ട്രയംഫിന്റെ 1200cc കഫേ റേസർ 2023ലേക്ക് അപ്‌ഡേറ്റ് ചെയ്‌തു

ഈ മോഡലിന് കോമ്പറ്റീഷൻ ഗ്രീൻ വിത്ത് സിൽവർ ഐസ് എന്ന് കമ്പനി പേരിട്ടിരിക്കുന്നു. 

ഐക്കണിക്ക് ഇരുചക്ര വാഹന ബ്രാന്‍ഡായ ട്രയംഫ് മോട്ടോർസൈക്കിൾസ് അതിന്റെ ഏക 1200 സിസി കഫേ റേസർ - ത്രക്‌സ്റ്റൺ RS ഉൾപ്പെടെയുള്ള മോട്ടോർസൈക്കിളുകളുടെ മുഴുവൻ നിരയും അപ്‌ഡേറ്റുചെയ്‌തു. ഇപ്പോൾ, 2023 മോഡൽ ഇയർ അപ്‌ഡേറ്റിന്റെ ഭാഗമായി, ട്രയംഫ് ത്രക്‌സ്റ്റൺ RS ഒരു പുതിയ കളർ സ്‍കീം കൊണ്ട് അലങ്കരിച്ചിരിക്കുന്നു. ഈ മോഡലിന് കോമ്പറ്റീഷൻ ഗ്രീൻ വിത്ത് സിൽവർ ഐസ് എന്ന് കമ്പനി പേരിട്ടിരിക്കുന്നു. 

പെയിന്‍റ് സ്‌കീമിൽ ബ്രിട്ടീഷ് ഗ്രീൻ നിറവും ഇന്ധന ടാങ്കിലും സീറ്റ് കൗളിലും ഉള്ള ഗ്രേയുമായി സംയോജിപ്പിച്ചിരിക്കുന്നു. എന്നിരുന്നാലും, വർണ്ണ ഓപ്ഷനെ വേറിട്ടു നിർത്തുന്നത്, അതിനൊപ്പം വരുന്ന സുവർണ്ണ വരകളാണ്. അതായത്, ബാക്കിയുള്ള ത്രക്സറ്റണ്‍ ആര്‍എസ് കറുപ്പ്, അലുമിനിയം ഫിനിഷ്ഡ് ബിറ്റുകളിലാണ് നിർമ്മിച്ചിരിക്കുന്നത്. ഈ നിറത്തിനൊപ്പം, ജെറ്റ് ബ്ലാക്ക് നിറത്തിലും ട്രയംഫ് മോട്ടോർസൈക്കിൾ വാഗ്ദാനം ചെയ്യുന്നു.

ആകർഷകമായ പുതിയ പെയിന്‍റ് കൂടാതെ, 2023 ട്രയംഫ് ത്രക്‌സ്റ്റൺ RS എഞ്ചിൻ, സ്പെസിഫിക്കേഷൻ, ഫീച്ചറുകൾ എന്നിവയുടെ കാര്യത്തിൽ മുമ്പത്തെ പോലെ തന്നെ തുടരുന്നു. 7,500 ആർപിഎമ്മിൽ 103 ബിഎച്ച്‌പിയും 4,250 ആർപിഎമ്മിൽ 112 എൻഎം പീക്ക് ടോർക്കും നൽകുന്ന 1,200 സിസി, പാരലൽ-ട്വിൻ, ലിക്വിഡ് കൂൾഡ് എഞ്ചിനാണ് ഇത് നൽകുന്നത്. ഹാർഡ്‌വെയർ ഡിപ്പാർട്ട്‌മെന്റും മികച്ചതാണ്, കൂടാതെ ഓഹ്ലിൻസ് സസ്‌പെൻഷനും ടോപ്പ്-ഓഫ്-ദി-ലൈൻ ബ്രെംബോ M50 ബ്രേക്കുകളും സ്റ്റാൻഡേർഡായി വരുന്നു.

