പുതിയ കോംപസ് ട്രെയിൽഹോക്ക് ഫെയ്സ്ലിഫ്റ്റിൽ ശ്രദ്ധേയമായ ഡിസൈൻ മാറ്റങ്ങളും നവീകരിച്ച ക്യാബിനും ലഭിക്കും.
ഐക്കണിക്ക് അമേരിക്കൻ (USA) എസ്യുവി നിർമ്മാതാക്കളായ ജീപ്പ് (Jeep) 2022 അവസാനത്തോടെ രണ്ട് പുതിയ എസ്യുവികൾ ഇന്ത്യൻ വിപണിയിൽ അവതരിപ്പിക്കാന് ഒരുങ്ങുകയാണ്. 2022 പകുതിയോടെ കമ്പനി മെറിഡിയൻ 7 സീറ്റർ എസ്യുവി പുറത്തിറക്കും. എസ്യുവിയുടെ മറഞ്ഞിരിക്കുന്ന പ്രോട്ടോടൈപ്പ് എസ്യുവി ഇതിനകം വെളിപ്പെടുത്തിയിട്ടുണ്ട്. ജീപ്പ് അതിന്റെ ഇന്ത്യൻ വെബ്സൈറ്റിൽ പുതിയ കോംപസ് ട്രെയ്ൽഹോക്ക് ഫെയ്സ്ലിഫ്റ്റിനെ ടീസ് ചെയ്തതായി ഇന്ത്യാ കാര് ന്യൂസ് റിപ്പോര്ട്ട് ചെയ്യുന്നു.
ഇന്ത്യയില് 130 ശതമാനം വളര്ച്ചയുമായി ജീപ്പ്, അമ്പരന്ന് വാഹനലോകം!
പുതിയ കോംപസ് ട്രെയിൽഹോക്ക് ഫെയ്സ്ലിഫ്റ്റിൽ ശ്രദ്ധേയമായ ഡിസൈൻ മാറ്റങ്ങളും നവീകരിച്ച ക്യാബിനും ലഭിക്കും. എന്നിരുന്നാലും, എഞ്ചിൻ സജ്ജീകരണം അതേപടി തുടരും. പുതിയ മോഡൽ പുതുതായി രൂപകൽപ്പന ചെയ്ത ഹെഡ്ലാമ്പുകളും പുതിയ ഡയമണ്ട് കട്ട് അലോയ് വീലുകളുമായാണ് വരുന്നത്.
പുതിയ ജീപ്പ് കോംപസ് ട്രെയിൽഹോക്ക് ഫെയ്സ്ലിഫ്റ്റ് ബ്ലാക്ക്-ഔട്ട് എ, ബി, സി പില്ലറുകളുമായാണ് വരുന്നത്. ഇതിന് ഹുഡിൽ കറുത്ത ഡെക്കലുകളും വിൻഡോ ബെൽറ്റ്ലൈനിലും റൂഫും റൂഫ് റെയിലുകളിലും റെഡ് ട്രീറ്റ്മെന്റും ഉണ്ടായിരിക്കും. പിന്നിൽ 4×4, ട്രെയിൽഹോക്ക് ബാഡ്ജിംഗും ഉണ്ടായിരിക്കും.
ജീപ്പ് കോംപസ് ട്രെയിൽഹോക്ക് ഫെയ്സ്ലിഫ്റ്റ് സാധാരണ കോംപസ് ഫെയ്സ്ലിഫ്റ്റിനൊപ്പം ക്യാബിനും സവിശേഷതകളും പങ്കിടും. ആൻഡ്രോയിഡ് ഓട്ടോ, ആപ്പിൾ കാർപ്ലേ, വോയ്സ് റെക്കഗ്നിഷൻ പിന്തുണ എന്നിവയ്ക്കൊപ്പം യുകണക്ട് 5 സോഫ്റ്റ്വെയർ സഹിതമുള്ള പുതിയ 10.1 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവുമായാണ് ഇത് വരുന്നത്. സോഫ്റ്റ് ടച്ച് ലെതർ സ്റ്റിച്ചിംഗ്, പുതിയ ഇൻസ്ട്രുമെന്റ് കൺസോൾ, മൾട്ടി-ഫങ്ഷണൽ സ്റ്റിയറിംഗ് വീൽ, 360 ഡിഗ്രി പാർക്കിംഗ് ക്യാമറ, വെന്റിലേറ്റഡ് സീറ്റുകൾ, കണക്റ്റഡ് കാർ സാങ്കേതികവിദ്യ, വയർലെസ് സ്മാർട്ട്ഫോൺ ചാർജിംഗ് എന്നിവയും മറ്റുള്ളവയും ഉള്ള ഒരു പുതിയ ഡാഷ്ബോർഡ് ഇതിലുണ്ട്.
മഹീന്ദ്ര 'റാഞ്ചിയ' പേരിന് പകരം പുതിയ പേരില് 'ശരിക്കും മുതലാളി' ഉടനെത്തും!
