'മുഹമ്മദ് സിറാജിന്റെ ഒരു പന്തിന് മണിക്കൂറില് 181.6 കിലോ മീറ്റര് വേഗം'! ഇത് കളിയോ കാര്യമോ? വസ്തുത അറിയാം
സംഭവം സാങ്കേതിക പിഴവാണെങ്കിലും താരത്തിനെ ട്രോളുകളാണ് ക്രിക്കറ്റ് ലോകം.
Followഅഡ്ലെയ്ഡ്: ബോര്ഡര് - ഗവാസ്കര് ട്രോഫിയിലെ രണ്ടാം ടെസ്റ്റില് ഇന്ത്യക്കെതിരെ ഒന്നാം ഇന്നിംഗ്സ് ലീഡിലേക്ക് നീങ്ങുകയാണ് ഓസ്ട്രേലിയ. അഡ്ലെയ്ഡില് പകല്-രാത്രി ടെസ്റ്റില് നേടി ബാറ്റിംഗിനെത്തിയ ഇന്ത്യയുടെ ഒന്നാം ഇന്നിംഗ്സ് 180ന് അവസാനിച്ചിരുന്നു. ആറ് വിക്കറ്റ് വീഴ്ത്തിയ മിച്ചല് സ്റ്റാര്ക്കാണ് ഇന്ത്യയെ തകര്ത്തത്. 42 റണ്സെടുത്ത നിതീഷ് കുമാര് റെഡ്ഡിയാണ് ഇന്ത്യയുടെ ടോപ് സ്കോറര്. മറുപടി ബാറ്റിംഗ് ആരംഭിച്ച ഓസീസ് ഒന്നാം ദിനം കളി നിര്ത്തുമ്പോള് ഒരു വിക്കറ്റ് മാത്രം നഷ്ടത്തില് 86 റണ്സെടുത്തിട്ടുണ്ട്.
ഉസ്മാന് ഖവാജയുടെ (13) വിക്കറ്റ് മാത്രമാണ് ഓസീസിന് നഷ്ടമായത്. ജസ്പ്രിത് ബുമ്രയുടെ തന്നെ പന്തില് സ്ലിപ്പില് ക്യാപ്റ്റന് രോഹിത് ശര്മയ്ക്ക് ക്യാച്ച് നല്കിയാണ് ഖവാജ മടങ്ങുന്നത്. നതാന് മക്സ്വീനി (38), മര്നസ് ലബുഷെയന് (20) എന്നിവരാണ് ക്രീസില്. ഇതിനിടെ ഇന്ത്യന് പേസര് മുഹമ്മദ് സിറാജുമായി ബന്ധപ്പെട്ട സംഭവമാണ് സോഷ്യല് മീഡിയയില് വൈറലാകുന്നത്. സിറാജ് ഒരു പന്തിന്റെ വേഗം മണിക്കൂറില് 181.6 കിലോമീറ്ററായിരുന്നു. സംഭവം സാങ്കേതിക പിഴവാണെങ്കിലും താരത്തിനെ ട്രോളുകളാണ് ക്രിക്കറ്റ് ലോകം. 'ഡിഎസ്പി സിറാജ്' ലോകത്തെ വേഗമേറിയ പേസറായിരിക്കുകയാണെന്നാണ് ക്രിക്കറ്റ് ലോകം പറയുന്നത്. ചില ട്രോളുകള് വായിക്കാം...
