Asianet News MalayalamAsianet News Malayalam

കൊവിഡ് 19: വാര്‍ഷിക കരാര്‍ പ്രഖ്യാപിക്കുന്നത് ക്രിക്കറ്റ് ഓസ്ട്രേലിയ നീട്ടി

വനിതാ താരങ്ങളുടെ കരാര്‍ ബുധനാഴ്ചയും പുരുഷ താരങ്ങളുടേത് വ്യാഴാഴ്യും പ്രഖ്യാപിക്കുമെന്നാണ് നേരത്തെ അറിയിച്ചിരുന്നത്

Cricket Australia contracts delayed due to Covid 19
Author
Sydney NSW, First Published Mar 30, 2020, 10:01 AM IST

സിഡ്‍നി: ഓസ്ട്രേലിയന്‍ ക്രിക്കറ്റ് താരങ്ങളുടെ വാര്‍ഷിക കരാര്‍ പ്രഖ്യാപിക്കുന്നത് നീട്ടിവച്ചു. കൊവിഡ് 19 വൈറസ് വ്യാപനത്തെ തുടര്‍ന്നുള്ള ആശയക്കുഴപ്പം കാരണമാണ് പ്രഖ്യാപനം നീട്ടിയത്. വനിതാ താരങ്ങളുടെ കരാര്‍ ബുധനാഴ്ചയും പുരുഷ താരങ്ങളുടേത് വ്യാഴാഴ്‍ചയും പ്രഖ്യാപിക്കുമെന്നാണ് നേരത്തെ അറിയിച്ചിരുന്നത്. 

Read more: കൊവിഡ് 19: മാതൃകയായി കേരള ക്രിക്കറ്റ് അസോസിയേഷനും; സഹായം പ്രഖ്യാപിച്ചു

ഇത് ഏപ്രിൽ അവസാനമോ മെയ് ആദ്യവാരമോ നടന്നേക്കുമെന്ന് ക്രിക്കറ്റ് ഓസ്ട്രേലിയ പറഞ്ഞു. ജൂണിൽ ബംഗ്ലാദേശിലും ജൂലൈയിൽ ഇംഗ്ലണ്ടിലും ഓസീസ് ടീമിന് പരമ്പരകളുണ്ട്. എന്നാൽ ഈ പര്യടനങ്ങള്‍ നടക്കുമോയെന്ന് ഉറപ്പില്ല.

ഓസ്ട്രേലിയയിലെ സാഹചര്യങ്ങള്‍ ഇന്ത്യക്കും തിരിച്ചടി? 

അതേസമയം ഓസ്ട്രേലിയയിലെ ഇന്ത്യയുടെ ട്വന്‍റി 20 പരമ്പര അനിശ്ചിതത്വത്തിലായി. സെപ്റ്റംബറില്‍ നടക്കേണ്ട പരമ്പരയാണ് പ്രതിസന്ധിയിലായത്. ഓസ്ട്രേലിയിൽ ആള്‍ക്കൂട്ടനിയന്ത്രണങ്ങള്‍ കര്‍ശനമാക്കിയതാണ് പരമ്പര സംബന്ധിച്ച ആശയക്കുഴപ്പത്തിന് കാരണം.

Read more: ടി20 ലോകകപ്പ് മാത്രമല്ല, സ്വപ്ന പരമ്പരയും വെള്ളത്തിലാവും? കോലിപ്പടയെ കാത്തിരിക്കുന്ന തിരിച്ചടികള്‍

മൂന്ന് മത്സരങ്ങളാണ് പരമ്പരയിൽ ഉള്ളത്. ഒക്ടോബറിലെ ട്വന്‍റി 20 ലോകകപ്പിന് മുന്‍പ് ഇന്ത്യയുടെ പ്രധാന ട്വന്‍റി 20 പരമ്പരയായാണ് ഓസീസിനെതിരായ മത്സരങ്ങള്‍ പരിഗണിക്കപ്പെടുന്നത്.

കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക

 

Follow Us:
Download App:
  • android
  • ios