Asianet News MalayalamAsianet News Malayalam

തിരിച്ചുവരുമ്പോള്‍ ക്യാപ്റ്റന്‍ സ്ഥാനം ഉറപ്പില്ലെന്ന് ശ്രേയസ് അയ്യര്‍

തോളിനേറ്റ പരിക്ക് ഭേദമായി വരികയാണെന്നും ഒരു മാസത്തിനുള്ളില്‍ കളിക്കളത്തില്‍ തിരിച്ചെത്താന്‍ കഴിയുമെന്നാണ് പ്രതീക്ഷിക്കുന്നതെന്നും അയ്യര്‍ പറഞ്ഞു

IPL 2021: Shreyas Iyer unsure about Delhi Capitals captaincy when he returns
Author
Delhi, First Published Jul 5, 2021, 7:15 PM IST
  • Facebook
  • Twitter
  • Whatsapp

ദില്ലി: പരിക്കുമാറി ഐപിഎല്ലില്‍ തിരിച്ചെത്തുമ്പോള്‍ ഡല്‍ഹി ക്യാപിറ്റല്‍സിന്‍റെ നായകസ്ഥാനം തിരിച്ചു കിട്ടുമെന്ന് തനിക്ക് ഉറപ്പില്ലെന്ന് ശ്രേയസ് അയ്യര്‍. ടീം ഉടമസ്ഥരാണ് ആരാണ് നായകനാവേണ്ടതെന്ന് തീരുമാനിക്കേണ്ടതെന്നും യുട്യൂബ് ചാനലിനോട് ശ്രേയസ് അയ്യര്‍ പറഞ്ഞു.

ക്യാപ്റ്റന്‍സിയെക്കുറിച്ച് എനിക്ക് ഒന്നുമറിയില്ല. അത് ടീമിന്‍റെ ഉടമസ്ഥരുടെ കൈയിലാണ്. റിഷഭ് പന്തിന് കീഴില്‍ ടീം മികച്ച പ്രകടനം നടത്തുകയാണ്. പോയന്‍റ് പട്ടികയിലും തലപ്പത്താണ്. അത് മാത്രമാണ് എന്നെ സംബന്ധിച്ചിടത്തോളം പ്രധാനം. ഐപിഎല്‍ കിരീടം ഉയര്‍ത്തുക എന്നതാണ് തന്‍റെ ഏറ്റവും വലിയ ലക്ഷ്യമെന്നും ശ്രേയസ് അയ്യര്‍ പറഞ്ഞു.

തോളിനേറ്റ പരിക്ക് ഭേദമായി വരികയാണെന്നും ഒരു മാസത്തിനുള്ളില്‍ കളിക്കളത്തില്‍ തിരിച്ചെത്താന്‍ കഴിയുമെന്നാണ് പ്രതീക്ഷിക്കുന്നതെന്നും അയ്യര്‍ പറഞ്ഞു. പരിശീലനം തുടരുകയാണ്. ഐപിഎല്ലില്‍ കളിക്കാന്‍ കഴിയുമെന്നാണ് പ്രതീക്ഷിക്കുന്നതെന്നും അയ്യര്‍ പറഞ്ഞു. ശ്രേയസ് അയ്യര്‍ക്ക് കീഴില്‍ ഡല്‍ഹി ക്യാപിറ്റല്‍സ് കഴിഞ്ഞ സീസണില്‍ ഐപിഎല്‍ ഫൈനലില്‍ എത്തിയിരുന്നു. എന്നാല്‍ ഫൈനലില്‍ മുംബൈ ഇന്ത്യന്‍സിനു മുന്നില്‍ തോറ്റു.

ഈ വര്‍ഷം ഐപിഎല്ലിന് മുന്നോടിയായി നടന്ന ഇംഗ്ലണ്ടിനെതിരായ ഏകദിന പരമ്പരക്കിടെ ഫീല്‍ഡിംഗിനിടെയാണ് ശ്രേയസ് അയ്യരുടെ തോളിന് പരിക്കേറ്റത്. അയ്യരുടെ അഭാവത്തില്‍ റിഷഭ് പന്താണ് ഐപിഎല്ലിന്‍റെ ആദ്യ പകുതിയില്‍ ഡല്‍ഹിയെ നയിച്ചത്. കളിക്കാര്‍ക്ക് കൊവിഡ് ബാധിച്ചതിനെ തുടര്‍ന്ന് ഐപിഎല്‍ നിര്‍ത്തിവെക്കുമ്പോള്‍ ഡല്‍ഹിയാണ് നിലവില്‍ പോയന്‍റ് പട്ടികയില്‍ ഒന്നാമത്. സെപ്റ്റംബറില്‍ ദുബായിലാണ് ഐപിഎല്ലിലെ ശേഷിക്കുന്ന മത്സരങ്ങള്‍ തുടങ്ങുക.

Follow Us:
Download App:
  • android
  • ios