Asianet News MalayalamAsianet News Malayalam

ഭാരത് പെട്രോളിയത്തിന്റെ ലേലം ലക്ഷ്യമിട്ട് ധനസമാ​ഹരണ പ്രവർത്തനങ്ങളുമായി വേദാന്ത ​ഗ്രൂപ്പ്

ഫണ്ട് സമാഹരണം ലക്ഷ്യമിട്ട് ഒരു ആങ്കർ ബാങ്കിനെ നിയമിക്കാനുള്ള ചർച്ചകൾ പുരോ​ഗമിക്കുകയാണ്. 

bpcl share sale
Author
Mumbai, First Published Dec 16, 2020, 4:03 PM IST

മുംബൈ: ഭാരത് പെട്രോളിയം കോർപ്പറേഷൻ ലേലത്തിന് മുന്നോ‌ടിയായി ഫണ്ട് സമാഹരണം ലക്ഷ്യമിട്ട് നീക്കങ്ങൾ സജീവമാക്കി വേദാന്ത ​ഗ്രൂപ്പ്. ഡെബ്റ്റ് ഇക്വിറ്റി ഫണ്ടുകളിൽ നിന്ന് 8 ബില്യൺ ഡോളർ സമാഹരിക്കാനാണ് ശതകോടീശ്വരൻ അനിൽ അഗർവാളിന്റെ വേദാന്ത ഗ്രൂപ്പ് പദ്ധതിയിടുന്നത്. നിക്ഷേപകരുമായും ബാങ്കുകളുമായും നടത്തിവരുന്ന ഇതിന്റെ ഭാ​ഗമായുളള ചർച്ചകൾ പുരോ​ഗമിക്കുന്നതായി പ്രമുഖ ദേശീയ മാധ്യമമായ ലൈവ് മിന്റ് റിപ്പോർട്ട് ചെയ്യുന്നു. 

ലണ്ടൻ ആസ്ഥാനമായുള്ള ബിസിനസ് ​ഗ്രൂപ്പാണ് വേദാന്ത. ഫണ്ട് സമാഹരണം ലക്ഷ്യമിട്ട് ഒരു ആങ്കർ ബാങ്കിനെ നിയമിക്കാനുള്ള ചർച്ചകൾ പുരോ​ഗമിക്കുകയാണ്. ജെ പി മോർഗനെയും പരി​ഗണിക്കുന്നതായാണ് റിപ്പോർട്ട്. 

കഴിഞ്ഞ മാസം വ്യവസായ ​ഗ്രൂപ്പ് ബിപിസിഎല്ലിലെ സർക്കാരിന്റെ 53 ശതമാനം ഓഹരി വാങ്ങാനുള്ള താൽപര്യം പത്രം സമർപ്പിച്ചു. കേന്ദ്ര സർക്കാരിന്റെ ആസ്തി വിൽപ്പന പദ്ധതിയുടെ ഭാഗമായി നടക്കുന്ന ബിപിസിഎൽ ഓഹരി വിൽപ്പനയിലൂടെ ഏകദേശം 45,000 കോടി വരുമാനമായി ഖജനാവിലേക്ക് എത്തുമെന്നാണ് കരുതുന്നത്.  

Follow Us:
Download App:
  • android
  • ios