ക്യാമറയിൽ കുടുങ്ങി ഹ്യുണ്ടായ് ക്രെറ്റ ഇവി
ഹ്യുണ്ടായ് ക്രെറ്റ ഇവി പരീക്ഷണത്തിനിടെ രണ്ട് തവണ ഇന്ത്യൻ റോഡുകളിൽ കണ്ടിട്ടുണ്ട്. ഇത്തവണ ദക്ഷിണ കൊറിയയിൽ ഇലക്ട്രിക് എസ്‌യുവി പരീക്ഷണം നടത്തിയിരുന്നു. വരാനിരിക്കുന്ന ക്രെറ്റ ഫെയ്‌സ്‌ലിഫ്റ്റിൽ നിന്ന് വ്യത്യസ്തമായി ദൃശ്യമാകുന്ന പുതിയ ഇവിയുടെ ഡിസൈൻ വിശദാംശങ്ങൾ ഏറ്റവും പുതിയ സ്പൈ ചിത്രങ്ങൾ വെളിപ്പെടുത്തുന്നു.
കൊറിയൻ വാഹന നിർമാതാക്കളായ ഹ്യുണ്ടായ് ക്രെറ്റ ഫെയ്‌സ്‌ലിഫ്റ്റ് അടുത്ത വർഷം ആദ്യം ഇന്ത്യൻ വിപണിയിൽ അവതരിപ്പിക്കും. ക്രെറ്റ എസ്‌യുവിയുടെ ഇലക്ട്രിക് പതിപ്പും കമ്പനി തയ്യാറാക്കുന്നുണ്ട്. ഹ്യുണ്ടായ് ക്രെറ്റ ഇവി 2024 അവസാനത്തോടെ വെളിപ്പെടുമെന്ന് പ്രതീക്ഷിക്കുന്നു. 2025 ൽ ലോഞ്ച് പ്രതീക്ഷിക്കുന്നു. ഇത് മാരുതി സുസുക്കി ഇവിഎക്‌സിന് എതിരായി മത്സരിക്കും.
ഹ്യുണ്ടായ് ക്രെറ്റ ഇവിയുടെ പരീക്ഷണം ആരംഭിച്ചിട്ടുണ്ട്. ഇപ്പോള്‍ ദക്ഷിണ കൊറിയയിൽ ഇലക്ട്രിക് എസ്‌യുവി പരീക്ഷണം നടത്തുകയാണെന്നാണ് റിപ്പോര്‍ട്ടുകള്‍. വരാനിരിക്കുന്ന ക്രെറ്റ ഫെയ്‌സ്‌ലിഫ്റ്റിൽ നിന്ന് വ്യത്യസ്തമായി ദൃശ്യമാകുന്ന പുതിയ ഇവിയുടെ ഡിസൈൻ വിശദാംശങ്ങൾ ഏറ്റവും പുതിയ സ്പൈ ചിത്രങ്ങൾ വെളിപ്പെടുത്തുന്നു.
ദക്ഷിണ കൊറിയയിൽ പരീക്ഷണത്തിലുള്ള ക്രെറ്റ ഇവി നിലവിലെ ക്രെറ്റ എസ്‌യുവിയിൽ നിന്ന് വളരെ വ്യത്യസ്തമായി കാണപ്പെടുന്നു. പുതിയ ഡിസൈൻ ഘടകങ്ങളുമായി വ്യത്യസ്തമായ ഫ്രണ്ട് ഫാസിയയാണ് എസ്‌യുവിക്കുള്ളത്. വേറിട്ട എക്‌സ്‌ഹോസ്റ്റ് ഔട്ട്‌ലെറ്റും ദൃശ്യമാണ്. ക്രെറ്റ ഫെയ്‌സ്‌ലിഫ്റ്റ് പുതിയ പാരാമെട്രിക് ജുവൽ ഫ്രണ്ട് ഗ്രില്ലും സ്‌പ്ലിറ്റ് ഹെഡ്‌ലാമ്പ് ഡിസൈനുമായി വരുന്നു. ഇത് ഇതിനകം എക്‌സ്‌റ്ററിലും വെന്യൂവിലും കണ്ടിട്ടുള്ളതിന് സമാനമാണ്. ഇലക്ട്രിക് വാഹനത്തിൽ സി ആകൃതിയിലുള്ള എൽഇഡി ഡേടൈം റണ്ണിംഗ് ലാമ്പുകൾ സജ്ജീകരിച്ചിരിക്കുന്നു. അത് നിലവിലെ ക്രെറ്റയിൽ വാഗ്ദാനം ചെയ്യുന്നതിനേക്കാൾ വലുതായി കാണപ്പെടുന്നു.
