സഞ്ജു സാംസണിന്റെ മത്സരങ്ങള് ടെലിവിഷനിലും ഓണ്ലൈനിലും കാണാന് ആരാധകർക്ക് ഈ സൗകര്യങ്ങള് ഉപയോഗിക്കാം
ഡബ്ലിന്: ഹാർദിക് പാണ്ഡ്യയുടെ(Hardik Pandya) കന്നി നായകത്വത്തില് ടീം ഇന്ത്യ നാളെ അയർലന്ഡിനെതിരെ ടി20(IRE vs IND 1st T20I) പോരാട്ടത്തിന് ഇറങ്ങുകയാണ്. രാത്രി 9 മണിക്കാണ് രണ്ട് ടി20കളുടെ പരമ്പരയിലെ ആദ്യ മത്സരം ആരംഭിക്കുന്നത്. രോഹിത് ശർമ്മ, വിരാട് കോലി, ജസ്പ്രീത് ബുമ്ര തുടങ്ങി നിരവധി മുതിർന്ന താരങ്ങള് സ്ക്വാഡിലില്ലെങ്കിലും സഞ്ജു സാംസണ്(Sanju Samson) അടക്കമുള്ള യുവ സൂപ്പർ താരനിരയുടെ പ്രകടനം കാണാന് ആരാധകർ കാത്തിരിക്കുകയാണ്.
തല്സമയം കാണാന്
ഡബ്ലിനില് ഇന്ത്യന് സമയം രാത്രി 9 മണിക്കാണ് രണ്ട് ടി20 മത്സരങ്ങളും ആരംഭിക്കുക. സോണി സിക്സ്, സോണി സിക്സ് എച്ച്ഡി ചാനലുകളാണ് മത്സരം ടെലിവിഷനില് ഇന്ത്യയില് സംപ്രേഷണം ചെയ്യുന്നത്. സോണി ലൈവിലൂടെ മത്സരത്തിന്റെ ഓണ്ലൈന് സ്ട്രീമിങ്ങും കാണാം. മത്സരത്തിന്റെ എല്ലാ വിശദാംശങ്ങളും ഏഷ്യാനെറ്റ് ന്യൂസ് ഓണ്ലൈന് വഴി അറിയാം.
ഐപിഎല്ലില് ഗുജറാത്തിനെ കിരീടത്തിലെത്തിച്ച ഹാര്ദിക് പാണ്ഡ്യയുടെ ക്യാപ്റ്റനായുള്ള അരങ്ങേറ്റം പരമ്പരയുടെ ശ്രദ്ധാകേന്ദ്രമാകും. ഹാര്ദിക്കിന് പുറമെ ഓപ്പണര്മാരായ റുതുരാജ് ഗെയ്ക്വാദ്, ഇഷാന് കിഷന്, വിക്കറ്റ് കീപ്പര് ബാറ്ററും ഫിനിഷറുമായ ദിനേശ് കാര്ത്തിക് എന്നിവര് അന്തിമ ഇലവനിലെത്തുമെന്ന് ഉറപ്പ്. ടി20 ഫോര്മാറ്റില് അപകടകാരിയായ സൂര്യകുമാര് യാദവ് മൂന്നാം നമ്പറില് ഇറങ്ങാനാണ് സാധ്യത. സഞ്ജു സാംസണ് ആദ്യ മത്സരത്തില് കളിക്കുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നുണ്ടെങ്കിലും ദീപക് ഹൂഡ, രാഹുല് ത്രിപാഠി എന്നിവരുടെ വെല്ലുവിളി മറികടക്കേണ്ടി വരും.
ബൗളിംഗില് ഭുവനേശ്വര് കുമാര്, ആവേശ് ഖാന്, ഹര്ഷല് പട്ടേല് എന്നിവര്ക്കൊപ്പം യുസ്വേന്ദ്ര ചഹലും സ്ഥാനം നിലനിര്ത്തിയേക്കും. അതിവേഗക്കാരന് ഉമ്രാന് മാലിക്കിനും ഡെത്ത് ഓവറുകളില് കൃത്യതയോടെ പന്തെറിഞ്ഞ് ഐപിഎല്ലില് താരമായ അര്ഷ്ദീപ് സിംഗിനും അരങ്ങേറ്റം അനുവദിക്കുമോയെന്നതാണ് ആരാധകര് ഉറ്റുനോക്കുന്നത്. രണ്ടാം ട്വന്റി 20 ചൊവ്വാഴ്ച നടക്കും.
അയർലന്ഡ് പര്യടനത്തിലുള്ള ഇന്ത്യന് ടി20 ടീം: ഹാര്ദിക് പാണ്ഡ്യ(ക്യാപ്റ്റന്), ഭുവനേശ്വര് കുമാര്, ഇഷാന് കിഷന്, റുതുരാജ് ഗെയ്ക്വാദ്, സഞ്ജു സാംസണ്, സൂര്യകുമാര് യാദവ്, വെങ്കടേഷ് അയ്യര്, ദീപക് ഹൂഡ, രാഹുല് ത്രിപാഠി, ദിനേശ് കാര്ത്തിക്, യുസ്വേന്ദ്ര ചാഹല്, അക്സര് പട്ടേല്, രവി ബിഷ്ണോയ്, ഹര്ഷല് പട്ടേല്, ആവേശ് ഖാന്, അര്ഷ്ദീപ് സിംഗ്, ഉമ്രാന് മാലിക്ക്.
IRE vs IND : ഡികെ, ഇഷാന് കിഷന്, സഞ്ജു സാംസണ്; ആരാവണം നാളെ വിക്കറ്റ് കീപ്പറെന്ന് മുന്താരം