പുതിയ 2022 ട്രയംഫ് ടൈഗർ 1200 ഇന്ത്യയിൽ, വില 19.19 ലക്ഷം

ട്രയംഫ് മോട്ടോർസൈക്കിൾസ് 2022 ട്രയംഫ് ടൈഗർ 1200 ഇന്ത്യയിൽ അവതരിപ്പിച്ചു. പ്രോ വേരിയന്റുകളും (ജിടി പ്രോയും റാലി പ്രോയും) അതുപോലെ ലോംഗ്-റേഞ്ച് (30-ലിറ്റർ ടാങ്ക്) വേരിയന്റുകളും (ജിടി എക്സ്പ്ലോറർ, റാലി എക്സ്പ്ലോറർ) എന്നിങ്ങനെയാണ് വാഹനം ഇന്ത്യയില്‍ എത്തുന്നതെന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. ശ്രേണിയുടെ വില 19.19 ലക്ഷം രൂപ മുതലാണ് (എക്സ്-ഷോറൂം) ആരംഭിക്കുന്നത്. ട്രയംഫ് മോട്ടോർസൈക്കിൾസ് നേരത്തെ തന്നെ ടൈഗർ 1200 ആഗോള വിപണിയിൽ അവതരിപ്പിച്ചിരുന്നു.

ഏറ്റവും പുതിയ കൂട്ടിച്ചേർക്കലിനൊപ്പം, ട്രയംഫ് ടൈഗർ ശ്രേണിയിൽ ടൈഗർ സ്‌പോർട്ട് 660, ടൈഗർ 850 സ്‌പോർട്ട് , ടൈഗർ 900 ജിടി , ടൈഗർ 900 റാലി, ടൈഗർ 900 റാലി പ്രോ, ടൈഗർ 1200 ജിടി പ്രോ, ടൈഗർ 1200 റാലി പ്രോ, ടൈഗർ 1200 റാലി പ്രോ, ടൈഗർ 120 എന്നിങ്ങനെ 9 മോഡലുകൾ ഉൾപ്പെടുന്നു . ഒപ്പം ടൈഗർ 1200 റാലി എക്സ്പ്ലോററും.

പുതിയ ടൈഗർ 1200 മോട്ടോർസൈക്കിളിന്റെ ഹൃദയഭാഗത്ത് ഒരു പുതിയ 1160 സിസി ടി-പ്ലെയ്ൻ ട്രിപ്പിൾ എഞ്ചിൻ സ്ഥാനം പിടിച്ചിരിക്കുന്നു. ഇത് അസമമായ ഫയറിംഗ് ഓർഡറിനൊപ്പം 'പുതിയ സ്വഭാവം' നൽകാൻ കമ്പനി ട്യൂൺ ചെയ്‍തിട്ടുണ്ട്. 9,000 ആർപിഎമ്മിൽ 150 പിഎസ് പവറും 7,000 ആർപിഎമ്മിൽ 130 എൻഎം ടോർക്കും നൽകുന്നതാണ് എഞ്ചിൻ. ആറ് സ്‍പീഡ് യൂണിറ്റുമായി ഈ എഞ്ചിൻ ജോടിയാക്കിയിരിക്കുന്നു.

കോണ്ടിനെന്റലുമായി സഹകരിച്ച് വികസിപ്പിച്ച ബ്ലൈൻഡ് സ്പോട്ട് റഡാർ സിസ്റ്റത്തിന്റെ ഉപയോഗമാണ് പുതിയ ടൈഗർ 1200 ന്റെ പ്രധാന ഹൈലൈറ്റുകളിലൊന്ന്. ഈ സവിശേഷത അതിന്റെ ജിടി എക്സ്പ്ലോററിനും റാലി എക്സ്പ്ലോററിനും മാത്രമായി പരിമിതപ്പെടുത്തിയിരിക്കുന്നു. സംയോജിത മൈ ട്രയംഫ് കണക്റ്റിവിറ്റി സിസ്റ്റത്തോടുകൂടിയ പുതിയ 7 ഇഞ്ച് TFT ഉപകരണവുമുണ്ട്. ഡൈനാമിക് റൈഡർ കൺട്രോളിനായി സജ്ജീകരിച്ചിരിക്കുന്ന ഒരു പുതിയ ഷോവ സെമി-ആക്ടീവ് സസ്‌പെൻഷനാണ് സസ്പെൻഷൻ ചുമതലകൾ നിർവഹിക്കുന്നത്.