Asianet News MalayalamAsianet News Malayalam

കീശ നിറയെ എടിഎം കാര്‍ഡുകള്‍, ഗൂഗിള്‍ പേ; കള്ളന്മാര്‍ പോലും ഞെട്ടുന്ന ട്രിക്കുകളുമായി എംവിഡി!

'ഓപ്പറേഷന്‍ ജാസൂസ്' എന്ന പേരില്‍ നടത്തിയ ഈ മിന്നല്‍ പരിശോധനയില്‍ കണ്ടെത്തിയത് ഞെട്ടിപ്പിക്കുന്ന കൈക്കൂലി ഇടപാട് 

Kerala MVD officials who took bribes through Google Pay were caught in Vigilance's Operation Jasoos
Author
First Published Sep 4, 2022, 8:03 AM IST

തിരുവനന്തപുരം : സംസ്ഥാനത്തെ മോട്ടോര്‍ വാഹന വകുപ്പില്‍ കഴിഞ്ഞ രണ്ടു ദിവസമായി വ്യാപക പരിശോധന നടത്തിക്കൊണ്ടിരിക്കുകയാണ് വിജിലന്‍സ് സംഘം.  'ഓപ്പറേഷന്‍ ജാസൂസ്' എന്ന പേരില്‍ നടത്തിയ ഈ മിന്നല്‍ പരിശോധനയില്‍ കണ്ടെത്തിയത് ഞെട്ടിപ്പിക്കുന്ന കൈക്കൂലി ഇടപാട് ആണെന്നാണ് വിവരം. 

ഇങ്ങനെ ചെയ്‍ത് ഹീറോയാകാന്‍ ശ്രമിക്കരുത്, ക്യാംപസുകള്‍ക്ക് മുന്നറിയിപ്പുമായി എംവിഡി!

സംസ്ഥാനത്തെ 53 ആര്‍ ടി ഒ ഓഫീസുകള്‍ കേന്ദ്രീകരിച്ചായിരുന്നു മിന്നല്‍ പരിശോധന. പരിശോധനയില്‍ വലിയ തോതില്‍ കൈക്കൂലി ഇടപാടുകള്‍ നടക്കുന്നുണ്ടെന്നാണ് വിജിലന്‍സ് കണ്ടെത്തി. ഉദ്യോഗസ്ഥര്‍ നേരിട്ട് കൈക്കൂലി വാങ്ങുന്നതിന് പകരം ഏജന്റുമാരാണ് ഇത് ശേഖരിക്കുന്നത്. തുടര്‍ന്ന് ഓഫീസിന് പുറത്തുവെച്ച് നേരിട്ടോ, ഗൂഗിള്‍ പേ വഴിയോ കൈമാറുകയാണ് എന്നാണ് റിപ്പോര്‍ട്ടുകള്‍. ഇതിന് പുറമേ സേവിങ്സ് ബാങ്ക് അക്കൗണ്ട് വഴി കൈക്കൂലി നല്‍കുന്നതായും കണ്ടെത്തിയിട്ടുണ്ട്.

