നിഞ്ച ZX-25R എത്താന്‍ വൈകും
ജാപ്പനീസ് ഇരുചക്ര വാഹന നിര്‍മ്മാതാക്കലായ കവാസാക്കിയുടെ ക്വാർട്ടർ ലിറ്റർ സ്‌പോർട്‌സ് ബൈക്കായ നിഞ്ച ZX-25R-ന്റെ അവതരണം നീട്ടിവെച്ചേക്കും.
ജാപ്പനീസ് ഇരുചക്ര വാഹന നിര്‍മ്മാതാക്കലായ കവാസാക്കിയുടെ ക്വാർട്ടർ ലിറ്റർ സ്‌പോർട്‌സ് ബൈക്കായ നിഞ്ച ZX-25R-ന്റെ അവതരണം നീട്ടിവെച്ചേക്കും. കൊവിഡ്-19 വൈറസ് ബാധയുടെ പശ്ചാത്തലത്തിലാണ് ബൈക്കിനെ പുറത്തിറക്കുന്നത് മാറ്റിവെച്ചിരിക്കുന്നത്.
മോട്ടോർസൈക്കിളിന്റെ പ്രീ-ബുക്കിംഗ് ഈ മാസം ആദ്യം ആരംഭിച്ചിരുന്നു. ഏപ്രിൽ നാലിനാണ് പുത്തൻ 250 സിസി മോഡലിനെ ദക്ഷിണേഷ്യൻ രാജ്യമായ ഇന്തോനേഷ്യയിൽ അവതരിപ്പിക്കാൻ കവസാക്കി തീരുമാനിച്ചിരുന്നത്. ഇത് കമ്പനിക്ക് ആധിപത്യമുള്ള ഏറ്റവും വലിയ വിപണികളിൽ ഒന്നാണ്.
കവസാക്കി നിഞ്ച ZX-25R ആദ്യമായി 2019 ലെ ടോക്കിയോ മോട്ടോർ ഷോയിലാണ് പ്രദർശിപ്പിക്കുന്നത്. ക്വാർട്ടർ ലിറ്റർ സ്‌പോർട്ട് ബൈക്കിന്റെ വലിപ്പം കണക്കെടുക്കുമ്പോൾ മികച്ച പെർഫോമൻസ് കാഴ്‌ചവെക്കാൻ ബൈക്കിന് സാധിക്കുമെന്നാണ് പ്രതീക്ഷിക്കുന്നത്. ട്രാക്ഷൻ കൺട്രോൾ, ക്വിക്ക്-ഷിഫ്റ്റർ, രണ്ട് പവർ മോഡുകൾ എന്നിവ ബൈക്കിന്റെ ഇലക്ട്രോണിക് റൈഡർ എയ്ഡുകളിൽ ഉൾപ്പെടുന്നു. ഇരട്ട-പോഡ് എൽഇഡി ഹെഡ്‌ലൈറ്റ്, ഒരു എൽഇഡി ടെയിൽ ലൈറ്റ്, സെമി ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവ വാഹനത്തിന്റെ ഫീച്ചറുകളാണ്.
