അടുത്ത വർഷം വിപണിയിലെത്താൻ പോകുന്ന പുതിയ ടാറ്റ സിയറ എസ്യുവി ഒരു പെട്രോൾ പമ്പിൽ കണ്ടെത്തി,. ഇത് പെട്രോൾ എഞ്ചിൻ സാന്നിധ്യം ഉറപ്പിക്കുന്നു.
കഴിഞ്ഞ കുറച്ച് വർഷങ്ങളായി ഇന്ത്യയിലെ കോംപാക്റ്റ് എസ്യുവി വിഭാഗം അതിവേഗം വളർന്നു. ഹാച്ച്ബാക്കുകൾ പോലുള്ള വിലകുറഞ്ഞ സെഗ്മെന്റുകളെ പോലും ഇത് മറികടന്നു. അതുകൊണ്ടാണ് പല കമ്പനികളും ഈ സെഗ്മെന്റിൽ ഒന്നിനുപുറകെ ഒന്നായി പുതിയ മോഡലുകൾ പുറത്തിറക്കുന്നത്. ടാറ്റ മോട്ടോഴ്സിന്റെ വാഹനനിരയിൽ നിലവിൽ ഈ സെഗ്മെന്റിലെ പഞ്ച്, നെക്സോൺ പോലുള്ള മോഡലുകൾ ഉൾപ്പെടുന്നു. ഇപ്പോൾ, കമ്പനി പുതിയ സിയറയെ അതിന്റെ നിരയിലേക്ക് ചേർക്കുന്നു. ഈ കാർ അടുത്ത വർഷം വിപണിയിലെത്തുമെന്ന് പ്രതീക്ഷിക്കുന്നു. ഇപ്പോൾ, ഈ എസ്യുവി ഒരു പെട്രോൾ പമ്പിൽ കണ്ടെത്തി. ഇത് ഒരു പെട്രോൾ എഞ്ചിൻ ഓപ്ഷന്റെ സാന്നിധ്യം സ്ഥിരീകരിക്കുന്നു. പുതിയ ടാറ്റ സിയറയുടെ പെട്രോൾ പമ്പിൽ നിന്നുള്ള ദൃശ്യങ്ങൾ റഷ് ലൈനാണ് പുറത്തുവിട്ടത്.
രണ്ട് പെട്രോൾ എഞ്ചിൻ ഓപ്ഷനുകൾ
സിയറയ്ക്ക് രണ്ട് പെട്രോൾ എഞ്ചിൻ ഓപ്ഷനുകൾ ഉണ്ടാകുമെന്ന് പ്രതീക്ഷിക്കുന്നു. അടിസ്ഥാന വേരിയന്റിന് 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ കരുത്ത് പകരുമെന്ന് പ്രതീക്ഷിക്കുന്നു. ഉയർന്ന സ്പെക്ക് വേരിയന്റുകളിൽ 1.5 ലിറ്റർ ടർബോചാർജ്ഡ് പെട്രോൾ എഞ്ചിൻ ലഭിക്കുമെന്ന് പ്രതീക്ഷിക്കുന്നു. നാച്ചുറലി ആസ്പിറേറ്റഡ് പെട്രോൾ എഞ്ചിൻ ഇന്ധനക്ഷമതയിൽ ശ്രദ്ധ കേന്ദ്രീകരിക്കുമ്പോൾ പെർഫോമൻസിന് മുൻഗണന നൽകുന്നവർക്ക് ടർബോചാർജ്ഡ് യൂണിറ്റ് ഉപയോഗപ്രദമാകും. നാച്ചുറലി ആസ്പിറേറ്റഡ് പെട്രോൾ എഞ്ചിൻ കുറഞ്ഞ ആരംഭ വില ഉറപ്പാക്കും, ഇത് എസ്യുവിയെ അതിന്റെ എതിരാളികൾക്കെതിരെ മത്സരിക്കാൻ സഹായിക്കും.
