പുതിയ ഹണ്ടർ 350 2022 പകുതിയോടെ വിൽപ്പനയ്ക്ക് എത്തുമെന്ന് പ്രതീക്ഷിക്കുന്നു. മിക്കവാറും ജൂൺ അല്ലെങ്കിൽ ജൂലൈ മാസത്തോടെ ഈ മോഡല് എത്തിയേക്കും എന്ന് ഇന്ത്യാ കാര് ന്യൂസ് റിപ്പോര്ട്ട് ചെയ്യുന്നു.
പുതിയ സ്ക്രാം 411 അവതരിപ്പിച്ചതിന് ശേഷം, റോയൽ എൻഫീൽഡ് അടുത്ത കുറച്ച് മാസങ്ങൾക്കുള്ളിൽ രാജ്യത്ത് ഒരു പുതിയ മോട്ടോർസൈക്കിൾ അവതരിപ്പിക്കാൻ പദ്ധതിയിടുന്നു. പുതിയ റെട്രോ ക്ലാസിക് റോഡ്സ്റ്റർ ഉൾപ്പെടെ ഒന്നിലധികം പുതിയ മോട്ടോർസൈക്കിളുകൾ കമ്പനി പരീക്ഷിക്കുന്നു. ഇതിലൊരെണ്ണം റോയൽ എൻഫീൽഡ് ഹണ്ടർ 350 എന്ന് വിളിക്കപ്പെടുന്നതായി സൂചനകൾ ഉണ്ട്. അതിനോട് അനുബന്ധിച്ച്, കമ്പനി മൂന്ന് പുതിയ 650 സിസി മോട്ടോർസൈക്കിളുകൾക്കും അടുത്ത തലമുറ ബുള്ളറ്റിനും വേണ്ടി പ്രവർത്തിക്കുന്നു.
ഹെല്മറ്റില്ലാതെ ബുള്ളറ്റുമായി നടുറോഡില്, യുവതാരത്തെ പൊലീസ് കുടുക്കിയത് ഇങ്ങനെ!
അടുത്ത രണ്ടുമുതല് മൂന്നു വർഷത്തേക്ക് ഓരോ മൂന്നു മാസത്തിലും ഒരു പുതിയ മോട്ടോർസൈക്കിൾ പുറത്തിറക്കുമെന്ന് റോയൽ എൻഫീൽഡ് ഇതിനകം പ്രഖ്യാപിച്ചിട്ടുണ്ട്. 2022 മാർച്ച് 15-ന് കമ്പനി സ്ക്രാം 411 പുറത്തിറക്കിയിരുന്നു. പുതിയ ഹണ്ടർ 350 ഉടന്, അതായത്, 2022 പകുതിയോടെ വിൽപ്പനയ്ക്ക് എത്തുമെന്ന് പ്രതീക്ഷിക്കുന്നു. മിക്കവാറും ജൂൺ അല്ലെങ്കിൽ ജൂലൈ മാസത്തോടെ ഈ മോഡല് എത്തിയേക്കും എന്ന് ഇന്ത്യാ കാര് ന്യൂസ് റിപ്പോര്ട്ട് ചെയ്യുന്നു.
പുതിയ റോയല് എന്ഫീല്ഡ് ഹണ്ടര് 350 ബ്രാൻഡിന്റെ പുതിയ 'J' പ്ലാറ്റ്ഫോമിനെ അടിസ്ഥാനമാക്കിയുള്ളതാണ്. അത് റോയല് എന്ഫീല്ഡ് മെറ്റിയോര് 350, പുതിയ ക്ലാസിക് 350 എന്നിവയ്ക്ക് അടിസ്ഥാനമിടുന്നു. പുതിയ പ്ലാറ്റ്ഫോം സുഖസൗകര്യങ്ങളിൽ വിട്ടുവീഴ്ച ചെയ്യാതെ മെച്ചപ്പെട്ട നേർരേഖയും കോണിംഗ് സ്ഥിരതയും വാഗ്ദാനം ചെയ്യുന്നുവെന്ന് കമ്പനി അവകാശപ്പെടുന്നു.