സ്ലൈഡിംഗ് റിയർ ഡോറുകളുമായി പുത്തൻ വാഗൺആർ
ക്ലോസ്ഡ് ഓഫ് ഫ്രണ്ട് ഗ്രില്ലും പുതുക്കിയ ഹെഡ്‌ലാമ്പ് സജ്ജീകരണവുമായാണ് ഇലക്ട്രിക് എസ്‌യുവി വരുന്നത്. സൈഡ് പ്രൊഫൈൽ ക്രെറ്റ ഫെയ്‌സ്‌ലിഫ്റ്റിന് സമാനമായി കാണപ്പെടും. ഇതിന് വ്യത്യസ്ത ശൈലിയിലുള്ള അലോയ് വീലുകൾ ലഭിക്കും. പിന്നിൽ, ഹ്യുണ്ടായ് ക്രെറ്റ ഇവിക്ക് ചെറുതായി പരിഷ്‍കരിച്ച റാപ്പറൗണ്ട് ടെയിൽ ലൈറ്റുകളും പിൻ ബമ്പറും ലഭിക്കാൻ സാധ്യതയുണ്ട്.
ഹ്യുണ്ടായ് ക്രെറ്റ ഇവിയുടെ ക്യാബിൻ വരാനിരിക്കുന്ന ക്രെറ്റ ഫെയ്‌സ്‌ലിഫ്റ്റുമായി പങ്കിടുമെന്ന് പ്രതീക്ഷിക്കുന്നു. എങ്കിലും, കൊറിയൻ വാഹന നിർമ്മാതാവ് നിരവധി ഇവി-നിർദ്ദിഷ്‍ട മാറ്റങ്ങൾ വരുത്തും. ഇലക്ട്രിക് എസ്‌യുവിക്ക് ഫുൾ-ഡിജിറ്റൽ ഇൻസ്ട്രുമെന്റ് കൺസോൾ നൽകും. അയോണിക് 5 ഇവിയിൽ നമ്മൾ ഇതിനകം കണ്ടിട്ടുള്ള സെന്റർ കൺസോളിലാണ് ഗിയർ ലിവർ സ്ഥാപിച്ചിരിക്കുന്നതെന്ന് മുൻ സ്പൈ ചിത്രങ്ങൾ വെളിപ്പെടുത്തുന്നു.
ഹ്യുണ്ടായ് ക്രെറ്റ ഇലക്ട്രിക് ഏകദേശം 50kWh ബാറ്ററി പായ്ക്ക് അവതരിപ്പിക്കുമെന്ന് പ്രതീക്ഷിക്കുന്നു. ഇത് ഒറ്റ ചാർജിൽ 500 കിലോമീറ്ററിലധികം റേഞ്ച് വാഗ്ദാനം ചെയ്യും. മഹീന്ദ്ര XUV400, എംജി ഇസെഡ്എസ് ഇവി, വരാനിരിക്കുന്ന ടാറ്റ കർവ്വ് ഇവി, ഹോണ്ട എലിവേറ്റ് ഇവി, മാരുതി സുസുക്കി eVX തുടങ്ങിയവയ്ക്ക് ഈ ഇലക്ട്രിക് എസ്‌യുവി എതിരാളി ആയിരിക്കും.