ഏജന്‍റുമാരിൽ നിന്ന് ഗൂഗിൾ പേ വഴി അടക്കം ഉദ്യോഗസ്ഥര്‍ കൈക്കൂലി വാങ്ങുന്നുണ്ടെന്ന് പരിശോധനയിൽ കണ്ടെത്തി. കോട്ടയം ആര്‍ടി ഓഫിസില്‍ ഏജന്റുമാര്‍ ഉദ്യോഗസ്ഥര്‍ക്ക് ഗൂഗിള്‍ പേ വഴി 1,20,000 രൂപ കൈക്കൂലി നല്‍കിയതായി കണ്ടെത്തി. അടിമാലി ആര്‍ടി ഓഫിസില്‍ ഗൂഗിള്‍ പേ വഴി 97,000 രൂപ ഏജന്റുമാര്‍ ഉദ്യോഗസ്ഥര്‍ക്ക് കൈമാറി. കാഞ്ഞിരപ്പള്ളിയിലും ചങ്ങനാശ്ശേരിയിലും കൈക്കൂലിപ്പണം പിടികൂടിയിട്ടുണ്ട്.  ചങ്ങനാശേരി ആര്‍ടി ഓഫിസിലെ ഉദ്യേഗസ്ഥന് ഏജന്റുമാര്‍ വഴി ഗൂഗിള്‍ പേയിലൂടെ 72,200 രൂപയാണ് കൈക്കൂലിയായി നല്‍കിയത്. നെടുമങ്ങാട് ഓട്ടോ കൺസൾട്ടൻസി ഓഫീസിൽ നിന്ന് ഒന്നരലക്ഷം രൂപയും കൊണ്ടോട്ടി ആര്‍ടിഒ ഓഫീസിൽ ഏജന്‍റിന്‍റെ കാറിൽ നിന്ന് 1,06,285 രൂപയും കണ്ടെടുത്തു.

"ഹെല്‍മറ്റില്‍ ക്യാമറ വയ്ക്കുന്നവര്‍ക്ക് ഒരൊറ്റ ചിന്ത മാത്രം.." നിരോധനത്തില്‍ നിലപാട് വ്യക്തമാക്കി എംവിഡി!

വാഹനരജിസ്ട്രേഷൻ അപേക്ഷയും ലൈസൻസുകളും പെര്‍മിറ്റും വച്ച് താമസിപ്പിച്ച് ഏജന്‍റുമാരിൽ നിന്ന് കൈക്കൂലി വാങ്ങുന്നതായും കണ്ടെത്തി. വടകരയിൽ ഒരു മോട്ടോര്‍ വെഹിക്കിൾ ഇൻസ്പെക്ടറിൽ നിന്ന് ഒമ്പതോളം എടിഎം കാര്‍ഡുകളാണ് പിടികൂടിയത്. 

