ടൊയോട്ട ഇന്നോവ ക്രിസ്റ്റ, ഇന്നോവ ഹൈക്രോസ്, മാരുതി ഇൻവിക്ടോ; കാത്തിരിപ്പ് കാലയളവ് വിശദാംശങ്ങൾ
ഹൈക്രോസ് അധിഷ്ഠിത മാരുതി സുസുക്കി ഇൻവിക്റ്റോ പ്രീമിയം എംപിവിയും രാജ്യത്തെ കാർ വാങ്ങുന്നവർക്കിടയിൽ മികച്ച ഡിമാൻഡ് റിപ്പോർട്ട് ചെയ്തിട്ടുണ്ട്. ഈ മൂന്ന് എംപിവികളുടെ കാത്തിരിപ്പ് കാലയളവ് വിശദാംശങ്ങളെക്കുറിച്ച് അറിയാം
ടൊയോട്ട ഇന്നോവ ഹൈക്രോസ്, മഹീന്ദ്ര എക്സ്യുവി700, സ്കോർപിയോ-എൻ, ഹ്യുണ്ടായ് ക്രെറ്റ എന്നിവയുൾപ്പെടെ നിരവധി എസ്യുവികളുടെയും എംപിവികളുടെയും വലിയ കാത്തിരിപ്പ് കാലാവധിയിൽ നിന്ന് പ്രീമിയം ഉൽപ്പന്നങ്ങളുടെ വർദ്ധിച്ചുവരുന്ന ഡിമാൻഡ് വ്യക്തമാണ്. ടൊയോട്ടയുടെ പ്രീമിയം എംപിവികൾ, ഇന്നോവ ക്രിസ്റ്റ, ഇന്നോവ ഹൈക്രോസ് എന്നിവയ്ക്കും കാർ വാങ്ങുന്നവരിൽ നിന്ന് മികച്ച പ്രതികരണമാണ് ലഭിച്ചത്. ഹൈക്രോസ് അധിഷ്ഠിത മാരുതി സുസുക്കി ഇൻവിക്റ്റോ പ്രീമിയം എംപിവിയും രാജ്യത്തെ കാർ വാങ്ങുന്നവർക്കിടയിൽ മികച്ച ഡിമാൻഡ് റിപ്പോർട്ട് ചെയ്തിട്ടുണ്ട്. ഈ മൂന്ന് എംപിവികളുടെ കാത്തിരിപ്പ് കാലയളവ് വിശദാംശങ്ങളെക്കുറിച്ച് അറിയാം
മാരുതി ഇൻവിക്ടോ
ഇൻവിക്ടോയ്ക്കായി നിലവിൽ മാരുതി സുസുക്കിക്ക് 5,000-ത്തിലധികം ഓർഡറുകൾ തീർപ്പാക്കാനുണ്ട്. ടൊയോട്ട ഇന്നോവ ഹൈക്രോസ് നിർമ്മിക്കുന്ന അതേ പ്രൊഡക്ഷൻ ലൈനിലാണ് ഈ മോഡലും നിർമ്മിക്കുന്നത്. മാരുതി സുസുക്കി പ്രതിമാസം ഏകദേശം 500 മുതൽ 700 യൂണിറ്റ് ഇൻവിക്ടോ ഡെലിവറി ചെയ്യുന്നു. ഇത് ഏഴുമുതൽ എട്ട് മാസത്തെ കാത്തിരിപ്പ് കാലയളവ് വരും.
