ജാപ്പനീസ് ഇരുചക്ര വാഹന നിര്മ്മാതാക്കളായ യമഹ മോട്ടോർ ഇന്ത്യ ചില വാഹനങ്ങളുടെ വില കൂട്ടി
ജാപ്പനീസ് ഇരുചക്ര വാഹന നിര്മ്മാതാക്കളായ യമഹ മോട്ടോർ ഇന്ത്യ ചില വാഹനങ്ങളുടെ വില കൂട്ടി. തിരഞ്ഞെടുത്ത ചില മോഡലുകളുടെ വിലയാണ് പരിഷ്കരിച്ചത്. പുതുക്കിയ വിലകൾ മുമ്പത്തെ എക്സ്ഷോറൂം വിലയേക്കാൾ 500 മുതൽ 1,000 രൂപ വരെ കൂടുതൽ ആണ്.
YZF-R15 V3.0 റേസിംഗ് ബ്ലൂ കളർ ഓപ്ഷന് ആണ് ഏറ്റവും അധികം വില വർധിച്ചത്. ഈ വാഹനം ഇപ്പോൾ 1,46,900 രൂപ മുതൽ ലഭ്യമാണ്. YZF-R15 V3.0 ന്റെ തണ്ടർ ഗ്രേ, ഡാർക്ക് നൈറ്റ് കളർ ഓപ്ഷനുകൾക്കും യഥാക്രമം 500 രൂപയും 600 രൂപയും വില വർധിപ്പിച്ചു.
YZF-R15 V3.0 അടിസ്ഥാനമാക്കിയുള്ള MT-15 ന്റെ ഐസ് ഫ്ലൂ-വെർമില്യൺ പെയിന്റ് ഓപ്ഷന് 500 രൂപ വിലവർദ്ധനവ് ലഭിച്ചു. മറ്റ് കളർ ഓപ്ഷനുകൾക്ക് വില മാറ്റമില്ല. FZ സീരീസിന്റെ ഏറ്റവും പുതിയ മോഡലായ FZ FI, FZ S FI എന്നിവയ്ക്ക് 500 രൂപ വില ഉയരും.
സ്കൂട്ടർ വിഭാഗത്തിൽ, അടുത്തിടെ അവതരിപ്പിച്ച ഫാസിനോ 125 ക്ക് വിലയിൽ മാറ്റമില്ല. പുതിയ റേ ZR 125, സ്ട്രീറ്റ് റാലി എന്നിവയ്ക്ക് 800 രൂപ വർദ്ധനവ് വരുത്തി.