ഇതാ ഓപ്പറേഷന്‍ ജാസൂസിലെ ചില സുപ്രധാന കണ്ടെത്തലുകള്‍

  • വ​ട​ക​ര ആ​ർടിഒ ഓ​ഫി​സി​ലെ ടൈപ്പി​സ്റ്റി​ന്‍റെ ബാ​ഗി​ൽ​നി​ന്ന്​ നി​ര​വ​ധി അ​പേ​ക്ഷ​ക​ളും ആ​ർ.​സി ബു​ക്കു​ക​ളും സ്റ്റി​ക്ക​റു​ക​ളും പിടികൂടി. നെ​ടു​മ​ങ്ങാ​ട്ടെ ഒരു​ ഓ​ട്ടോ  ക​ൺ​സ​ൽട്ട​ൻ​സി സ്ഥാപനത്തില്‍ ​നി​ന്ന്​ 84 ആ​ർ.​സി ബു​ക്കു​ക​ളും നാ​ല് ലൈ​സ​ൻ​സു​ക​ളും ക​ണ്ടെ​ത്തി. ക​രു​നാ​ഗ​പ്പ​ള്ളി​യി​ൽ ഏ​ജ​ന്‍റി​ന്‍റെ ഓ​ഫി​സി​ൽ​നി​ന്ന്​ പു​തി​യ ആ​ർ.​സി ബു​ക്കു​ക​ളും വാ​ഹ​ന പെ​ർ​മി​റ്റു​ക​ളും അ​നു​ബ​ന്ധ​രേ​ഖ​ക​ളും ക​ണ്ടെ​ടു​ത്തു.
  • ക​ഴ​ക്കൂ​ട്ടം എ​സ്.​ആ​ർ.​ടി.​ഒ പ​രി​സ​ര​ത്ത് ഉ​പേ​ക്ഷി​ക്ക​പ്പെ​ട്ട നി​ല​യി​ൽ ല​ഭി​ച്ച ബാ​ഗി​ൽ​നി​ന്ന്​ ആ​ർ.​സി ബു​ക്കു​ക​ൾ, ലൈ​സ​ൻ​സു​ക​ൾ, വാ​ഹ​ന സം​ബ​ന്ധ​മാ​യ മ​റ്റു രേ​ഖ​ക​ൾ എ​ന്നി​വ ക​ണ്ടെ​ടു​ത്തു. മൂ​വാ​റ്റു​പു​ഴ​യി​ലെ എ.​എം.​വി.​ഐ​യു​ടെ പ​ക്ക​ൽ​ ക​ണ്ടെ​ത്തി​യ ഒ​മ്പ​തോ​ളം എ.​ടി.​എം കാ​ർ​ഡു​ക​ളി​ൽ അ​ഞ്ചെ​ണ്ണം ഉ​ദ്യോ​ഗ​സ്ഥ​ന്‍റെ പേ​രി​ല്‍ ഉ​ള്ള​ത​ല്ലെ​ന്നും​ വ്യ​ക്ത​മാ​യി.
  • കോ​ഴി​ക്കോ​ട് ആ​ര്‍.​ടി.​ഒ ഓ​ഫി​സി​ല്‍ വാ​ഹ​ന ര​ജി​സ്ട്രേ​ഷ​നാ​യു​ള്ള 2523 അ​പേ​ക്ഷ​ക​ളി​ല്‍ 1469 എ​ണ്ണ​ത്തി​ൽ ന​ട​പ​ടി സ്വീ​ക​രി​ച്ചി​ല്ല എന്നും ഉ​ടു​മ്പ​ഞ്ചോ​ല, പീ​രു​മേ​ട് ഓ​ഫി​സു​ക​ളി​ല്‍ ഏ​ജ​ന്‍റു​മാ​ർ പ്ര​ത്യേ​ക അ​ട​യാ​ള​മി​ട്ട്​ ന​ല്‍കു​ന്ന അ​പേ​ക്ഷ​ക​ളി​ൽ വ​ള​രെ വേ​ഗം ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന​താ​യും ക​ണ്ടെ​ത്തി.
  • കോ​ട്ട​യം ആ​ർ.​ടി.​ഒ ഓ​ഫി​സി​ൽ ന​ട​ന്ന പ​രി​ശോ​ധ​ന​യി​ൽ ഏ​ജ​ന്‍റു​മാ​ർ ഉ​ദ്യോ​ഗ​സ്ഥ​ർ​ക്ക് ഗൂഗിൾ പേ ​വ​ഴി 1,20,000 രൂ​പ ന​ൽ​കി​യ​താ​യി ക​ണ്ടെ​ത്തി. അ​ടി​മാ​ലി  ഓ​ഫി​സി​ല്‍ പ​ല​പ്പോ​ഴാ​യിട്ടാണ് 97,000 രൂ​പ  ന​ൽ​കിയത്. ച​ങ്ങ​നാ​ശ്ശേ​രി​യി​ലെ ഉ​ദ്യോ​ഗ​സ്ഥ​ന് ഡ്രൈ​വിംഗ്​ സ്‍കൂൾ ഏ​ജ​ന്‍റു​മാ​ർ 72,200 രൂ​പ​യും കാ​ഞ്ഞി​ര​പ്പ​ള്ളി ഓ​ഫി​സി​ലെ മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​ക്ക്​ 15,790 രൂ​പ​യും ന​ൽ​കി​യെ​ന്ന്​ കണ്ടെത്തി. 
  • നെ​ടു​മ​ങ്ങാ​ട്ടെ ഓ​ട്ടോ ക​ൺ​സ​ൽ​ട്ട​ൻ​സി ഓ​ഫി​സി​ൽ​നി​ന്ന്​ 1.50 ല​ക്ഷം രൂ​പ​യും കൊ​ണ്ടോ​ട്ടി ഓ​ഫി​സി​ൽ ഏ​ജ​ൻ​റി​ന്‍റെ കാ​റി​ൽ​നി​ന്ന്​ 1.06 ല​ക്ഷം രൂ​പ​യും ആ​ല​പ്പു​ഴ​യി​ൽ ര​ണ്ട് ഏ​ജ​ന്‍റു​മാ​രി​ൽ​നി​ന്ന് 72,412 രൂ​പ​യും വെ​ള്ള​രി​ക്കു​ണ്ട് ജോ​യ​ൻ​റ് ആ​ർ.​ടി.​ഒ ഓ​ഫി​സി​ൽ ര​ണ്ട് ഏ​ജ​ന്‍റു​മാ​രി​ൽ​നി​ന്നാ​യി 38,810 രൂ​പ​യും കോ​ട്ട​യ​ത്ത്​  ഏ​ജ​ൻ​റു​മാ​രു​ടെ പ​ക്ക​ൽ​നി​ന്ന്​ 36,050 രൂ​പ​യും പി​ടി​ച്ചെ​ടു​ത്തു.
  • ച​ട​യ​മം​ഗ​ല​ത്ത്​ ര​ണ്ട് ഏ​ജ​ൻ​റു​മാ​രി​ൽ​നി​ന്ന് 32,400 രൂ​പ​യും കൊ​ട്ടാ​ര​ക്ക​ര​യി​ൽ​ 34,300 രൂ​പ​യും പാ​ല​ക്കാ​ട് 26,900 രൂ​പ​യും റാ​ന്നി​യി​ൽ 15,500 രൂ​പ​യും
  •  പ​ത്ത​നം​തി​ട്ട​യി​ൽ 14,000 രൂ​പ​യും പു​ന​ലൂ​രി​ൽ 8,100 രൂ​പ​യും ക​രു​നാ​ഗ​പ്പ​ള്ളി​യി​ൽ 7,930 രൂ​പ​യും കാ​ക്ക​നാ​ട്ട്​ 8,000 രൂ​പ​യും പി​ടി​കൂ​ടി.

