ന്യൂസിലന്ഡിനെതിരായ രണ്ടാം ടി20യില് ടോസ് നേടിയ ഇന്ത്യന് ക്യാപ്റ്റന് സൂര്യകുമാര് യാദവ് ബൗളിംഗ് തിരഞ്ഞെടുത്തു.
റായ്പൂര്: ന്യൂസിലന്ഡിനെതിരായ രണ്ടാം ടി20യില് ഇന്ത്യ ആദ്യം പന്തെടുക്കും. റായ്പൂര്, വീര് നാരായണ് സിംഗ് ഇന്റര്നാഷണല് സ്റ്റേഡിയത്തില് ടോസ് നേടിയ ഇന്ത്യന് ക്യാപ്റ്റന് സൂര്യകുമാര് യാദവ് ന്യൂസിലന്ഡിനെ ബാറ്റിംഗിന് അയക്കുകയായിരുന്നു. രണ്ട് മാറ്റങ്ങളുമായിടാണ് ഇന്ത്യ ഇറങ്ങുന്നത്. പരിക്കിനെ തുടര്ന്ന് അക്സര് പട്ടേല് പുറത്തായി. ജസ്പ്രിത് ബുമ്രയ്ക്ക് വിശ്രമം അനുവദിച്ചു. ഹര്ഷിദ് റാണ, കുല്ദീപ് യാദവ് എന്നിവര് തിരിച്ചെത്തി. ന്യൂസിലന്ഡ് മൂന്ന് മാറ്റം വരുത്തി. ടിം സീഫെര്ട്ട്, സക്കാറി ഫൗള്ക്സ്, മാറ്റ് ഹെന്റി എന്നിവര് ടീമിലെത്തി. ടിം റോബിന്സണ്, ക്രിസ്റ്റിയന് ക്ലാര്ക്ക്, കെയ്ല് ജാമിസണ് എന്നിവരാണ് വഴി മാറിയത്. ഇരു ടീമുകളുടേയും പ്ലേയിംഗ് ഇലവന് അറിയാം.
ന്യൂസിലന്ഡ്: ഡെവണ് കോണ്വേ, ടിം സീഫെര്ട്ട് (വിക്കറ്റ് കീപ്പര്), രചിന് രവീന്ദ്ര, ഗ്ലെന് ഫിലിപ്സ്, മാര്ക്ക് ചാപ്മാന്, ഡാരില് മിച്ചല്, മിച്ചല് സാന്റ്നര് (ക്യാപ്റ്റന്), സക്കാറി ഫൗള്ക്സ്, മാറ്റ് ഹെന്റി, ഇഷ് സോധി, ജേക്കബ് ഡഫി
ഇന്ത്യ: സഞ്ജു സാംസണ് (വിക്കറ്റ് കീപ്പര്), അഭിഷേക് ശര്മ, ഇഷാന് കിഷന്, സൂര്യകുമാര് യാദവ് (ക്യാപ്റ്റന്), ഹാര്ദിക് പാണ്ഡ്യ, ശിവം ദുബെ, റിങ്കു സിംഗ്, ഹര്ഷിത് റാണ, അര്ഷ്ദീപ് സിംഗ്, കുല്ദീപ് യാദവ്, വരുണ് ചക്രവര്ത്തി.
നാഗ്പൂരില് കൂറ്റന് സ്കോര് നേടി ജയിച്ച് തുടങ്ങിയ ആത്മവിശ്വാസത്തിലാണ് ടീം ഇന്ത്യ രണ്ടാം മത്സരത്തിനിറങ്ങുന്നത്. ഒരു റണ്ണിനിടെ രണ്ട് വിക്കറ്റ് നഷ്ടമായിട്ടും വീറോടെ പൊരുതിയ ആശ്വാസത്തിലാണ് ന്യൂസിലന്ഡ്. ലോകകപ്പിന് മുന്പുള്ള അവസാന പരമ്പര ഇരുടീമിനും നിര്ണായകമാണ്. ക്യാപ്റ്റന് സൂര്യകുമാര് യാദവ് ഫോമിലേക്ക് തിരിച്ചെത്തുന്നതിന്റെ സൂചനകള് നല്കിയത് ഇന്ത്യന് ക്യാമ്പിന് നല്കുന്ന ആശ്വാസം ചെറുതല്ല. ഡെവോണ് കോണ്വേ, രചിന് രവീന്ദ്ര, ഡാരില് മിച്ചല് തുടങ്ങിയവര് ഫോമിലേക്ക് എത്തിയാലെ കിവീസിന് രക്ഷയുള്ളൂ.
