2022 ഓഗസ്റ്റിൽ പ്രദർശിപ്പിച്ച വരാനിരിക്കുന്ന ബോൺ ഇലക്ട്രിക് വെഹിക്കിൾസ് (BEVs) ശ്രേണിക്ക് വേണ്ടി മഹീന്ദ്ര ഈ നിർമ്മാണ പ്ലാന്റ് ഉപയോഗിക്കും.
പ്രമുഖ ആഭ്യന്തര യുവി നിർമ്മാതാക്കളായ മഹീന്ദ്ര ആൻഡ് മഹീന്ദ്ര മഹാരാഷ്ട്രയിലെ പടിഞ്ഞാറൻ നഗരമായ പൂനെയ്ക്ക് സമീപം ഇലക്ട്രിക് വാഹന (ഇവി) നിർമ്മാണ പ്ലാന്റ് സ്ഥാപിക്കുന്നതിന് 100 ബില്യൺ രൂപ (1.21 ബില്യൺ ഡോളർ) നിക്ഷേപിക്കാൻ പദ്ധതിയിടുന്നു. അടുത്ത ഏഴ് മുതല് എട്ട് വർഷത്തിനുള്ളിൽ പ്രൊഡക്ഷൻ യൂണിറ്റിൽ പണം നിക്ഷേപിക്കും എന്നാണ് റിപ്പോര്ട്ടുകള്.
2022 ഓഗസ്റ്റിൽ പ്രദർശിപ്പിച്ച വരാനിരിക്കുന്ന ബോൺ ഇലക്ട്രിക് വെഹിക്കിൾസ് (BEVs) ശ്രേണിക്ക് വേണ്ടി മഹീന്ദ്ര ഈ നിർമ്മാണ പ്ലാന്റ് ഉപയോഗിക്കും. XUV.e8, XUV.e9, BE.05, BE.07, BE എന്നിങ്ങനെ അഞ്ച് പുതിയ ഇലക്ട്രിക് എസ്യുവികൾ മഹീന്ദ്ര പ്രദർശിപ്പിച്ചിരുന്നു. .09. XUV EV-കൾ 2024 ൽ ഇന്ത്യൻ വിപണിയിൽ ആദ്യം എത്തും. അതേസമയം BE ശ്രേണി 2025-ൽ വിൽപ്പനയ്ക്കെത്തും. പുതിയ ഇവികൾ പ്ലാറ്റ്ഫോമും ബാറ്ററി മൊഡ്യൂളും പങ്കിടും, എന്നാൽ ഔട്ട്പുട്ടുകളുടെ കാര്യത്തിൽ വ്യത്യസ്തമായിരിക്കും. എക്സ്യുവി 700 അടിസ്ഥാനമാക്കിയുള്ള ഇലക്ട്രിക് വാഹനം മഹീന്ദ്ര പ്രൊഡക്ഷൻ പ്ലാന്റിൽ നിർമ്മിക്കും.
"തീയിലുരുക്കി തൃത്തകിടാക്കി.." ഇരട്ടച്ചങ്കന്മാര് ജനിക്കുന്നതല്ല, ഉണ്ടാക്കുന്നതാണെന്ന് മഹീന്ദ്ര!
ഇന്ത്യയിലെ മൊത്തം വാർഷിക കാർ വിൽപ്പനയായ 3 മില്യണിന്റെ 1 ശതമാനവും നിലവിൽ ഇലക്ട്രിക് വാഹനങ്ങളാണ്. 2030 ഓടെ EV-കളുടെ വിപണി വിഹിതം 30 ശതമാനം ആയി ഉയർത്താനാണ് ഇന്ത്യൻ ഗവൺമെന്റ് ലക്ഷ്യമിടുന്നത്. പുതിയ നിർമ്മാണ പ്ലാന്റ് മഹീന്ദ്രയെ ഇവി നിര്മ്മാണം വേഗത്തിലാക്കാനും ഇന്ത്യയുടെ ഇലക്ട്രിക്ക് വാഹന വിപണിയിൽ 80 ശതമാനം വിഹിതവുമായി ആധിപത്യം പുലർത്തുന്ന ടാറ്റാ മോട്ടോഴ്സിനെ നേരിടാനും സഹായിക്കും. പടിഞ്ഞാറൻ സംസ്ഥാനമായ ഗുജറാത്തിലെ ഫോർഡിന്റെ നിർമ്മാണ പ്ലാന്റ് ടാറ്റ ഏറ്റെടുത്തത് ഈ ഘട്ടത്തില് ശ്രദ്ധേയമാണഅ. ഇവിടെ ഇലക്ട്രിക്ക് വാഹനങ്ങള് നിര്മ്മിക്കാനാണ് ടാറ്റയുടെ പദ്ധതി.
