Maruthi Suzuki Alto 2022 : പുത്തന്‍ അൾട്ടോ ഓഗസ്റ്റ് 18ന് എത്തും, ഇതാ എഞ്ചിന്‍ താരതമ്യം
മൂന്നാം തലമുറ മാരുതി സുസുക്കി അൾട്ടോ 2022 ഓഗസ്റ്റ് 18-ന് ഇന്ത്യയിൽ അവതരിപ്പിക്കും. എസ്-പ്രെസോ, റെനോ ക്വിഡ് തുടങ്ങിയ എതിരാളികൾക്കെതിരെ അതിന്റെ എഞ്ചിൻ സവിശേഷതകൾ എങ്ങനെയായിരിക്കുമെന്ന് പരിശോധിക്കാം
മാരുതി സുസുക്കി തങ്ങളുടെ എൻട്രി ലെവൽ ഓഫറായ ജനപ്രിയ അൾട്ടോയുടെ മൂന്നാം തലമുറ പതിപ്പ് പുറത്തിറക്കാനുള്ള ഒരുക്കത്തിലാണ്. പുതിയ മാരുതി സുസുക്കി ആൾട്ടോ 2022 ഓഗസ്റ്റ് 18-ന് ഇന്ത്യയിൽ ലോഞ്ച് ചെയ്യും. ഇതിന് ഒരു പ്രധാന കോസ്മെറ്റിക് ഓവർഹോൾ, പുതിയ ഫീച്ചറുകൾ, പുതുക്കിയ പവർട്രെയിൻ ഓപ്ഷനുകൾ എന്നിവ ലഭിക്കും. സെഗ്മെന്റിലെ എതിരാളികളായ മാരുതി എസ്-പ്രസോ, റെനോ ക്വിഡ് എന്നിവയ്‌ക്കെതിരെ 2022 മാരുതി സുസുക്കി അൾട്ടോയുടെ എഞ്ചിൻ സവിശേഷതകൾ എന്തൊക്കെയാണെന്ന് പരിശോധിക്കാം.
പരസ്യചിത്രീകരണത്തിനിടെ ചോര്‍ന്ന് 'പാവങ്ങളുടെ വോള്‍വോ'!
വരാനിരിക്കുന്ന 2022 മാരുതി സുസുക്കി ആൾട്ടോയ്ക്ക് നിലവിലെ മോഡലിന് കരുത്ത് പകരുന്ന അതേ 800 സിസി പെട്രോൾ എഞ്ചിൻ ലഭിക്കാൻ സാധ്യതയുണ്ട്. അഞ്ച് സ്പീഡ് മാനുവൽ ഗിയർബോക്സുമായി ജോടിയാക്കിയ ഈ എഞ്ചിന്‍ 47 bhp കരുത്തും 69 Nm ടോര്‍ക്കും സൃഷ്‍ടിക്കും. പുതിയ എസ്-പ്രസ്സോയിൽ അതിന്റെ ചുമതല നിർവഹിക്കുന്ന കെ-സീരീസ് 1.0-ലിറ്റർ എഞ്ചിൻ ലഭിക്കുമെന്ന് പ്രതീക്ഷിക്കുന്നു . ഈ മോട്ടോർ 66 bhp കരുത്തും 89 Nm ടോര്‍ക്കും ഉത്പാദിപ്പിക്കു. അഞ്ച് സ്പീഡ് MT, AMT എന്നിവയുമായി ജോടിയാക്കുന്നു.
66 bhp കരുത്തും 89 Nm ടോര്‍ക്കും സൃഷ്‍ടിക്കുന്ന 1.0 ലിറ്റർ നാച്ചുറലി ആസ്പിറേറ്റഡ് പെട്രോൾ മോട്ടോറാണ് മാരുതി സുസുക്കി എസ്-പ്രെസ്സോയ്ക്ക് ലഭിക്കുന്നത്. ഇത് 5-സ്പീഡ് MT, AMT (AGS) എന്നിവയുമായി ബന്ധിപ്പിച്ചിരിക്കുന്നു. റെനോയുടെ എൻട്രി ലെവൽ ഓഫറായ ക്വിഡിന് യഥാക്രമം 53 ബിഎച്ച്പിയും 67 ബിഎച്ച്പിയും നൽകുന്ന 800 സിസി മിൽ, 1.0 ലിറ്റർ എൻഎ പെട്രോൾ എന്നിവയാണ് കരുത്ത് പകരുന്നത്. രണ്ടിനും 5-സ്പീഡ് MT ലഭിക്കുമ്പോൾ രണ്ടാമത്തേതിന് AMT-യും ലഭിക്കും.