'കൊമ്പന്റെ വമ്പിന് ഇടിവ്'; റോയൽ എൻഫീൽഡിന് പണി കൊടുത്തത് 'ചിപ്പ്'
പുതിയ മോട്ടോർസൈക്കിൾ വ്യത്യസ്ത ട്രിം തലങ്ങളിൽ വാഗ്ദാനം ചെയ്യാൻ സാധ്യതയുണ്ട്. അലോയി വീലുകളും വയർ-സ്പോക്ക് വീലുകളും ഈ ബൈക്കില് സ്ഥാനം പിടിച്ചേക്കും. പുതിയ ക്ലാസിക് 350-നൊപ്പം കമ്പനി ഇതിനകം തന്നെ ഈ സമീപനം സ്വീകരിച്ചിട്ടുണ്ട്. മോട്ടോർസൈക്കിളിന്റെ ഡാർക്ക് വേരിയന്റിൽ അലോയ് വീലുകൾ വരുന്നു. മറ്റ് പതിപ്പുകൾക്ക് വയർ-സ്പോക്ക് വീലുകൾ ലഭിക്കും.
പുതിയ മോട്ടോർസൈക്കിളിൽ സിംഗിൾ പീസ് സീറ്റ്, റിലാക്സ്ഡ് എർഗണോമിക്സ്, റെട്രോ-സ്റ്റൈൽ വൃത്താകൃതിയിലുള്ള ഹെഡ്ലാമ്പുകൾ, വൃത്താകൃതിയിലുള്ള ഇന്ധന ടാങ്ക്, ട്രിപ്പർ നാവിഗേഷൻ സിസ്റ്റം എന്നിവയും ഉണ്ടാകും.
റോയൽ എൻഫീൽഡ് ഹണ്ടർ 350, മെറ്റിയർ 350-മായി പവർട്രെയിൻ പങ്കിടും. OHC ലേഔട്ടോടുകൂടിയ 349 സിസി, സിംഗിൾ സിലിണ്ടർ, എയർ കൂൾഡ് എഞ്ചിനാണ് ഇതിന് കരുത്തേകുന്നത്. ഈ എഞ്ചിൻ പരമാവധി 20.2 bhp കരുത്തും 27 എന്എം ടോര്ഖും ഉത്പാദിപ്പിക്കുന്നു. ആറ് സ്പീഡ് ഗിയർബോക്സ് ആയിരിക്കും ട്രാന്സ്മിഷന്.
Hero Vida : ഹീറോ മോട്ടോകോർപ്പ് വിഡ ഇലക്ട്രിക് ബ്രാൻഡ് പ്രഖ്യാപിച്ചു
ഇത് ക്ലാസിക്, മെറ്റിയർ എന്നിവയുമായി സൈക്കിൾ ഭാഗങ്ങൾ പങ്കിടാൻ സാധ്യതയുണ്ട്. ബൈക്കിന് 370 എംഎം ഫ്രണ്ട് ഡിസ്കും 270 എംഎം റിയർ ഡിസ്ക്കും ഒപ്പം ഡ്യുവൽ-ചാനൽ എബിഎസ് സിസ്റ്റവും സ്റ്റാൻഡേർഡായി ലഭിക്കുമെന്ന് പ്രതീക്ഷിക്കുന്നു. ടെലിസ്കോപിക് ഫ്രണ്ട് ഫോർക്കുകളും പിന്നിൽ ഇരട്ട ഷോക്ക് അബ്സോർബറുകളും ലഭിക്കും.
ഒന്നിലധികം സ്പൈ വീഡിയോകൾ പുതിയ ഹണ്ടർ 350-ന്റെ എക്സ്ഹോസ്റ്റ് നോട്ടും വെളിപ്പെടുത്തുന്നു. ഇത് ക്ലാസിക് 350, മെറ്റിയർ 350 എന്നിവയിൽ നിന്ന് വളരെ വ്യത്യസ്തമാണ്. ഇത് സ്പോർട്ടിയറായി തോന്നുന്നു, എഞ്ചിൻ സ്വഭാവവും അതിന്റെ മെറ്റിയോറിലോ ക്ലാസിക്കിലോ നിന്ന് വ്യത്യസ്തമാകാമെന്ന് ഇത് സൂചിപ്പിക്കുന്നു.