ടൊയോട്ട ഇന്നോവ ഹൈക്രോസ്
ഇന്നോവ ഹൈക്രോസിന് രാജ്യത്തുടനീളമുള്ള വ്യക്തിഗത കാർ വാങ്ങുന്നവരിൽ നിന്ന് മികച്ച പ്രതികരണമാണ് ലഭിക്കുന്നത്. എംപിവി നിരവധി ഹൈ-എൻഡ് സവിശേഷതകളുമായാണ് വരുന്നത്. കൂടാതെ രണ്ടാമത്തെയും മൂന്നാമത്തെയും നിരയിലുള്ളവർക്ക് സെഗ്മെന്റ്-ലീഡിംഗ് സ്പേസ് വാഗ്ദാനം ചെയ്യുന്നു. ശക്തമായ ഹൈബ്രിഡ്, പെട്രോൾ എഞ്ചിൻ ഓപ്ഷനുകളോടെയാണ് എംപിവി വാഗ്ദാനം ചെയ്യുന്നത്. ഇന്നോവ ഹൈക്രോസിന്റെ ഹൈബ്രിഡ് പതിപ്പിന് 65 ആഴ്ച വരെ കാത്തിരിപ്പ് കാലയളവുണ്ട്. അത് ഒരുവർഷത്തിൽ കൂടുതലാണ്. അതുപോലെ, ഹൈക്രോസിന്റെ പെട്രോൾ വേരിയന്റിന് 26 ആഴ്ച വരെ കാത്തിരിപ്പ് കാലാവധിയുണ്ട്. അതായത് ആറ് മാസം. എംപിവി രണ്ട് എഞ്ചിൻ ഓപ്ഷനുകളിൽ ലഭ്യമാണ്. 2.0 ലിറ്റർ പെട്രോളും 2.0 ലിറ്റർ പെട്രോളും. ഇതൊരു ഹൈബ്രിഡ് മോട്ടോറുമായി ജോടിയാക്കിയിരിക്കുന്നു. ആദ്യത്തേത് ഒരു സിവിടി ഓട്ടോമാറ്റിക് യൂണിറ്റിനൊപ്പം ലഭ്യമാണ്, അതേസമയം ശക്തമായ ഹൈബ്രിഡ് പതിപ്പ് ഒരു ഇ-സിവിടി യൂണിറ്റിൽ മാത്രമേ ലഭ്യമാകൂ.
സ്റ്റോക്ക് ക്ലിയർ ഉഷാർ, കെട്ടിക്കിടക്കുന്ന ജനപ്രിയ കാറുകൾക്ക് ബമ്പർ വിലക്കിഴിവുമായി കമ്പനികൾ!
ടൊയോട്ട ഇന്നോവ ക്രിസ്റ്റ
നിലവിൽ രാജ്യത്ത് ഏറ്റവും പ്രചാരമുള്ളതും ഏറ്റവുമധികം വിറ്റഴിക്കപ്പെടുന്നതുമായ ടൊയോട്ട എംപിവിയാണ് ഇന്നോവ ക്രിസ്റ്റ. ഈ മോഡൽ ഫ്ലീറ്റ് ഓപ്പറേറ്റർമാർക്കിടയിൽ കൂടുതൽ പ്രസിദ്ധമാണ്, കൂടാതെ ഒരു ഡീസൽ എഞ്ചിൻ ഓപ്ഷനുള്ള മൂന്ന് വേരിയന്റുകളിൽ ഇത് വാഗ്ദാനം ചെയ്യുന്നു. എംപിവിക്ക് നിലവിൽ ഏഴ് മാസം വരെ കാത്തിരിപ്പ് കാലയളവുണ്ട്, ഇത് ഇന്നോവ ക്രിസ്റ്റയുടെ പെട്രോൾ ഡെറിവേറ്റീവിന് സമാനമാണ്. 148 bhp കരുത്തും 343 Nm ടോർക്കും ഉത്പാദിപ്പിക്കുന്ന 2.4 ലിറ്റർ ടർബോ ഡീസൽ എൻജിനാണ് ടൊയോട്ട ഇന്നോവ ക്രിസ്റ്റയ്ക്ക് കരുത്തേകുന്നത്. ആറ് സ്പീഡ് മാനുവൽ ഗിയർബോക്സ് വഴിയാണ് പിൻ ചക്രങ്ങളിലേക്ക് പവർ കൈമാറുന്നത്.