm ടോർക്കും ഉത്പാദിപ്പിക്കുന്നു. ഈ എഞ്ചിൻ 5-സ്പീഡ് ഗിയർബോക്സുമായി ജോടിയാക്കിയിരിക്കുന്നു.
ശ്രദ്ധിക്കുക, മേല്പ്പറഞ്ഞ ഓഫറുകള് രാജ്യത്തെ വിവിധ പ്രദേശങ്ങളെയും ഡീലര്ഷിപ്പുകളെയും വേരിയന്റുകളെയും വാഹനത്തിന്റെ ലഭ്യതയെയും നിറത്തെയുമൊക്കെ അടിസ്ഥാനമാക്കി വ്യത്യാസപ്പെടാം. കൂടുതല് വിവരങ്ങള്ക്കായി നിങ്ങളുടെ തൊട്ടടുത്ത ഡീലര്ഷിപ്പിനെ സന്ദർശിക്കുക