നേരത്തെ, നിതീഷ് റെഡ്ഡിക്ക് പുറമെ കെ എല് രാഹുല് (37), ശുഭ്മാന് ഗില് (31), റിഷഭ് പന്ത് (21), ആര് അശ്വിന് (22) എന്നിവര്ക്ക് മാത്രമാണ് ഇന്ത്യന് ഇന്നിംഗ്സില് രണ്ടക്കം കാണാനായത്. യശസ്വി ജയ്സ്വാള് (0), വിരാട് കോലി (7), രോഹിത് ശര്മ (3) എന്നിവര് നിരാശപ്പെടുത്തി. ഹര്ഷിത് റാണ (0), ജസ്പ്രിത് ബുമ്ര (0) എന്നിവരാണ് പുറത്തായ മറ്റുള്ളവര്. മുഹമ്മദ് സിറാജ് (4) പുറത്താവാതെ നിന്നു. ഇന്ത്യക്ക് ആദ്യ പന്തില് തന്നെ യശസ്വി ജയ്സ്വാളിന്റെ (0) വിക്കറ്റ് നഷ്ടമായിരുന്നു. സ്റ്റാര്ക്കിന്റെ പന്തില് വിക്കറ്റിന് മുന്നില് കുടങ്ങി അദ്ദേഹം. ആത്മവിശ്വാസത്തോടെ ബാറ്റ് ചെയ്ത രാഹുലും ഗില്ലും ചേര്ന്ന് ഇന്ത്യയെ 50 കടത്തി.
തുടര്ന്ന് 37 റണ്സെടുത്ത് നിലയുറപ്പിച്ചെന്നു കരുതിയ രാഹുലിനെ സ്റ്റാര്ക്കിന്റെ പന്തില് സ്ലിപ്പില് നഥാന് മക്സ്വീനി പിടികൂടി. പിന്നാലെ ക്രീസിലെത്തിയ കോലി നന്നായി തുടങ്ങിയെങ്കിലും ഓഫ് സ്റ്റംപിന് പുറത്തുപോയ സ്റ്റാര്ക്കിന്റെ പന്തില് അനാവശ്യാമായി ബാറ്റുവെച്ച് സ്ലിപ്പില് സ്റ്റീവ് സ്മിത്തിന്റെ കൈകളിലെത്തി. പിന്നാലെ ഗില്ലിനെ, സ്കോട് ബോളണ്ട് വിക്കറ്റിന് മുന്നില് കുടുക്കിയതോടെ ഇന്ത്യക്ക് 12 റണ്സിനിടെ മൂന്ന് വിക്കറ്റ് നഷ്ടമായി. ഡിന്നറിന് ശേഷവും ഇന്ത്യയുടെ തകര്ച്ച തുടര്ന്നു. രോഹിത്തിനെ വിക്കറ്റിന് മുന്നില് കുടുക്കി ബോളണ്ട് ഡിന്നറിന് ശേഷമുള്ള ആദ്യ പ്രഹരമേല്പ്പിച്ചു.
മുഷ്താഖ് അലിയില് മാത്രമല്ല വിജയ് ഹസാരെയിലും സഞ്ജുപ്പട പാടുപെടും! കേരളത്തിന്റെ മത്സരക്രമം അറിയാം
റിഷഭ് പന്ത് (21) പ്രതീക്ഷ നല്കിയെങ്കിലും പാറ്റ് കമിന്സിന്റെ ബൗണ്സറില് വീണു. പിന്നാലെ അശ്വിനും നിതീഷും ചേര്ന്ന് 150ന് അടുത്തെത്തിച്ചു. അശ്വിനെ വിക്കറ്റിന് മുന്നില് കുടുക്കിയ സ്റ്റാര്ക്ക് തന്നെയാണ് ഈ കൂട്ടുകെട്ട് പൊളിച്ചത്. പിന്നാലെ ഹര്ഷിത് റാണയെ (0) ബൗള്ഡാക്കിയ സ്റ്റാര്ക്ക് അഞ്ച് വിക്കറ്റ് തികച്ചു. ബുമ്രയെയും സിറാജിനെയും കൂട്ടുപിടിച്ച് നിതീഷ് റെഡ്ഡി പൊരുതിയതോടെ ഇന്ത്യ 180ല് എത്തി. ഒടുവില് നിതീഷിനേയും മടക്കിയ സ്റ്റാര്ക്ക് തന്നെ ഇന്ത്യന് ഇന്നിംഗ്സ് അവസാനിപ്പിച്ചു.
