Asianet News Malayalam

സർവ്വകലാശാലകളിലെ അനദ്ധ്യാപക തസ്തികകൾ; വിജ്ഞാപനം പുറപ്പെടുവിക്കാൻ പിഎസ്‍സി തീരുമാനം

2020 നവംബർ 11 ന് ഈ അനദ്ധ്യാപക തസ്തികകളിലേയ്ക്കുള്ള യോഗ്യത, വയസ്സ്, ശമ്പള സ്കെയിൽ, നിയമനരീതി എന്നിവ നിർണ്ണയിച്ച് സർക്കാർ എക്സിക്യൂട്ടീവ് ഉത്തരവ് പുറപ്പെടുവിച്ചിരുന്നു. 

notifications announced by psc to non teachers posts in university
Author
Trivandrum, First Published Feb 18, 2021, 12:12 PM IST
  • Facebook
  • Twitter
  • Whatsapp

തിരുവനന്തപുരം: കേരളത്തിലെ സർവ്വകലാശാലകളിലെ വിവിധ അനദ്ധ്യാപക തസ്തികകളിലേയ്ക്കുള്ള വിജ്ഞാപനം പുറപ്പെടുവിക്കാൻ കേരള പബ്ലിക് സർവീസ് കമ്മിഷൻ തീരുമാനിച്ചു. ഓഫീസ് അറ്റൻഡന്റ്, യൂണിവേഴ്സിറ്റി ലൈബ്രറിയൻ, പ്രൊഫഷണൽ അസിസ്റ്റന്റ് ഗ്രേഡ് 2 (ലൈബ്രറി), യൂണിവേഴ്സിറ്റി എഞ്ചിനീയർ, അസിസ്റ്റന്റ് എഞ്ചിനീയർ (സിവിൽ, മെക്കാനിക്കൽ, ഇലക്ട്രിക്കൽ, ഇൻസ്ട്രമെന്റേഷൻ), ഓവർസീയർ ഗ്രേഡ് (സിവിൽ, മെക്കാനിക്കൽ, ഇലക്ട്രിക്കൽ), ഇലക്ട്രീഷ്യൻ, പമ്പ് ഓപ്പറേറ്റർ, പബ്ലിക് റിലേഷൻസ് ഓഫീസർ, പ്രോഗ്രാം കോ-ഓർഡിനേറ്റർ (എൻ.എസ്.എസ്.), സെക്യൂരിറ്റി ഓഫീസർ, ഡ്രൈവർ കം ഓഫീസ് അറ്റൻഡന്റ് (ഹെവി പാസഞ്ചർ ഗുഡ്സ് വെഹിക്കിൾ), ബസ് കണ്ടക്ടർ, സിസ്റ്റം മാനേജർ, സിസ്റ്റം അനലിസ്റ്റ്, പ്രോഗ്രാമർ എന്നീ 16 തസ്തികകളിലേയ്ക്കാണ് വിജ്ഞാപനം പുറപ്പെടുവിക്കുന്നത്. 

2020 നവംബർ 11 ന് ഈ അനദ്ധ്യാപക തസ്തികകളിലേയ്ക്കുള്ള യോഗ്യത, വയസ്സ്, ശമ്പള സ്കെയിൽ, നിയമനരീതി എന്നിവ നിർണ്ണയിച്ച് സർക്കാർ എക്സിക്യൂട്ടീവ് ഉത്തരവ് പുറപ്പെടുവിച്ചിരുന്നു. അതിനെത്തുടർന്നാണ് കമ്മിഷന്റെ തീരുമാനം ഉണ്ടായിരിക്കുന്നത്. ഈ സർവ്വകലാശാലകളിലെ അസിസ്റ്റന്റ്, കമ്പ്യൂട്ടർ അസിസ്റ്റന്റ് ഗ്രേഡ് 2 എന്നീ തസ്തികകളിൽ നിലവിൽ പി.എസ്.സി. നിയമനശിപാർശ നടത്തിക്കൊണ്ടിരിക്കുകയാണ്.

Follow Us:
Download App:
  • android
  • ios