Source : India Car News
'ബ്രാൻഡഡ് ബ്രാൻഡുകളൊന്നിക്കുന്നു' കൈകോർത്ത് റോയല് എൻഫീൽഡും ആൽപിൻസ്റ്റാർസും
മാറ്റങ്ങൾ പലത് വന്നിട്ടും ഇന്ത്യൻ യുവത്വത്തിന്റെ എക്കാലത്തെയും സ്വപ്ന ടൂ വീലർ ഇന്നും ഒന്നേയുള്ളൂ. അത് റോയൽ എൻഫീൽഡ് തന്നെയാണ്. എത്രയോ കാലമായി ഈ ഇഷ്ടം അങ്ങനെ തന്നെ നിലനിൽക്കുകയും ചെയ്യുന്നു.കൂടുന്നതല്ലാതെ അതൊട്ട് കുറയുന്നില്ല. തലമുറകളെ ത്രസിപ്പിച്ച് ആ കുടുകുടു ശബ്ദം ഇന്ത്യക്കാരോട് കൂട്ടുകൂടിയിട്ട് ദശാബ്ദങ്ങളായി.എവിടെ വെച്ച് എപ്പോൾ കേട്ടാലും ആ ശബ്ദം കേട്ടയിടത്തേക്ക് ഒന്ന് പാളി നോക്കും ഇന്നും നമ്മൾ. എന്തോ, അത്രയ്ക്കും ഇഷ്ടമാണ് ബുള്ളറ്റിനോട് നമുക്ക്.
നാലു മാസം, ഒരുലക്ഷം യൂണിറ്റുകള്, കുതിച്ചുപാഞ്ഞ് ക്ലാസിക് 350
റോയൽ എൻഫീൽഡെന്ന ബ്രാന്ഡ് നെയിം നൽകുന്ന ആത്മവിശ്വാസവും വിശ്വാസ്യതയും അത്ര വലുതാണ്. ഇംഗ്ലണ്ടിൽ ജനിച്ച എൻഫീൽഡ് ശരിക്കും റോയൽ ആയത് ഇന്ത്യയിൽ എത്തിയതോടെയാണെന്ന് പറഞ്ഞാൽ അത് അതിശയോക്തിയാവില്ല. ഇപ്പോഴിതാ റോയല് എൻഫീൽഡ് പ്രേമികൾക്ക് മറ്റൊരു സന്തോഷ വാർത്ത കൂടി വരുന്നു. ലോക പ്രശസ്ത റൈഡിംങ് ആക്സസറീസ് ഉത്പന്ന നിർമ്മാതാക്കളായ ആൽപിൻസ്റ്റാർസും എൻഫീൽഡും കൈകോർക്കുന്നു.
റൈഡർമാരുടെ സുരക്ഷയ്ക്കും സംരക്ഷണത്തിനുമായി പ്രത്യേകം രൂപകൽപ്പന ചെയ്ത റൈഡിംങ് ആക്സസറീസാണ് ആൽപിൻസ്റ്റാർസ് നിർമ്മിക്കുന്നത്. 1963 ൽ സ്ഥാപിതമായതാണ് റേസിംങ് ഉത്പന്ന നിർമ്മാതാക്കളായ ഇറ്റാലിയൻ കമ്പനി ആൽപിൻസ്റ്റാർ. ഫോർമുല 1, NASCAR, AMA, വേൾഡ് മോട്ടോർക്രോസ് , മോട്ടോ ജിപി തുടങ്ങിയവയിലെ ലോകപ്രശസ്ത റേസിംങ്ങ് താരങ്ങൾ ഉപയോഗിക്കുന്ന ബ്രാൻഡാണ് ആൽപിൻസ്റ്റാർസ്.
