Asianet News MalayalamAsianet News Malayalam

ഈ വാഹന ഉടമകൾക്ക് ഇനി വീട്ടിലിരുന്നും ഇന്ധനം നിറയ്ക്കാം; എങ്ങനെയെന്ന് അറിയുമോ?

ദി ഫ്യുവൽ ഡെലിവറി എന്ന ഒരു സ്റ്റാർട്ടപ്പ് മഹാനഗർ ഗ്യാസ് ലിമിറ്റഡുമായി (എംജിഎൽ) ചേർന്ന് നഗരത്തിലെ ഉപഭോക്താക്കൾക്ക് അവരുടെ വീട്ടുവാതിൽക്കൽ സിഎൻജി എത്തിക്കുന്ന പദ്ധതി തുടങ്ങുന്നതായി എച്ച്ടി ഓട്ടോ റിപ്പോര്‍ട്ട് ചെയ്യുന്നു. 

CNG Customers In Mumbai To Soon Get Fuel Delivered At Doorstep
Author
Mumbai, First Published Jun 15, 2022, 3:18 PM IST

മുംബൈയിലെ സിഎൻജി വാഹന ഉടമകൾക്ക് ഇനി അവരുടെ വീടുകളിൽ ഇരുന്നുകൊണ്ടുതന്നെ തങ്ങളുടെ കാറുകളിൽ ഇന്ധനം നിറയ്‌ക്കാം. ദി ഫ്യുവൽ ഡെലിവറി എന്ന ഒരു സ്റ്റാർട്ടപ്പ് മഹാനഗർ ഗ്യാസ് ലിമിറ്റഡുമായി (എംജിഎൽ) ചേർന്ന് നഗരത്തിലെ ഉപഭോക്താക്കൾക്ക് അവരുടെ വീട്ടുവാതിൽക്കൽ സിഎൻജി എത്തിക്കുന്ന പദ്ധതി തുടങ്ങുന്നതായി എച്ച്ടി ഓട്ടോ റിപ്പോര്‍ട്ട് ചെയ്യുന്നു. 

പാപ്പരായ കൊറിയന്‍ വണ്ടിക്കമ്പനിയെ ഒടുവില്‍ മഹീന്ദ്രയും കയ്യൊഴിഞ്ഞു!

തുടക്കത്തിൽ സിയോൺ, മഹാപെ തുടങ്ങിയ സ്ഥലങ്ങളിൽ ആരംഭിക്കുന്ന സേവനം ഉടൻ തന്നെ മുംബൈയുടെ കൂടുതൽ ഭാഗങ്ങളിലേക്ക് വ്യാപിപ്പിക്കും. രാജ്യത്ത് ഇതാദ്യമായാണ് ഒരു സ്റ്റാർട്ടപ്പ് മൊബൈൽ സിഎൻജി സ്റ്റേഷൻ ആരംഭിക്കുന്നതെന്ന് കമ്പനി അറിയിച്ചു. എല്ലാ ദിവസവും 24 മണിക്കൂറും ലഭ്യമാകുന്ന ഈ സേവനത്തിനായി മഹാനഗർ ഗ്യാസ് ലിമിറ്റഡുമായി സ്റ്റാർട്ടപ്പ് ഒരു കരാര്‍ ഒപ്പുവച്ചു. സ്വകാര്യ വാഹനത്തിനുപുറമെ, സിഎൻജി ഓടിക്കുന്ന ഓട്ടോ റിക്ഷകൾ, ക്യാബുകൾ, സ്‍കൂൾ ബസുകൾ, മറ്റ് വാഹനങ്ങൾ തുടങ്ങിയ പൊതുഗതാഗത സംവിധാനങ്ങൾ ഉൾപ്പെടുന്ന വാണിജ്യ വാഹനങ്ങൾക്കും ഇന്ധന ഡെലിവറി നൽകും.

