ഗംഭീര തുടക്കമാണ് ഇന്ത്യക്ക് ലഭിച്ചത്. ഒന്നാം വിക്കറ്റില് രോഹിത് - ശുഭ്മാന് ഗില് സഖ്യം 105 റണ്സ് ചേര്ത്തു.
ദുബായ്: ഐസിസി ചാംപ്യന്സ് ട്രോഫി ഫൈനലില് ന്യൂസിലന്ഡിനെതിരെ ഇന്ത്യക്ക് വേഗത്തില് മൂന്ന് വിക്കറ്റ് നഷ്ടം. ദുബായ്, ഇന്റര്നാഷണല് ക്രിക്കറ്റ് സ്റ്റേഡിയത്തില് 252 റണ്സ് വിജയലക്ഷ്യം പിന്തുടരുന്ന ഇന്ത്യ ഒടുവില് വിവരം ലഭിക്കുമ്പോള് 31 ഓവറില് മൂന്നിന് 141 എന്ന നിലയിലാണ്. ഒരു ഘട്ടത്തില് വിക്കറ്റ് നഷ്ടമില്ലാതെ 105 എന്ന നിലയിലായിരുന്നു ഇന്ത്യ. പിന്നീട് 17 റണ്സെടുക്കുന്നതിനിടെ ഇന്ത്യക്ക് മൂന്ന് വിക്കറ്റുകള് നഷ്ടമായി. ശുഭ്മാന് ഗില് (31), വിരാട് കോലി (1), രോഹിത് ശര്മ (76) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്. ശ്രേയസ് അയ്യര് (21), അക്സര് പട്ടേല് (7) എന്നിവരാണ് ക്രീസില്. നേരത്തെ, കിവീസിനെ ഇന്ത്യന് സ്പിന്നര്മാര് വരിഞ്ഞുമുറുക്കുകയായിരുന്നു. ഏഴ് വിക്കറ്റുകള് ന്യൂസിലന്ഡിന് നഷ്ടമായി. കുല്ദീപ് യാദവ്, വരുണ് ചക്രവര്ത്തി എന്നിവര് രണ്ട് വിക്കറ്റ് വീതം വീഴ്ത്തി. 63 റണ്സെടുത്ത ഡാരില് മിച്ചലാണ് കിവീസിന്റെ ടോപ് സ്കോറര്. 53 റണ്സുമായ പുറത്താവാത നിന്ന മൈക്കല് ബ്രേസ്വെല്ലിന്റെ ഇന്നിംഗ്സ് നിര്ണായകമായി.
ഗംഭീര തുടക്കമാണ് ഇന്ത്യക്ക് ലഭിച്ചത്. ഒന്നാം വിക്കറ്റില് രോഹിത് - ശുഭ്മാന് ഗില് സഖ്യം 105 റണ്സ് ചേര്ത്തു. 19-ാം ഓവറിലാണ് കൂട്ടുകെട്ട് പൊളിയുന്നത്. ഗ്ലെന് ഫിലിപ്സിന്റെ ഒരു തകര്പ്പന് ക്യാച്ചാണ് ഗില്ലിന് പുറത്തേക്കുള്ള വഴി തെളിയിച്ചത്. സാന്റ്നര്ക്കായിരുന്നു വിക്കറ്റ്. കോലി നേരിട്ട രണ്ടാം പന്തില് തന്നെ വിക്കറ്റിന് മുന്നില് കുടുങ്ങി. മൈക്കല് ബ്രേസ്വെല്ലിന്റെ പന്തില് മടങ്ങുകയായിരുന്നു താരം. പിന്നാലെ രോഹിത് ശര്മയും മടങ്ങി. രചിന് രവീന്ദ്രയുടെ പന്തില് ക്രീസ് വിട്ട് അടിക്കാനുള്ള ശ്രമത്തില് രോഹിത് പരാജയപ്പെട്ടു. വിക്കറ്റ് കീപ്പര് ടോം ലാതം സ്റ്റംപ് ചെയ്ത് പുറത്താക്കുകയായിരുന്നു രോഹിത്തിനെ. മൂന്ന് സിക്സും ഏഴ് ഫോറും ഉള്പ്പെടുന്നതായിരുന്നു രോഹിത്തിന്റെ ഇന്നിംഗ്സ്.