മഹീന്ദ്ര ഗ്രൂപ്പ് അതിന്റെ പുതിയ ഇവി യൂണിറ്റിനായി 250 മില്യൺ ഡോളറിനും 500 മില്യണിനും ഇടയിൽ സമാഹരിക്കുന്നതിന് ആഗോള നിക്ഷേപകരുമായി ചർച്ച നടത്തുന്നുണ്ട്. ബ്രിട്ടീഷ് ഇന്റർനാഷണൽ ഇൻവെസ്റ്റ്മെന്റിൽ (ബിഐഐ) നിന്നുള്ള ആദ്യ സമാഹരണത്തിനുശേഷം ജൂലൈയിൽ പുതിയ ഇവി യൂണിറ്റിന്റെ മൂല്യം ഒമ്പത് ബില്യൺ ഡോളറായിരുന്നു.
അതേസമയം 2023 ജനുവരിയിൽ മഹീന്ദ്ര പുതിയ XUV400 EV പുറത്തിറക്കും . പുതിയ മോഡലിനായുള്ള ബുക്കിംഗുകളും 2023 ജനുവരി ആദ്യ പകുതിയിൽ ആരംഭിക്കും. 39.4kWh ബാറ്ററി പാക്കിൽ നിന്ന് പവർ എടുക്കുന്ന ഫ്രണ്ട്-ആക്സിലിൽ ഘടിപ്പിച്ച ഇലക്ട്രിക് മോട്ടോറുമായാണ് ഇത് വരുന്നത്. ഇലക്ട്രിക് മോട്ടോർ 150 ബിഎച്ച്പിയും 310 എൻഎം ടോർക്കും പുറപ്പെടുവിക്കുന്നു. മണിക്കൂറിൽ 150 കിലോമീറ്റർ വേഗത വരെ കൈവരിക്കുമെന്നും 8.3 സെക്കൻഡിനുള്ളിൽ പൂജ്യത്തില് നിന്നും 100 കിലോമീറ്റർ വേഗത കൈവരിക്കുമെന്നും കമ്പനി അവകാശപ്പെടുന്നു.
XUV400-ന് ശേഷം, 2024 ഡിസംബറോടെ മഹീന്ദ്ര XUV.E8 ഇലക്ട്രിക് എസ്യുവി പുറത്തിറക്കും. ഈ എസ്യുവി, ബോൺ ഇലക്ട്രിക് പ്ലാറ്റ്ഫോമായ INGLO പ്ലാറ്റ്ഫോമിനെ അടിസ്ഥാനമാക്കിയുള്ളതാണ്, കൂടാതെ ഇത് XUV700-മായി സ്റ്റൈലിംഗ് പങ്കിടുന്നു. പുതിയ XUV.e8 ഇലക്ട്രിക് എസ്യുവിയിൽ ഓൾ-വീൽ ഡ്രൈവ് സിസ്റ്റവും 80kWh ബാറ്ററി പാക്കും ഉണ്ടാകും. ഇത് 230hp മുതൽ 350hp വരെ പവർ ഔട്ട്പുട്ട് വാഗ്ദാനം ചെയ്യുമെന്ന് അവകാശപ്പെടുന്നു. 2025 ഏപ്രിലോടെ കമ്പനി XUV.E9 ഇലക്ട്രിക് പുറത്തിറക്കും. ബ്രാൻഡിന്റെ വരാനിരിക്കുന്ന XUV900 എസ്യുവി കൂപ്പെയുടെ പ്രിവ്യൂവും ഇത് നൽകുന്നു. ഇത് ഇലക്ട്രിക് XUV.e8-മായി ബാറ്ററി പാക്കും ഇലക്ട്രിക് മോട്ടോറുകളും പങ്കിടാൻ സാധ്യതയുണ്ട്.
2025 ഒക്ടോബർ മുതൽ മഹീന്ദ്ര BE ശ്രേണി ഇവികൾ പുറത്തിറക്കാൻ തുടങ്ങും. XUV400 ന് മുകളിൽ സ്ഥാനം പിടിക്കുന്ന മഹീന്ദ്ര BE.05 ഇലക്ട്രിക് എസ്യുവി ആയിരിക്കും ആദ്യ മോഡൽ. BE.07 ഇലക്ട്രിക് എസ്യുവി 2026 ഒക്ടോബറോടെ പുറത്തിറക്കാനാണ് ഉദ്ദേശിക്കുന്നത്. BE.09 ഇലക്ട്രിക് എസ്യുവിയുടെ ലോഞ്ച് ടൈംലൈൻ കമ്പനി ഇതുവരെ വെളിപ്പെടുത്തിയിട്ടില്ല.
