തകരാര് ശബ്ദത്തില് നിന്നറിയാം, ആപ്പുമായി ഈ വണ്ടിക്കമ്പനി!
ശബ്ദം കേട്ട് വാഹനത്തിന്റെ തകരാര് തിരിച്ചറിയുന്ന സംവിധാനവുമായി ഒരു വാഹന നിര്മ്മാതാക്കള്
ശബ്ദം കേട്ട് വാഹനത്തിന്റെ തകരാര് തിരിച്ചറിയുന്ന സംവിധാനവുമായി ഒരു വാഹന നിര്മ്മാതാക്കള് രംഗത്ത്. ചെക്ക് ആഡംബര വാഹന നിര്മ്മാതാക്കളായ സ്കോഡയാണ് ആർട്ടിഫിഷ്യൽ ഇൻറലിജൻസിൽ പ്രവർത്തിക്കുന്ന ആപ്പ് വികസിപ്പിച്ചിരിക്കുന്നതെന്ന് ഓട്ടോ കാര് യുക്കെ റിപ്പോര്ട്ട് ചെയ്യുന്നു. ശബ്ദം കേട്ട് കാറുകളുടെ ആന്തരിക പ്രശ്നങ്ങൾ തൽക്ഷണം കണ്ടെത്താൻ ഡ്രൈവർമാരെ സഹായിക്കുകയാണ് ആപ്പിന്റെ ജോലി. സൗണ്ട് അനലൈസർ എന്നാണ് ഈ ആപ്ലിക്കേഷന്റെ പേരെന്നാണ് റിപ്പോര്ട്ടുകള്.
ലളിതമാണ് ഇതിന്റെ പ്രവര്ത്തനം. തകരാറിലായ വാഹനത്തിന്റെ ശബ്ദം അനലൈസറിൽ രേഖപ്പെടുത്തുകയാണ് ആദ്യഘട്ടം റെക്കോർഡുചെയ്ത ശബ്ദം പ്രശ്നമില്ലാത്ത വാഹനങ്ങളുമായി മുൻകൂട്ടി റെക്കോർഡുചെയ്ത ശബ്ദങ്ങളുമായി താരതമ്യം ചെയ്യാൻ എഐ സാങ്കേതികവിദ്യയിൽ പ്രവർത്തിക്കുന്ന വാഹനത്തിവു സാധിക്കും. തകരാറിലായ കാറിന്റെ ശബ്ദ പാറ്റേണിൽ വ്യത്യാസം വിശകലനം ചെയ്ത് ആന്തരിക പ്രശ്നം കണ്ടെത്താനും അതിനുള്ള പരിഹാരം നിർദ്ദേശിക്കാനും ഈ ആപ്ലിക്കേഷന് സാധിക്കും എന്നാണ് കമ്പനി പറയുന്നത്.
സ്കോഡ വളരെക്കാലമായി അവരുടെ കാറുകളിൽ ആപ്ലിക്കേഷൻ പരീക്ഷിക്കുന്നുണ്ട്. ഓസ്ട്രിയ, ജർമനി, ഫ്രാൻസ്, റഷ്യ തുടങ്ങിയ രാജ്യങ്ങളിൽ സ്ഥിതിചെയ്യുന്ന 245സ്കോഡ ഡീലർമാർ 2019 ജൂൺ മുതൽ സൗണ്ട് അനലൈസർ ഉപയോഗിക്കുന്നുണ്ട്. സ്കോഡയിലെ ഡിജിറ്റലൈസേഷന്റെ ഉദാഹരണമാണ് സൗണ്ട് അനലൈസര് എന്നും ഉപഭോക്താക്കൾക്ക് കൂടുതൽ വ്യക്തിഗത സേവനം വാഗ്ദാനം ചെയ്യുന്നതിന് കൃത്രിമ ഇൻറലിജൻസ് ഉപയോഗിക്കുന്നത് തുടരുമെന്നും സ്കോഡ വ്യക്തമാക്കുന്നു.