ഏറ്റവും പുതിയ ജെയിംസ് ബോണ്ട് സിനിമയായ നോ ടൈം ടു ഡൈ ചിത്രീകരിക്കുന്ന സ്റ്റണ്ട് വാഹനങ്ങളാണ് ലേലത്തില് വില്ക്കുന്നത് എന്ന് എച്ച്ടി ഓട്ടോ റിപ്പോര്ട്ട് ചെയ്യുന്നു.
ഒരു ജെയിംസ് ബോണ്ട് സിനിമയിലെ കാർ ഓടിക്കണമെന്ന് നിങ്ങള്ക്ക് മോഹമുണ്ടോ? അങ്ങനൊരു ആഗ്രഹമുള്ളവര്ക്ക് ഇതാ ഒരു സുവര്ണാവസരം. പക്ഷേ ലേലത്തിൽ വലിയ തുക നൽകാനുണ്ടെങ്കിൽ മാത്രം. ഏറ്റവും പുതിയ ജെയിംസ് ബോണ്ട് സിനിമയായ നോ ടൈം ടു ഡൈ ചിത്രീകരിക്കുന്ന സ്റ്റണ്ട് വാഹനങ്ങളാണ് ലേലത്തില് വില്ക്കുന്നത് എന്ന് എച്ച്ടി ഓട്ടോ റിപ്പോര്ട്ട് ചെയ്യുന്നു.
15 വർഷത്തിലധികം പഴക്കമുള്ള വാഹനങ്ങളെല്ലാം നിരോധിക്കണം, ഈ സംസ്ഥാനത്തോട് ഹരിത ട്രൈബ്യൂണല്!
സിനിമയിലെ വിസ്മയിപ്പിക്കുന്ന സ്റ്റണ്ടുകൾ നടത്താൻ ഉപയോഗിച്ച നിരവധി മോഡലുകളും യൂണിറ്റുകളും ഇപ്പോൾ സ്വന്തമാക്കാം. മൊത്തം 60 യൂണിറ്റ് വാഹനങ്ങളാണ് ലേലത്തിന് എത്തുന്നത് എന്നാണ് റിപ്പോര്ട്ടുകള്. ആദ്യത്തെ കുറച്ച് ഡിഫൻഡർ യൂണിറ്റുകളിൽ നിന്നുള്ള വരുമാനം റെഡ് ക്രോസിന് നൽകുന്നത് ഉള്പ്പെടെ ചില ജീവകാരുണ്യ പ്രവർത്തങ്ങളും ഈ ലേലത്തിന്റെ ലക്ഷ്യമാണ്. ഈ ലാൻഡ് റോവർ ഡിഫെൻഡർ എസ്യുവികൾ മറ്റുള്ളവയേക്കാൾ സവിശേഷമാണ്. കാരണം ഫാക്ടറിയിൽ നിന്ന് ഷൂട്ടിംഗ് സെറ്റുകളിലേക്ക് നേരിട്ട് അയച്ച ആദ്യത്തെ കുറച്ച് മോഡലുകൾ ഇവയായിരുന്നു. ഈ യൂണിറ്റുകൾ 007 ഷാസി നമ്പർ വഹിക്കുന്നു, കൂടാതെ 500,000 പൗണ്ട് വരെ ലഭിക്കുമെന്ന് പ്രതീക്ഷിക്കുന്നു.
ലേലത്തിൽ വയ്ക്കുന്ന മോഡലുകളുടെ ശേഖരത്തിൽ ഡിഫൻഡർ എസ്യുവി മാത്രമല്ല, റേഞ്ച് റോവർ സ്പോർട്ട് എസ്വിആർ എസ്യുവികളും ജാഗ്വാർ എക്സ്എഫ് സലൂണുകളും ഉണ്ട്. ബോണ്ടിനെ മറികടക്കുന്നതിനോ തോൽപ്പിക്കുന്നതിനോ വില്ലന്മാർ ഉപയോഗിച്ച വാഹനങ്ങളാണിവ. റേഞ്ച് റോവർ സ്പോർട്ട് എസ്വിആറിന് ഒടുവിൽ 120,000 പൗണ്ട് വരെ ലേലത്തുക ലഭിക്കുമെന്നും എക്സ്എഫിന് 70,000 വരെ ലഭിക്കുമെന്നും റിപ്പോർട്ടുകള് ഉണ്ട്.
