സ്വാതന്ത്ര്യദിനത്തിൽ മഹീന്ദ്ര വിഷൻ ടി എസ്യുവി കൺസെപ്റ്റ് അനാച്ഛാദനം ചെയ്തു. 2027-ൽ വിപണിയിലെത്തുമെന്ന് പ്രതീക്ഷിക്കുന്ന ഈ വാഹനം ഥാർ കുടുംബത്തിന്റെ ഭാഗമാകും.
സ്വാതന്ത്ര്യദിനത്തിൽ മുംബൈയിൽ നടന്ന ഒരു പരിപാടിയിൽ വിഷൻ എസ്, വിഷൻ എക്സ്, വിഷൻ എസ്എക്സ്ടി കൺസെപ്റ്റുകൾക്കൊപ്പം മഹീന്ദ്ര വിഷൻ ടി എസ്യുവി കൺസെപ്റ്റും ഒടുവിൽ അനാച്ഛാദനം ചെയ്തു. 2023 ഓഗസ്റ്റിൽ ആദ്യമായി കവർ ചെയ്ത ഥാർ ഇ കൺസെപ്റ്റിന്റെ പരിണമിച്ച പതിപ്പാണ് ഈ പുതിയ കൺസെപ്റ്റ് പ്രിവ്യൂ ചെയ്യുന്നത്. വിഷൻ ടി കൺസെപ്റ്റിന്റെ പ്രൊഡക്ഷൻ-റെഡി മോഡൽ 2027 ൽ വിപണിയിൽ എത്തും. ഇത് ഥാർ കുടുംബത്തിന്റെ ഭാഗമാകാനും സാധ്യതയുണ്ട്. പേരിലുള്ള "T" എന്നത് ഇതിന്റെ സൂചനയാണെന്നാണ് റിപ്പോർട്ടുകൾ.
കാഴ്ചയിൽ, വിഷൻ ടി ഥാർ ഇയെക്കാൾ കൂടുതൽ കരുത്തുറ്റതും സ്പോർട്ടിയുമായി കാണപ്പെടുന്നു. ഥാർ റോക്സിൽ കണ്ടതുപോലെ, തിരശ്ചീന സ്ലാറ്റുകളുള്ള രണ്ട്-ഭാഗ ഗ്രിൽ ഇതിൽ ഉൾപ്പെടുന്നു. ഹെഡ്ലാമ്പുകളിൽ രണ്ട് ലംബ ഘടകങ്ങളാൽ ചുറ്റപ്പെട്ട ചതുരാകൃതിയിലുള്ള ലൈറ്റിംഗ് ഘടകങ്ങളുണ്ട്. ടെയിൽലാമ്പ് ക്ലസ്റ്ററുകളിലും ഇതേ ഡിസൈൻ പാറ്റേൺ കാണാം. ഉയർന്ന വീൽ ആർച്ചുകൾ, ചതുരാകൃതിയിലുള്ള ബോണറ്റ്, ബോണറ്റ് ലാച്ചുകൾ ഓൾ-ടെറൈൻ ടയറുകൾ, ടെയിൽഗേറ്റ് ഘടിപ്പിച്ച സ്പെയർ വീൽ തുടങ്ങിയ ഡിസൈൻ ഘടകങ്ങൾ അതിന്റെ മസ്കുലാർ ലുക്കിനെ കൂടുതൽ മെച്ചപ്പെടുത്തുന്നു.
മഹീന്ദ്ര വിഷൻ കൺസെപ്റ്റ് എസ്യുവികൾക്കൊപ്പം അരങ്ങേറ്റം കുറിച്ച ബ്രാൻഡിന്റെ പുത്തൻ എൻയു ഐക്യു പ്ലാറ്റ്ഫോമിനെ അടിസ്ഥാനമാക്കിയുള്ള ആദ്യ മോഡലുകളിൽ ഒന്നായിരിക്കും മഹീന്ദ്ര വിഷൻ ടി എന്നാണ് റിപ്പോർട്ടുകൾ. ഒന്നിലധികം പവർട്രെയിനുകൾ, ഡ്രൈവ്ട്രെയിൻ (FWD, AWD), എൽഎച്ച്ഡി, ആർഎച്ച്ഡി കോൺഫിഗറേഷനുകൾ തുടങ്ങിയവ ഈ പുതിയ ഫ്ലെക്സിബിൾ ആർക്കിടെക്ചർ പിന്തുണയ്ക്കുന്നു. മികച്ച ഇൻ-ക്ലാസ് കമാൻഡിംഗ് സീറ്റ് ഉയരം, ഗ്രൗണ്ട് ക്ലിയറൻസ്, ക്യാബിൻ സ്പേസ് എന്നിവയും ഇത് വാഗ്ദാനം ചെയ്യുമെന്ന് കമ്പനി അവകാശപ്പെടുന്നു.
ആധുനിക മഹീന്ദ്ര മോഡലുകളിൽ നിന്ന് പ്രതീക്ഷിക്കുന്നതുപോലെ, സോഫ്റ്റ്വെയറിൽ ശ്രദ്ധ കേന്ദ്രീകരിച്ചിരിക്കുന്ന വിഷൻ ടിയുടെ ഉൾവശം ഫീച്ചറുകളാൽ സമ്പന്നമായിരിക്കും എന്നാണ് റിപ്പോർട്ടുകൾ. സ്വതന്ത്രമായി പ്രവർത്തിക്കുന്ന ഡിജിറ്റൽ ഇൻസ്ട്രുമെന്റ് ക്ലസ്റ്ററും വലിയ പോർട്രെയിറ്റ്-ഓറിയന്റഡ് സെൻട്രൽ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും സെന്റർ കൺസോളിൽ ചില ഫിസിക്കൽ സ്വിച്ച് ഗിയറും ഉള്ള ക്യാബിനും ഥാർ ഇ കൺസെപ്റ്റിന്റെ പരിണാമം പോലെയാണ് കാണപ്പെടുന്നത്. പുതിയ 3-സ്പോക്ക് സ്റ്റിയറിംഗ് വീലും ലഭിക്കും. കാറിന്റെ പരുക്കൻ ആകർഷണത്തിന് അനുസൃതമായി, ഡാഷ്ബോർഡിന് മിനിമലിസ്റ്റിക് ഡിസൈൻ ലഭിക്കുന്നു. പക്ഷേ അത് ഹാർഡ്-വെയറിംഗ് മെറ്റീരിയലുകൾ കൊണ്ടാണ് നിർമ്മിച്ചിരിക്കുന്നത്. വാഹനത്തിൽ പനോരമിക് സൺറൂഫും ലഭിക്കും എന്നാണ് റിപ്പോർട്ടുകൾ.