സിയറയുടെ 1.5 ലിറ്റർ ടർബോ പെട്രോൾ എഞ്ചിൻ ഏകദേശം 170 PS പവറും 280 Nm ടോർക്കും ഉത്പാദിപ്പിക്കും. മാനുവൽ, ഓട്ടോമാറ്റിക് ട്രാൻസ്മിഷൻ ഓപ്ഷനുകൾ ലഭ്യമാകും. നാച്ച്വറലി ആസ്പിരേറ്റഡ് പെട്രോൾ എഞ്ചിന്റെ ഔട്ട്പുട്ട് കണക്കുകൾ ഇതുവരെ ലഭ്യമല്ല. പക്ഷേ ഇത് എതിരാളികളുടെ അടിസ്ഥാന വേരിയന്റുകളുടെ പ്രകടനവുമായി താരതമ്യപ്പെടുത്തുമെന്ന് പ്രതീക്ഷിക്കുന്നു. സിയറയുടെ നാച്ച്വറലി ആസ്പിരേറ്റഡ് പെട്രോൾ എഞ്ചിൻ ഏകദേശം 120 PS പവർ ഉത്പാദിപ്പിക്കുമെന്ന് പ്രതീക്ഷിക്കുന്നു. എന്നാൽ ഇതിന് ഔദ്യോഗിക സ്ഥിരീകരണമൊന്നുമില്ല. രണ്ട് എഞ്ചിനുകളും E20 അനുസൃതമായിരിക്കും.
Related Articles
ടാറ്റ സിയറയുടെ ഡീസൽ വേരിയന്റിൽ ഫിയറ്റിൽ നിന്ന് കടമെടുത്ത 2.0 ലിറ്റർ ടർബോഡീസൽ എഞ്ചിൻ ഉപയോഗിക്കാനാണ് സാധ്യത. ഹാരിയറിലും സഫാരിയിലും ഈ എഞ്ചിൻ ഇതിനകം ലഭ്യമാണ്. ഇത് 170 PS പവറും 350 Nm ടോർക്കും ഉത്പാദിപ്പിക്കുന്നു. ട്രാൻസ്മിഷൻ ഓപ്ഷനുകളിൽ 6-സ്പീഡ് മാനുവലും 6-സ്പീഡ് ടോർക്ക് കൺവെർട്ടർ ഓട്ടോമാറ്റിക്കും ഉൾപ്പെടുന്നു. മികച്ച ഓഫ്-റോഡ് പ്രകടനത്തിനായി ടോപ്പ്-സ്പെക്ക് സിയറ വേരിയന്റിൽ AWD ഉൾപ്പെടുത്താൻ സാധ്യതയുണ്ട്.
ടാറ്റ സിയറയുടെ രൂപകൽപ്പനയും സവിശേഷതകളും
പുതിയ സിയറ മോഡൽ തികച്ചും വ്യത്യസ്തമാണ്, പക്ഷേ ഇതിന് വലിയ ഗ്ലാസ് ഏരിയയും പഴയ സിയറയെ അനുസ്മരിപ്പിക്കുന്ന ഒരു ബോക്സി സിലൗറ്റും ഉണ്ട്. 2025 ലെ ഇന്ത്യ മൊബിലിറ്റി ഗ്ലോബൽ എക്സ്പോയിലാണ് പുതിയ സിയറയെ ടാറ്റ അവതരിപ്പിച്ചത്. ഇന്ത്യൻ വിപണിയിൽ വരുന്ന മറ്റൊരു കാറിലും കാണാത്ത വ്യത്യസ്തമായ രൂപകൽപ്പനയ്ക്കൊപ്പം അതിന്റെ റാപ്പ്-എറൗണ്ട് പിൻ വിൻഡോയ്ക്ക് ഒരു സവിശേഷ സ്പർശം നൽകിയിട്ടുണ്ട്. നിരവധി മികച്ചതും പ്രീമിയം സവിശേഷതകളും ഇതിൽ നൽകും എന്നാണ് റിപ്പോർട്ടുകൾ. മൂന്ന് സ്ക്രീൻ സജ്ജീകരണവും നാല് സ്പോക്ക് ഡിസൈൻ സ്റ്റിയറിംഗും പുതിയ സിയറയിൽ ലഭിക്കും. ഒപ്പം അഡ്വാൻസ്ഡ് ഡ്രൈവർ സിസ്റ്റം സവിശേഷതകളും പുതിയ സിയറയിൽ ലഭിക്കും.