നേരത്തെ മോശം തുടക്കമായിരുന്നു ന്യൂസിലന്ഡിന്. വില് യംഗ് (15), രച്ചിന് രവീന്ദ്ര (37), കെയ്ന് വില്യംസണ് (11), ടോം ലാഥം (14) എന്നിവരുടെ വിക്കറ്റുകള് ആദ്യ 25 ഓവറിനിടെ കിവീസിന് നഷ്ടമായി. എട്ടാം ഓവറിലെ അഞ്ചാം പന്തില് യംഗിനെ വിക്കറ്റിന് മുന്നില് കുടുക്കി വരുണ് ഇന്ത്യക്ക് ആദ്യ ബ്രേക്ക് ത്രൂ സമ്മാനിച്ചു. പിന്നാലെ തന്റെ ആദ്യ ഓവറിലെ ആദ്യ പന്തില് തന്നെ രചിന് രവീന്ദ്രയെ ബൗള്ഡാക്കിയ കുല്ദീപ് യാദവ് ഇന്ത്യക്ക് കാത്തിരുന്ന വിക്കറ്റ് സമ്മാനിച്ചു. തന്റെ രണ്ടാം ഓവറില് കെയ്ന് വില്യംസണെ റിട്ടേണ് ക്യാച്ചിലൂടെ മടക്കാനും കുല്ദീപിന് സാധിച്ചു. ഇതോടെ മൂന്നിന് 75 എന്ന നിലയിലായി ന്യൂസിലന്ഡ്. തുര്ന്ന് ലാഥമും മിച്ചലും ചേര്ന്ന് ന്യൂസിലന്ഡിനെ 20-ാം ഓവറില് 100 കടത്തി. സ്പിന്നര്മാരെ ഇരുവരും കരുതലോടെ നേരിട്ടതോടെ കിവീസ് റണ്നിരക്ക് കുത്തനെ ഇടിഞ്ഞു. വൈകാതെ ലാഥമിനെ(14) ജഡേജ വിക്കറ്റിന് മുന്നില് കുടുക്കുകയും ചെയ്തു.
രവീന്ദ്ര ജഡേജ കളിച്ചത് ഏകദിനത്തിലെ അവസാന മത്സരമോ? ആശ്ലേഷിച്ച് വിരാട് കോലി, പ്രതികരണ
പിന്നീട് മിച്ചല് - ഗ്ലെന് ഫിലിപ്സ് (34) സഖ്യം കൂട്ടുകെട്ട് പടുത്തുയര്ത്തി. ഇരുവരും 57 റണ്സ് കൂട്ടിചേര്ത്തു. 38-ാം ഓവറില് ഫിലിപ്സിനെ പുറത്താക്കി വരുണ് ചക്രവര്ത്തിയാണ് ഇന്ത്യക്ക് വീണ്ടും ബ്രേക്ക് ത്രൂ നല്കുന്നത്. വരുണിന്റെ പന്തില് ബൗള്ഡാവുകയായിരുന്നു താരം. പിന്നീട് ബ്രേസ്വെല്ലിനൊപ്പം 46 റണ്സ് കൂട്ടിചേര്ത്ത് ബ്രേസ്വെല് മടങ്ങി. മുഹമ്മദ് ഷമിയുടെ പന്തില് ക്യാപ്റ്റന് രോഹിത്തിന് ക്യാച്ച് നല്കി. മിച്ചല് സാന്റ്നറാണ് (8) പുറത്തായ മറ്റൊരു താരം. നഥാന് സ്മിത്ത് (0) പുറത്താവാതെ നിന്നു. 40 പന്തുകള് നേരിട്ട ബ്രേസ്വെല് രണ്ട് സിക്സും മൂന്ന് ഫോറും നേടി. മുഹമ്മദ് ഷമി, രവീന്ദ്ര ജഡേജ എന്നിവര് ഓരോ വിക്കറ്റ് വീതം വീഴ്ത്തി.
ന്യൂസിലന്ഡ് പ്ലേയിംഗ് ഇലവന്: വില് യങ്, രച്ചിന് രവീന്ദ്ര, കെയ്ന് വില്യംസണ്, ടോം ലാഥം, ഡാരില് മിച്ചല്, ഗ്ലെന് ഫിലിപ്സ്, മൈക്കല് ബ്രേസ്വെല്, മിച്ചല് സാന്റ്നര് (ക്യാപ്റ്റന്), കെയ്ല് ജാമിസണ്, വില്യം ഓറൂര്ക്ക്, നഥാന് സ്മിത്ത്.
ഇന്ത്യ പ്ലേയിംഗ് ഇലവന്: രോഹിത് ശര്മ്മ (ക്യാപ്റ്റന്), ശുഭ്മാന് ഗില്, വിരാട് കോഹ്ലി, ശ്രേയസ് അയ്യര്, കെ എല് രാഹുല്, ഹാര്ദിക് പാണ്ഡ്യ, അക്സര് പട്ടേല്, രവീന്ദ്ര ജഡേജ, കുല്ദീപ് യാദവ്, മുഹമ്മദ് ഷമി, വരുണ് ചക്രവര്ത്തി.