ബാറ്ററിക്ക് കാറിനേക്കാൾ വില, വില്ക്കാമെന്ന് വച്ചപ്പോള് ആക്രിവില; സ്തംഭിച്ച് കുടുംബം!
ഒരു അൾട്രാ സ്പെഷ്യൽ ലാൻഡ് റോവർ ഡിഫെൻഡർ 110 V8 ബോണ്ട് പതിപ്പ് ഉണ്ടെന്നും ഈ റിപ്പോർട്ട് പറയുന്നു. അത് യഥാർത്ഥത്തിൽ ചിത്രീകരണത്തിൽ ഉപയോഗിച്ചിട്ടില്ല. ഈ പ്രത്യേക പതിപ്പിന്റെ ഏകദേശം 300 യൂണിറ്റുകൾ നിർമ്മിച്ചതിനാൽ, ഈ പ്രത്യേക യൂണിറ്റിന് ഒടുവിൽ 300,000 പൗണ്ട് വരെ ലേല തുക ലഭിക്കുമെന്ന് പ്രതീക്ഷിക്കുന്നു. കൂടാതെ ആത്യന്തികമായി ലഭിക്കുന്ന വരുമാനം ജീവകാരുണ്യ പ്രവർത്തനങ്ങള്ക്കായി നൽകപ്പെടും.
സെപ്റ്റംബർ 28 ന് ലണ്ടനിലെ ക്രിസ്റ്റീസിൽ ക്ഷണപ്രകാരം മാത്രമേ തത്സമയ ലേലം നടക്കൂ. മോഡലുകളുടെ പ്രശസ്തിയും ജെയിംസ് ബോണ്ട് ചിത്രവുമായുള്ള ബന്ധവും നല്ല പ്രതികരണം നേടുമെന്ന് ജാഗ്വാർ ലാൻഡ് റോവർ പ്രതീക്ഷിക്കുന്നു. “നോ ടൈം ടു ഡൈയിൽ ഡിഫൻഡറും റേഞ്ച് റോവറും ജാഗ്വറും ആക്ഷന്റെ തിരക്കിലായിരുന്നു. ഓരോ കാറും ജെയിംസ് ബോണ്ട് ചരിത്രത്തിന്റെ അതുല്യമായ ഒരു ഭാഗത്തെ പ്രതിനിധീകരിക്കുന്നു, അത് ശേഖരിക്കുന്നവർ സ്വന്തമാക്കാൻ ആഗ്രഹിക്കുന്നുവെന്നും അവരുടെ വിൽപ്പനയിലൂടെ ഞങ്ങളുടെ ജീവകാരുണ്യ പ്രവർത്തന പങ്കാളികളെ പിന്തുണയ്ക്കാൻ കഴിയുന്നതിൽ ഞങ്ങൾക്ക് സന്തോഷമുണ്ട്.." ജാഗ്വാർ ലാൻഡ് റോവർ വെഹിക്കിൾ പ്രോഗ്രാമുകളുടെ എക്സിക്യൂട്ടീവ് ഡയറക്ടർ നിക്ക് കോളിൻസ് പറഞ്ഞു.
കൂറ്റന് മതിലിനടിയില് ടൊയോട്ടയുടെ കരുത്തന് പപ്പടമായി, കുലുക്കമില്ലാതെ പജേറോ!
ഡിഫെൻഡർ V8 ബോണ്ട് പതിപ്പിന് ഇത്രയധികം ഡിമാൻഡ് ഉള്ളതിനാൽ, 60 വർഷത്തെ ബോണ്ട് ലോഗോയുള്ള ഈ പ്രത്യേക ഒറ്റ പതിപ്പ്, താൽപ്പര്യമുള്ളവരെ ആകർഷിക്കുമെന്ന് പ്രതീക്ഷിക്കുന്നതായും അദ്ദേഹം വ്യക്തമാക്കി.
