ഹിന്ദു സ്റ്റഡീസിൽ പിഎച്ച്ഡിയുമായി ദില്ലി സർവകലാശാല
അപേക്ഷകർ സർവകലാശാലയുടെ പിഎച്ച്ഡി യോഗ്യതാ പരീക്ഷ വിജയിക്കണം. സംവരണ വിഭാഗങ്ങളിൽ നിന്നുള്ള വിദ്യാർത്ഥികൾക്ക് ഇളവ് നൽകും.
Followദില്ലി: ഡൽഹി യൂണിവേഴ്സിറ്റി (DU) വരുന്ന അധ്യയന വർഷം മുതൽ ഹിന്ദു സ്റ്റഡീസിൽ പിഎച്ച്ഡി പ്രോഗ്രാം ആരംഭിക്കാൻ ഒരുങ്ങുന്നു. വിദ്യാർത്ഥികൾക്ക് മികച്ച അക്കാദമിക് അവസരം നൽകുകയെന്ന ലക്ഷ്യത്തോടെയാണ് സെൻ്റർ ഫോർ ഹിന്ദു സ്റ്റഡീസ് ഗവേണിംഗ് ബോഡി പ്രോഗ്രാം ആരംഭിക്കാൻ നിർദ്ദേശിച്ചിരിക്കുന്നത്. കോഴ്സിനെക്കുറിച്ചുള്ള വിശദമായ വിവരങ്ങൾ ഔദ്യോഗിക വെബ്സൈറ്റിൽ പ്രസിദ്ധീകരിച്ചിട്ടുണ്ട്. ഡൽഹി സർവകലാശാലയിലെ പിഎച്ച്ഡി കോഴ്സിലേക്കുള്ള പ്രവേശനത്തിനുള്ള മാനദണ്ഡങ്ങൾക്ക് സമാനമാണ് ഹിന്ദു സ്റ്റഡീസിൽ പിഎച്ച്ഡി പ്രവേശനത്തിനുള്ള യോഗ്യതാ മാനദണ്ഡം.
പ്രോഗ്രാമിലേക്ക് അപേക്ഷിക്കാൻ തയ്യാറുള്ള ഉദ്യോഗാർത്ഥികൾ JRF/NET യോഗ്യതയ്ക്കൊപ്പം കുറഞ്ഞത് 55 ശതമാനം മാർക്കോടെ ഹിന്ദു പഠനത്തിൽ ബിരുദാനന്തര ബിരുദം നേടിയിരിക്കണം. അപേക്ഷകർ സർവകലാശാലയുടെ പിഎച്ച്ഡി യോഗ്യതാ പരീക്ഷ വിജയിക്കണം. സംവരണ വിഭാഗങ്ങളിൽ നിന്നുള്ള വിദ്യാർത്ഥികൾക്ക് ഇളവ് നൽകും. സംവരണം, സൂപ്പർന്യൂമറി വിഭാഗങ്ങൾ ഉൾപ്പെടെ 10 സീറ്റുകളിലേക്കാണ് പ്രോഗ്രാമിലേക്കുള്ള പ്രാരംഭ പ്രവേശനം. വിദ്യാർത്ഥികളുടെ അക്കാദമിക് ആവശ്യങ്ങൾ അടിസ്ഥാനമാക്കി ഭാവിയിൽ സീറ്റുകളുടെ എണ്ണം വർദ്ധിക്കും. ബ്രാഹ്മണ ഗ്രന്ഥങ്ങളിൽ ശ്രദ്ധ കേന്ദ്രീകരിച്ച് 2023-ൽ സ്ഥാപിതമായ ഹിന്ദു പഠന കേന്ദ്രം 2023 നവംബറിൽ അതിൻ്റെ ആദ്യ എംഎ ബാച്ച് ആരംഭിച്ചു.