170 bhp കരുത്തും 350Nm ടോര്ഖ് ഉത്പാദിപ്പിക്കുന്ന അതേ 2.0 ലിറ്റർ മൾട്ടിജെറ്റ് ഡീസൽ എഞ്ചിനാണ് കോമ്പസിന്റെ പുതിയ ട്രയൽ റേറ്റഡ് പതിപ്പിന് കരുത്തേകുക. ഇത് 9-സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കും, ഇത് ആക്ടിവ് ഡ്രൈവ് 4×4 സിസ്റ്റം വഴി എല്ലാ-4 വീലുകളിലേക്കും പവർ അയയ്ക്കും. റോക്ക് മോഡ്, ഹിൽ ഡിസന്റ് കൺട്രോൾ എന്നിവയും വാഹനത്തിന് ഉണ്ട് എന്നാണ് റിപ്പോര്ട്ടുകള്.
മഹീന്ദ്ര കൊണ്ടുപോയ പേരിനു പകരം ഈ വണ്ടിക്ക് ഒടുവില് പുതിയ പേരിട്ട് 'ശരിക്കും' മുതലാളി!
ഇന്ത്യന് (Indian) വാഹന വിപണിയുടെ മുഖച്ഛായ തന്നെ മാറ്റിക്കൊണ്ട് 2017-ലാണ് ഐക്കണിക്ക് അമേരിക്കൻ (USA) വാഹന കമ്പനിയായ ജീപ്പ് ഇന്ത്യയില് എത്തുന്നത്. ഇന്ത്യയിൽ കോംപസ് , റാംഗ്ലർ എന്നീ മോഡലുകളാണ് നിലവില് ജീപ്പ് വിൽക്കുന്നത്. ജീപ്പ് കോംപസിനെ അടിസ്ഥാനമാക്കി ജീപ്പ് പുതിയൊരു മോഡല് വികസിപ്പിക്കുന്നതായി കഴിഞ്ഞ കുറച്ചുനാളുകളായി കേട്ടുതുടങ്ങിയിട്ട്. ജീപ്പ് കോംപസിന് മുകളിലായും റാംഗ്ലറിന് താഴെയുമായി എത്തുന്ന ഈ മോഡലിന്റെ പേരിനെച്ചൊല്ലിയുള്ള ഊഹാപോഹങ്ങള് കഴിഞ്ഞ കുറച്ചു കാലമായി വാഹന ലോകത്ത് സജീവ ചര്ച്ചാ വിഷയമാണ്. കാരണം മറ്റൊന്നുമല്ല, കോംപസിന്റെ ഏഴ് സീറ്റർ പതിപ്പിനെ ബ്രസീലിയൻ വിപണിയില് അവതരിപ്പിച്ചപ്പോള് കമാന്ഡര് എന്ന പേരാണ് ജീപ്പ് നല്കിയത്. എന്നാല് ഇന്ത്യയില് എത്തുമ്പോള് ഈ പേര് നല്കാന് ജീപ്പിന് സാധിക്കില്ല എന്നതായിരുന്നു ചര്ച്ചകള്ക്ക് വഴിവച്ചത്. കാരണം അടുത്ത കാലം വരെ മഹീന്ദ്രയുടെ എംഎം 540 ജീപ്പിന്റെ പേരായിരുന്നു കമാൻഡർ. അതുകൊണ്ടു തന്നെ ഇന്ത്യയിൽ ജീപ്പിന് ഈ എസ്യുവിക്ക് കമാൻഡർ എന്ന പേര് ഉപയോഗിക്കാൻ സാധിക്കില്ല.
എന്നാല് ഇപ്പോഴിതാ ഈ ഊഹാപോഹങ്ങള്ക്കൊക്കെ അവസാനമായിരിക്കുന്നു. ഇവിടെ വിപണിയിൽ വരാനിരിക്കുന്നതും ഏറെ ചർച്ച ചെയ്യപ്പെടുന്നതുമായ ഏഴ് സീറ്റർ എസ്യുവിയെ ജീപ്പ് മെറിഡിയൻ എന്ന് വിളിക്കുമെന്ന് ജീപ്പ് ഇന്ത്യ ഔദ്യോഗികമായി പ്രഖ്യാപിച്ചതായി ഹിന്ദുസ്ഥാന് ടൈംസ് ഓട്ടോ റിപ്പോര്ട്ട് ചെയ്യുന്നു. കമ്പനി പരിഗണിച്ച 70 ഓളം ഓപ്ഷനുകളിൽ നിന്നാണ് 'ജീപ്പ് മെറിഡിയൻ' എന്ന പേര് തിരഞ്ഞെടുത്തത്. പാട്രിയോട്ട് ഉള്പ്പെടെ നിരവധി പേരുകള് അടുത്തകാലം വരെ കമ്പനിയുടെ പരിഗണനയില് ഉണ്ടായിരുന്നതായി റിപ്പോര്ട്ടുകള് ഉണ്ടായിരുന്നു. കമ്പനി പരിഗണിച്ച 70 ഓളം ഓപ്ഷനുകളിൽ പാട്രിയോട്ടിനെ കൂടാതെ കമാന്ഡര് ഉള്പ്പെടെയുള്ള ആഗോള വിപണിയിൽ നിന്നുള്ള ചില ജീപ്പുകളുടെ പേരുകളും ഉൾപ്പെടുന്നതായി സൂചനകള് ഉണ്ടായിരുന്നു.