ആഗോള സുരക്ഷാ മാനദണ്ഡങ്ങൾ പാലിച്ചാണ് റൈഡിംങ് ജാക്കറ്റ്, റൈഡിംങ് ഗ്ലൗസ്,റൈഡിംങ് ട്രൗസറുകൾ എന്നിവയെല്ലാം നിർമ്മിച്ചിരിക്കുന്നത്. പേഴ്സണൽ പ്രൊട്ടക്റ്റീവ് എക്യുപ്മെന്റ് റെഗുലേഷനുകൾക്ക് കീഴിൽ ക്ലാസ് എ സർട്ടിഫിക്കറ്റ് ഉള്ളവയാണ് ആൽപിൻസ്റ്റാർസ് ഉത്പന്നങ്ങൾ. കൂടാതെ നെക്കിൾ പ്രൊട്ടക്ഷൻ, പാം പ്രൊട്ടക്ഷൻ, പാഡിംഗ്, കഫ് അഡ്ജസ്റ്ററുകൾ, സ്ക്രീൻ -ഫ്രണ്ട്ലി ഫിംഗർടിപ്സ്, അക്കോഡിയൻ സ്ട്രെച്ച് പാനലുകൾ എന്നിങ്ങനെയുള്ള ഫീച്ചറുകൾ ഉപയോഗിച്ച് വികസിപ്പിച്ചെടുത്തവ കൂടിയാണ് ഓരോ റൈഡിംങ് ഉത്പന്നവും. നാപ്പ ലെതർ, പോളിസ്റ്റർ എയർ മെഷ്, ഡ്രൈസ്റ്റാർ വാട്ടർപ്രൂഫ് മെംബ്രൺ എന്നിവയാണ് ഉത്പന്നങ്ങളുടെ നിർമ്മാണത്തിനായി ഉപയോഗിച്ചിരിക്കുന്നത്.
രാജ്യത്തുടനീളമുള്ള റോയൽ എൻഫീൽഡ് സ്റ്റോറുകൾ, ആമസോൺ, റോയൽ എൻഫീൽഡിന്റെ ഔദ്യോഗിക വെബ്സൈറ്റ് എന്നിവയിലുടെയാണ് വിൽപ്പന. 5,200 രൂപ മുതൽ 18,900 രൂപ വരെ വിവിധ കാറ്റഗറികളിലായി ആൽപിൻസ്റ്റാർസ് ഉത്പന്നങ്ങൾ ഇന്ത്യയിൽ ലഭ്യമാകും.റോയൽ എൻഫീഡിന്റെക ലോഗോയും ആൽപിൻസ്റ്റാർസ് ലോഗോയും ഉത്പന്നങ്ങളിൽ പ്രദർശിപ്പിച്ചിട്ടുണ്ട്. 'റോയൽ എൻഫീൽഡ് എക്സ് ആൽപിൻസ്റ്റാർസ് എന്നാണ് ബ്രാൻഡ് നെയിം.
ഗ്രാവിറ്റി ഡ്രൈസ്റ്റാർ റൈഡിംഗ് ജാക്കറ്റാണ് കൂട്ടത്തിൽ ഏറ്റവും ആകർഷകമായത്.എല്ലാ സീസണിലും ഉപയോഗിക്കാവുന്ന തരത്തിലാണ് ഇതിന്റെ നിർമ്മാണം. നൂതന എയർബാഗ് സാങ്കേതിക വിദ്യ കൂടി ഉൾക്കൊള്ളുന്നതാണ് ഗ്രാവിറ്റി ഡ്രൈസ്റ്റാർ റൈഡിംഗ് ജാക്കറ്റ്. കറുപ്പ്, കാക്കി നിറങ്ങളിൽ രാജ്യത്ത് ജാക്കറ്റ് ലഭ്യമാകും. 17,500 രൂപയാണ് ജാക്കറ്റിന്റെ വില.
പൂർണ്ണമായും വാട്ടർപ്രൂഫായ സോളാനോ വാട്ടർപ്രൂഫ് റൈഡിംഗ് ജാക്കറ്റാണ് രണ്ടാമത്തേത്.കാഷ്വൽ ശൈലിയിലുള്ള സോളാനോ നിലവിൽ കറുപ്പ് നിറത്തിൽ മാത്രമാണ് ലഭ്യമാകുന്നത്. 18,900 രൂപയാണ് ജാക്കറ്റിന്റെ വില. അതായത്, ഇനി സ്വപ്ന വാഹനത്തിനൊപ്പം പുത്തൻ സ്റ്റൈലും... ശരിക്കും മെയ്ഡ് ലൈക്ക് എ ഗൺ..!
