Toyota : ടൊയോട്ടയും കർണാടക ബാങ്കും കൈകോര്‍ക്കുന്നു
ടൊയോട്ട കിർലോസ്‌കർ മോട്ടോർ (Toyota Kirloskar Motor) അറിയിച്ചു. ഇതിനായി കർണാടക ബാങ്കുമായി കമ്പനി ഒരു ധാരണാപത്രം (എം‌ഒ‌യു) ഒപ്പുവച്ചതായും കമ്പനി വാര്‍ത്താക്കുറിപ്പില്‍ അറിയിച്ചു.
ഇന്ത്യയിലുടനീളമുള്ള ഉപഭോക്താക്കൾക്ക് എളുപ്പമുള്ള വാഹന ധനസഹായ വായ്‍പകൾ നൽകുന്നതിന് കർണാടക ബാങ്കുമായി (Karnataka Bank) സഹകരിക്കുന്നതായി ടൊയോട്ട കിർലോസ്‌കർ മോട്ടോർ (Toyota Kirloskar Motor) അറിയിച്ചു. ഇതിനായി കർണാടക ബാങ്കുമായി കമ്പനി ഒരു ധാരണാപത്രം (എം‌ഒ‌യു) ഒപ്പുവച്ചതായും കമ്പനി വാര്‍ത്താക്കുറിപ്പില്‍ അറിയിച്ചു.
സ്വകാര്യ, വാണിജ്യ ആവശ്യങ്ങൾക്കായി ടൊയോട്ട വാഹനങ്ങൾ വാങ്ങുന്നതിന് മുൻഗണനാ മേഖലയിലെ പദ്ധതികളിൽ ഉൾപ്പെടുന്നവ ഉൾപ്പെടെയുള്ള ഉപഭോക്താക്കൾക്ക് മത്സര പലിശ നിരക്കിലുള്ള ഫിനാൻസ് ഓപ്ഷനുകൾ ലഭ്യമാകുമെന്ന് ടികെഎം പ്രസ്‍താവനയിൽ പറഞ്ഞു.
വർദ്ധിച്ചുവരുന്ന ഡിമാൻഡ് നിറവേറ്റുന്നതിനും മെട്രോകളിലും ചെറുകിട വിപണികളിലും ടൊയോട്ട ഉപഭോക്താക്കളുടെ വിൽപ്പന അനുഭവം മെച്ചപ്പെടുത്തുന്നതിനും ടൊയോട്ട ഉൽപ്പന്നങ്ങളുടെ വ്യാപനം വിപുലീകരിക്കാനുമാണ് കമ്പനി ശ്രമിക്കുന്നതെന്ന് ടികെഎം സ്ട്രാറ്റജിക് ബിസിനസ് യൂണിറ്റ് വൈസ് പ്രസിഡന്റ് (വിപി) ആർ വെങ്കിടകൃഷ്‍ണൻ പറഞ്ഞു. രാജ്യത്തുടനീളമുള്ള ഗ്രാമീണ വിപണികളിൽ ശ്രദ്ധ കേന്ദ്രീകരിക്കുകയാണ് കമ്പനിയുടെ ലക്ഷ്യം.
ഉപഭോക്താവിന്റെ ആവശ്യങ്ങൾക്കനുസൃതമായും സാമ്പത്തിക സൗകര്യങ്ങൾ എളുപ്പമാക്കുന്നതിനായും കമ്പനി നൂതനമായ സ്‍കീമുകൾ രൂപകല്‍പ്പന ചെയ്‍തിട്ടുണ്ട്. ഞങ്ങളുടെ പങ്കാളിയായ കർണാടക ബാങ്കിനൊപ്പം, ടൊയോട്ട ഉപഭോക്താക്കൾക്ക് മികച്ച പരിഹാരങ്ങൾ സൃഷ്‍ടിക്കുന്നതിന് ഇത് സഹായിക്കുമെന്ന് പ്രതീക്ഷിക്കുന്നതായും ടൊയോട്ട അധികൃതര്‍ പറഞ്ഞു.
ടികെഎമ്മിൽ നിന്നുള്ള ഉൽപ്പന്നങ്ങൾ സ്വന്തമാക്കാൻ ആഗ്രഹിക്കുന്ന ഉപഭോക്താക്കൾക്ക് ഈ പങ്കാളിത്തം ഡിജിറ്റൽ കാർ ലോൺ ഉൽപ്പന്നത്തിന്റെ വേഗമേറിയതും തടസ്സമില്ലാത്തതുമായ അനുഭവം പ്രദാനം ചെയ്യുമെന്ന് കർണാടക ബാങ്ക് മാനേജിംഗ് ഡയറക്ടറും സിഇഒയുമായ മഹാബലേശ്വര എം എസ് പറഞ്ഞു.
നിലവിലുള്ള ഉപഭോക്താക്കൾക്കും പുതിയ ഉപഭോക്താക്കൾക്കുമായി തദ്ദേശീയമായി വികസിപ്പിച്ച എൻഡ് ടു എൻഡ് ഡിജിറ്റൽ പ്ലാറ്റ്‌ഫോം, ലളിതവും വേഗത്തിലുള്ളതുമായ പ്രോസസിംഗ് കഴിവുകളോടെ പ്രാപ്‍തമാക്കിയ വിപുലമായ ശാഖാ ശൃംഖലയിലൂടെ കർണാടക ബാങ്ക് കാർ വായ്‍പകൾ വാഗ്‍ദാനം ചെയ്യുന്നുവെന്നും അദ്ദേഹം പറഞ്ഞു.