'പാവങ്ങളുടെ വോള്‍വോ'യെ കൂടുതല്‍ മിടുക്കനാക്കി മാരുതി, വരുന്നൂ പുത്തന്‍ അള്‍ട്ടോ!
പുതിയ തലമുറ മാരുതി സുസുക്കി ഓൾട്ടോ 2022 ഓഗസ്റ്റ് 18-ന് ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു. നിലവിൽ ആൾട്ടോയുടെ എക്സ്-ഷോറൂം വില 3.39 ലക്ഷം രൂപ മുതൽ 5.03 ലക്ഷം രൂപ വരെയാണ്. വരാനിരിക്കുന്ന പുതിയ തലമുറ പതിപ്പിന് ഈ വിലകളിൽ നേരിയ വര്‍ദ്ധനവ് ഉണ്ടാകും എന്ന് പ്രതീക്ഷിക്കാം.
ഫീച്ചറുകളുടെ കാര്യത്തിൽ, മുൻവശത്ത് പവർ വിൻഡോകൾ, അനലോഗ് ഇൻസ്ട്രുമെന്റ് ക്ലസ്റ്റർ, മാനുവൽ എസി തുടങ്ങിയവ മാരുതി വാഗ്ദാനം ചെയ്യുമെന്ന് പ്രതീക്ഷിക്കുന്നു. മറ്റ് ആധുനിക കാറുകളെപ്പോലെ, ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയെ പിന്തുണയ്ക്കുന്ന ഏഴ് ഇഞ്ച് ടച്ച്‌സ്‌ക്രീൻ സ്മാർട്ട്‌പ്ലേ ഇൻഫോടെയ്ൻമെന്റ് സിസ്റ്റവും മാരുതി വാഗ്ദാനം ചെയ്തേക്കാം. ഔട്ട്‌ഗോയിംഗ് മോഡലുമായി താരതമ്യപ്പെടുത്തുമ്പോൾ, വരാനിരിക്കുന്ന ആൾട്ടോ ഇന്റീരിയർ സ്‌പെയ്‌സിന്റെ കാര്യത്തിൽ വളരെയധികം ഓഫർ ചെയ്യും. ഈ ഹാച്ച്ബാക്കിലും മാരുതി എഞ്ചിൻ ട്യൂൺ ചെയ്യുമെന്ന് പറയപ്പെടുന്നു. എഞ്ചിൻ കൂടുതൽ ഇന്ധനക്ഷമതയുള്ളതാക്കുന്നതിനാണ് പുതിയ അപ്ഡേറ്റ്.
മാരുതി ഇന്ത്യയുടെ ജനപ്രിയ കാർ നിർമ്മാണ കമ്പനിയായി തുടരുന്നത് ഇങ്ങനെ
ഇന്ത്യൻ വിപണിയിലെ ജനപ്രിയ ഹാച്ച്ബാക്കാണ് മാരുതി സുസുക്കി ആൾട്ടോ. ഇന്ത്യയിലെ സാധാരണക്കാരന്‍റെ വാഹനസ്വപ്‍നങ്ങളെ പൂവണിയിച്ച മോഡലും ഏറ്റവും കൂടുതൽ വിറ്റഴിക്കപ്പെടുന്നതുമായ ജനപ്രിയ കാറുകളിലൊന്നുമായ ആൾട്ടോ ഹാച്ച്ബാക്ക് ഏകദേശം ഒരു പതിറ്റാണ്ടായി വിപണിയിൽ ഉണ്ട് . മാരുതി ഈ ചെറിയ ഹാച്ച്ബാക്കിനെ ഇടയ്ക്കിടെ അപ്ഡേറ്റ് ചെയ്യുന്നത് പതിവാണ്. വരാനിരിക്കുന്ന മാരുതി ആൾട്ടോ വരും മാസങ്ങളിൽ വിപണിയിലെത്തുമെന്ന് പ്രതീക്ഷിക്കുന്നു. സെഗ്‌മെന്റിൽ റെനോ ക്വിഡ്, പുതുക്കിയ മാരുതി എസ്-പ്രസ്സോ തുടങ്ങിയ കാറുകളുമായാണ് മാരുതി ആൾട്ടോ മത്സരിക്കുക.
ജനപ്രിയ കാറിന്‍റെ മൈലേജ് വീണ്ടും കൂട്ടി മാരുതി, ഇതൊക്കെ എങ്ങനെ സാധിക്കുന്നെന്ന് വാഹനലോകം!