പ്രാരംഭ ഘട്ടത്തിൽ മുംബൈയിൽ രണ്ട് കോമ്പോസിറ്റ് സിഎൻജി ഡിസ്പെൻസിങ് യൂണിറ്റുകളോ (സിഡിയു) മൊബൈൽ സിഎൻജി സ്റ്റേഷനുകളോ സ്ഥാപിക്കാൻ എംജിഎല്ലിൽ നിന്ന് ഇന്ധന വിതരണത്തിന് അനുമതി ലഭിച്ചു. അടുത്ത മൂന്ന് മാസത്തിനുള്ളിൽ ഡോർസ്റ്റെപ്പ് ഡെലിവറി ആരംഭിക്കും. രാജ്യത്തുടനീളം ഡീസലിന്റെ ഡോർസ്റ്റെപ്പ് ഡെലിവറി വിജയകരമായി നടത്തിയതിന് ശേഷം, സിഎൻജി ഡോർസ്റ്റെപ്പ് ഡെലിവറി പ്രഖ്യാപിച്ചുകൊണ്ട് തങ്ങൾ ഒരു ചുവട് മുന്നോട്ട് കൊണ്ടുപോകുകയാണെന്ന് ദി ഫ്യുവൽ ഡെലിവറി സ്ഥാപകനും സിഇഒയുമായ രക്ഷിത് മാത്തൂർ പറഞ്ഞു.

പുതിയ ആല്‍ഫ സിഎന്‍ജി കാര്‍ഗോ, പാസഞ്ചര്‍ വേരിയന്‍റുകളുമായി മഹീന്ദ്ര

നിലവിൽ മുംബൈ നഗരത്തില്‍ ഉടനീളം 223 സിഎൻജി സ്റ്റേഷനുകളുണ്ട്. നഗരത്തിനുള്ളിൽ ഓടുന്ന അഞ്ച് ലക്ഷത്തിലധികം സിഎൻജി വാഹനങ്ങൾ ഈ പമ്പുകൾ നിറവേറ്റുന്നു. മുംബൈയിലെ ഗതാഗതത്തിനായി സിഎൻജിയുടെ ശരാശരി ഉപഭോഗം പ്രതിവർഷം 43 ലക്ഷം കിലോയാണ്.

പെട്രോൾ അല്ലെങ്കിൽ ഡീസൽ വാഹനങ്ങളെ അപേക്ഷിച്ച് കൂടുതൽ ലാഭകരം മാത്രമല്ല, കാർബൺ പുറന്തള്ളൽ കുറയ്ക്കാൻ സഹായിക്കുന്ന ശുദ്ധമായ ഇന്ധനം വാഗ്‍ദാനം ചെയ്യുന്ന സിഎൻജി വാഹനങ്ങളിലേക്ക് മാറാൻ ഇന്ധന വിതരണ സംരംഭം കൂടുതൽ ആളുകളെ സഹായിക്കും.

Kia EV : എണ്ണ വേണ്ടാ വണ്ടി വിപ്ലവത്തിന് കിയ, വരുന്നത് 14 ഇവികള്‍

ഫ്യൂവൽ ഡെലിവറി ഒരു ഐഒടി അധിഷ്‌ഠിത സ്റ്റാർട്ടപ്പാണ്. ഇത് സാധാരണയായി റിയൽ എസ്റ്റേറ്റ്, ഹോസ്‍പിറ്റാലിറ്റി, റീട്ടെയിൽ, ലോജിസ്റ്റിക്‌സ്, വെയർഹൗസിംഗ്, കൃഷി തുടങ്ങിയ മേഖലകളിലേക്ക് ഡീസൽ വിതരണം ചെയ്യുന്നു. B2C (ബിസിനസ്-ടു-കസ്റ്റമർ) വിഭാഗത്തിൽ അതിന്റെ സേവനങ്ങൾ വിപുലീകരിക്കാൻ മൊബൈൽ സിഎന്‍ജി സ്റ്റേഷനുകൾ സ്റ്റാർട്ടപ്പിനെ സഹായിക്കും.

പുതിയ സേവന ക്യാംപെയിനുമായി ഫോർഡ് ഇന്ത്യ

Follow Us:
Download App:
  • android
  • ios