ടാറ്റ ടിയാഗോ സിഎൻജിക്ക് എതിരാളിയുമായി ഫ്രഞ്ച് മുതലാളി
ഇപ്പോഴിതാ പുതിയ സിഎൻജി വേരിയന്റുകളോടെ C3 ഹാച്ച്ബാക്ക് മോഡൽ ലൈനപ്പ് കമ്പനി ഉടൻ വിപുലീകരിക്കും എന്നാണ് പുതിയ റിപ്പോര്‍ട്ടുകള്‍. മോഡൽ നിലവിൽ പരീക്ഷണ ഘട്ടത്തിലാണ് എന്നും 2023-ന്റെ ആദ്യ മാസങ്ങളിൽ നിരത്തിലെത്തുമെന്ന് പ്രതീക്ഷിക്കുന്നു.
ഫ്രഞ്ച് വാഹന നിർമ്മാതാക്കളായ സിട്രോണില്‍ നിന്നുള്ള ഇന്ത്യയിലെ ആദ്യത്തെ മാസ്-മാർക്കറ്റ് ഓഫറായ സിട്രോൺ C3. മോഡൽ ലൈനപ്പിൽ 1.0L ലൈവ്, 1.0L ഫീൽ, 1.0L ടർബോ-പെട്രോൾ ഫീൽ എന്നിങ്ങനെ മൂന്ന് വകഭേദങ്ങൾ ഉൾപ്പെടുന്നു. ഇത് 1.2 എൽ, 3 സിലിണ്ടർ നാച്ചുറലി ആസ്പിറേറ്റഡ് പെട്രോൾ അല്ലെങ്കിൽ 1.2 എൽ, 3 സിലിണ്ടർ ടർബോ-പെട്രോൾ എഞ്ചിൻ എന്നിവയിൽ ലഭിക്കും. ആദ്യത്തേത് 115Nm-ൽ 82bhp സൃഷ്ടിക്കുമ്പോൾ രണ്ടാമത്തേത് 190Nm-ൽ 110bhp നൽകുന്നു. രണ്ട് മോട്ടോറുകളും 6 സ്പീഡ് മാനുവൽ ഗിയർബോക്സിൽ ലഭ്യമാണ്. നിലവിൽ 5.88 ലക്ഷം മുതൽ 8.15 ലക്ഷം രൂപ വരെയാണ് ഈ ശ്രേണിയുടെ എക്സ്-ഷോറൂം വില.
ഇപ്പോഴിതാ പുതിയ സിഎൻജി വേരിയന്റുകളോടെ C3 ഹാച്ച്ബാക്ക് മോഡൽ ലൈനപ്പ് കമ്പനി ഉടൻ വിപുലീകരിക്കും എന്നാണ് പുതിയ റിപ്പോര്‍ട്ടുകള്‍. മോഡൽ നിലവിൽ പരീക്ഷണ ഘട്ടത്തിലാണ് എന്നും 2023-ന്റെ ആദ്യ മാസങ്ങളിൽ നിരത്തിലെത്തുമെന്ന് പ്രതീക്ഷിക്കുന്നു. ഫാക്ടറിയിൽ ഘടിപ്പിച്ച CNG കിറ്റുമായി ജോടിയാക്കിയ 1.2L നാച്ചുറലി ആസ്പിറേറ്റഡ് പെട്രോൾ എഞ്ചിനൊപ്പം പുതിയ C3 CNG ലഭ്യമാക്കും. സാധാരണ ഗ്യാസോലിൻ യൂണിറ്റുമായി താരതമ്യപ്പെടുത്തുമ്പോൾ, സിട്രോൺ C3 CNG-യുടെ ശക്തിയും ടോർക്കും കണക്കുകൾ അല്പം കുറവായിരിക്കും.
നെക്സോണിനെ മലര്‍ത്തിയടിച്ച് ബലേനോ, ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന കാര്‍!
6.09 ലക്ഷം മുതൽ 7.64 ലക്ഷം രൂപ വരെ വിലയില്‍ ടാറ്റാ മോട്ടോഴ്‍സ് പുതുതായി പുറത്തിറക്കിയ ടാറ്റ ടിയാഗോ സിഎൻജിക്ക് എതിരെയാണ് സിട്രോൺ സി3 സിഎൻജി മത്സരിക്കുക. വരാനിരിക്കുന്ന ടാറ്റ പച്ച് സിഎൻജിക്കെതിരെയും ഇത് മത്സരിക്കും.
2023-ന്റെ രണ്ടാം പകുതിയിൽ ഫ്രഞ്ച് വാഹന നിർമ്മാതാവ് 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സോടുകൂടിയ C3 അവതരിപ്പിക്കുമെന്ന് റിപ്പോർട്ടുകൾ സൂചിപ്പിക്കുന്നു. അങ്ങനെ സംഭവിച്ചാൽ, ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനുമായി വരുന്ന സെഗ്‌മെന്റിലെ ആദ്യത്തെ വാഹനമായിരിക്കും സിട്രോൺ ഹാച്ച്ബാക്ക്.
ഈ പുത്തൻ മാരുതി മോഡലുകള്‍ തിരിച്ചുവിളിച്ചു, ഇതാണ് തകരാര്‍!
സിഎൻജി, ഓട്ടോമാറ്റിക് വേരിയന്റുകൾക്ക് പുറമേ, സിട്രോൺ സി 3 യുടെ ഇലക്ട്രിക് പതിപ്പും കമ്പനി പുറത്തിറക്കും . അടുത്ത വർഷം ഈ മോഡൽ വിപണിയില്‍ എത്താൻ സാധ്യതയുണ്ട്. 50kWh ബാറ്ററി പാക്കും 136PS ഉം 260Nm ഉം നൽകുന്ന ഇലക്ട്രിക് മോട്ടോറിനൊപ്പം ഇത് വാഗ്ദാനം ചെയ്യാവുന്നതാണ്. ഗ്ലോബൽ സ്‌പെക്ക് പ്യൂഷോ ഇ-208-ലും ഇതേ സജ്ജീകരണം പ്രവർത്തിക്കുന്നു. ഒന്നിലധികം ബാറ്ററി വലുപ്പ ഓപ്ഷനുകളുള്ള ഇലക്ട്രിക് ഹാച്ച്ബാക്കും കാർ നിർമ്മാതാവ് വാഗ്ദാനം ചെയ്തേക്കാം.