മോട്ടോര്‍ വാഹന വകുപ്പുമായി ബന്ധപ്പെട്ട ഇടപാടുകള്‍ പരിവാഹന്‍ വെബ്‌സൈറ്റ് വഴിയാണ് നടത്തേണ്ടത്. പരിവാഹന്‍ വഴി അപേക്ഷിച്ചാലും അതിന്റെ ഫിസിക്കല്‍ കോപ്പി മോട്ടോര്‍ വാഹനവകുപ്പില്‍ നേരിട്ട് ഹാജരാക്കേണ്ടതുണ്ട്. ഈ നിബന്ധന മുതലാക്കിയാണ് വലിയ തോതില്‍ അഴിമതി മോട്ടോര്‍ വാഹന വകുപ്പില്‍ നടക്കുന്നത്. ഇതുമായി ബന്ധപ്പെട്ട് പരാതി ലഭിച്ചതിന്റെ അടിസ്ഥാനത്തിലായിരുന്നു ഓപ്പറേഷന്‍ ജാസൂസ് എന്ന് പേരിട്ട് വിജിലന്‍സ് മിന്നല്‍ പരിശോധന നടത്തിയത്.  കണ്ടെത്തിയ ക്രമക്കേടുകളിൽ നടപടിയെടുക്കുന്നതിനായി വിശദമായ അന്വേഷണ റിപ്പോര്‍ട്ട് വിജിലൻസ് സര്‍ക്കാരിന് കൈമാറും. 

വിവാഹ വണ്ടിയുടെ നമ്പർ പ്ലേറ്റിൽ ‘ജസ്റ്റ് മാരീഡ്’ സ്റ്റിക്കർ; അമ്പരന്ന എംവിഡി പിന്നാലെ പാഞ്ഞു!

Follow Us:
Download App:
  • android
  • ios