എന്നാൽ, 'ഏറ്റവും മനോഹരമായ ചില സംസ്ഥാനങ്ങളെയും സംസ്കാരങ്ങളെയും' ബന്ധിപ്പിക്കുന്ന ഇന്ത്യയുടെ നീളത്തിലൂടെ കടന്നുപോകുന്ന ലൈനിൽ നിന്ന് പ്രചോദനം ഉൾക്കൊണ്ടാണ് മെറിഡിയൻ പേര് ഒടുവിൽ തിരഞ്ഞെടുത്തതെന്ന് കമ്പനി ഒരു പത്രക്കുറിപ്പിൽ അറിയിച്ചു. മെറിഡിയൻ പൂർണ്ണമായും ഇന്ത്യയിൽ നിർമ്മിച്ച എസ്യുവിയായിരിക്കും. വരാനിരിക്കുന്ന ജീപ്പ് എസ്യുവി കഴിഞ്ഞ കുറച്ച് മാസങ്ങളായി നിരവധി അവസരങ്ങളിൽ പരീക്ഷണ ഓട്ടങ്ങളിൽ ശ്രദ്ധിക്കപ്പെട്ടിരുന്നു.
രാജ്യത്ത് ജീപ്പിൽ നിന്നുള്ള ആദ്യത്തെ ഏഴ് സീറ്റർ എസ്യുവിയായിരിക്കും മെറിഡിയൻ എന്നും ഇവിടെ ജീപ്പിന്റെ ഉൽപ്പന്ന ശ്രേണിയെ കൂടുതൽ വൈവിധ്യവത്കരിക്കുന്ന ഒരു ഉൽപ്പന്നമായാണ് ഇത് അറിയപ്പെടുക എന്നും കമ്പനി പറയുന്നു. "കശ്മീർ മുതൽ കന്യാകുമാരി വരെയുള്ള വെല്ലുവിളികള് നിറഞ്ഞ യാത്രയിലൂടെ ഇന്ത്യ വാഗ്ദാനം ചെയ്യുന്ന എല്ലാത്തരം ഭൂപ്രദേശങ്ങളിലും ഞങ്ങൾ ഈ എസ്യുവി പരീക്ഷിച്ചു.." ജീപ്പ് ഇന്ത്യയുടെ മേധാവി നിപുൺ ജെ മഹാജൻ പറഞ്ഞു. “ജീപ്പ് മെറിഡിയൻ തരക്കേടില്ലാത്ത പ്രകടനം കാഴ്ചവെച്ചു എന്നതിൽ ഞങ്ങൾക്ക് അഭിമാനമുണ്ട്. മെറിഡിയൻ പ്രതീക്ഷിക്കുന്ന ഞങ്ങളുടെ ഉപഭോക്താക്കൾക്കായി മെയ്ഡ്-ഇൻ-ഇന്ത്യയും മെയ്ഡ്-ഫോർ-ഇന്ത്യയും ആയ ഒരു കാർ ഡെലിവർ ചെയ്യുന്നതിൽ ഞങ്ങൾക്ക് സന്തോഷമുണ്ട്.." അദ്ദേഹം വ്യക്തമാക്കി.
മെറിഡിയൻ എസ്യുവിക്ക് ദൃഡത ഉണ്ടാക്കാൻ ലുക്ക്, പെർഫോമൻസ്, ഓഫ്-റോഡ് കഴിവുകൾ തുടങ്ങിയ നിർണായക ഘടകങ്ങളെ ജീപ്പ് ഇന്ത്യ പിന്തുണയ്ക്കുന്നു. മെറിഡിയൻ എസ്യുവി ഈ വർഷം തന്നെ ഇന്ത്യയിൽ അവതരിപ്പിക്കുമെന്ന് ജീപ്പ് ഇന്ത്യ സ്ഥിരീകരിച്ചു. എന്നാൽ കൂടുതൽ കൃത്യമായ ടൈംലൈൻ ഇപ്പോഴും വ്യക്തമല്ല.
"2022-ലും അതിനുശേഷമുള്ള ഞങ്ങളുടെ ഉൽപ്പന്നങ്ങള്, ഞങ്ങളുടെ വിപണി സാന്നിധ്യം ശക്തിപ്പെടുത്തുന്നതിനായി ഞങ്ങൾ പ്രവർത്തിക്കുമ്പോൾ ഇന്ത്യയോടുള്ള ഞങ്ങളുടെ പ്രതിബദ്ധത വ്യക്തമാക്കുന്നത് തുടരും.." ജീപ്പ് ഉടമകളായ സ്റ്റെല്ലാന്റിസ് ഇന്ത്യയുടെ സിഇഒയും മാനേജിംഗ് ഡയറക്ടറുമായ റോളണ്ട് ബൗച്ചാര പറഞ്ഞു.
